O Proxecto ESTALMAT-Galicia para Estímulo do Talento Matemático en estudantes da nosa Comunidade Autónoma anuncia a Convocatoria 2022 da proba de selección dirixida a estudantes nacidos nos anos 2008, 2009 e 2010, que conformarán a promoción número 15.

O proxecto ESTALMAT-Galicia iniciou a súa andadura no curso 2007-2008, integrado no Proxecto ESTALMAT, iniciativa da Real Academia Española de Ciencias Exactas, Físicas y Naturales de España. Conta co apoio da Consellería de Cultura, Educación e Universidade, da Axencia Galega de Innovación, do Centro de Supercomputación de Galicia (CESGA) e da Facultade de Matemáticas da Universidade de Santiago de Compostela (USC). Nas diferentes edicións, as Deputacións das catro provincias galegas apoiaron economicamente o programa.

O obxectivo de ESTALMAT-Galicia é detectar e prestar atención a nenas e nenos con talento matemático. Trátase de desenvolver aspectos que permitan axudar a pensar en matemáticas, resolver problemas e, en definitiva, pasalo ben coas matemáticas ao tempo que se detecta e canaliza o talento matemático para mellor proveito da sociedade.

Poden acceder a toda a información relativa a convocatoria no seguinte  ENLACE

O proceso de matrícula nas probas ABAU na convocatoria ordinaria de 2022 para o alumnado de 2º de BAC que supere o curso na avaliación ordinaria de 2º de BAC realizarase entre os días 19 ao 23 de maio.

• Día 19 de maio, xoves: na secretaria do centro recollida de impresos e documentación ou descarga, cumprimentación de impresos  e abono taxas.
• Días 20 e 23 de maio, venres e luns: entrega de documentación na Secretaría. (abono de taxas, impresos de solicitud de título e prematrícula en ABAU, copias DNI, etc.). Comprobación de datos e recollida de impresos na Secretaría. Recollida da documentación a levar ás probas ABAU, comprobación da matrícula.
• Día 23 luns: recollida da documentación a levar ás probas ABAU, comprobación da matrícula.
• Días 7, 8, 9 de xuño 2022 exames ABAU da convocatoria ordinaria.

INSTRUCIÓNS E DATAS IMPORTANTES:

• Instrucións ABAU 2022
• Horario e datas das probas ABAU ORDINARIAS
• Relación de Comisións Delegadas coa asignación dos Centros de Secundaria
  que corresponden a cada unha delas
• Para preguntar nos LERD
• Instrucións ABAU 2022 da CIUG

IMPRESOS: (descargar e cubrir os 3)

1. Impreso para o pago das tasas ABAU se non se fai online.
2. Impreso para o pago do título de bacharelato (descargar modelo) Para descargar o modelo premer en "INICIAR TASA", premer no candado aberto e despois en "DESCARGAR MODELO".
3. Impreso de prematrícula na ABAU

ADXUNTOS:

• Lugar Celebración probas.

• VIDEO:

MODALIDADE RELATO CURTO:

Categoría A: (1º, 2º e 3º de ESO)

• 1º PREMIO: Zoe de Rojas (2ºD)  polo seu traballo “Seino todo”, asinado co pseudónimo Zurena PrayerO xurado acordou outorgar dous segundos premios nesta categoría:

• 2º PREMIO: Camila Mosteiro Carvajal (2ºD) por “As nosas guerras”  ,asinado co pseudónimo Belcourt
• 2º PREMIO: Aroa Prieto Fernández (1ºB) por “Non é inevitable”,asinado co pseudónimo Tileresa
  

Categoría B: (4ºESO, 1º e 2º Bacharelato)

• 1º PREMIO: Simón Rivas Capeáns (2º BACH) polo seu traballo “O meu poder? A imaxinación”, asinado co pseudónimo Chimpi

MODALIDADE POESÍA:

Categoría A:

• 1º PREMIO: Ruth Busto Domínguez (2ºB), por “As nosas guerras (e só nosas)”
• 2º PREMIO: Pablo Blanco Valiñas (1ºB), por “A beira do río”, asinado co pseudónimo Roberto de Brión.

MODALIDADE CARTAZ:

Categoría A:

• 1º PREMIO: Candela Pérez Iglesias (1ºC)  por “Loitas internas”, asinado co pseudónimo Nirvana.
• 2º PREMIO: Laura Tajes Pais (2ºD) por “Consecuencias da guerra”, asinado co pseudónimo Chifugod.

O xurado acordou deixar desertos os premios na modalidade de Novas Tecnoloxías e suxeriu á organización do Certame adiantar as datas de celebración desta cita en próximas edicións, para favorecer a participación do alumnado.

Formaron o xurado do III Certame Cultural, en representación do centro Bárbara Carballo, Suso Sambade e Vicente Fornés,  e pola Anpa, María José Espiñeira, Elena Remesar e José Manuel Velo.

Os premios entregaranse na Biblioteca do Instituto, o 18 de maio, durante o segundo recreo.

Brión, 12 de maio de 2022

• SESIÓNS DE AVALIACIÓN: 18 de maio á tarde.
• ENTREGA DOS BOLETÍNS DE CUALIFICACIÓNS AO ALUMNADO: a partir das 20.00 horas na Secretaría do centro e publicación das cualificacións en AbalarMóbil asi como por correo electrónico.
• REVISIÓN DE EXAMES: 19 de maio de 2022 de 10.00h a 14.00h. Todo o profesorado que imparte clase en 2º de Bacharelato estará no centro para revisión de exames.
• RECLAMACIÓNS ÁS CUALIFICACIÓNS DE BACHARELATO: 19 e 20 de maio de 2022 ata as 14.00h.
• ENTREGA DAS RESOLUCIÓNS DOS DEPARTAMENTOS Á DIRECCIÓN: antes das 12.00 horas do 23 de maio de 2022.
• ENTREGA DAS RESOLUCIÓNS DAS RECLAMACIÓNS AOS INTERESADOS/AS: 23 de maio de 2022 ás 13.00 horas.
• EXAMES ABAU: 7, 8 E 9 DE XUÑO DE 2022

DESCARGA AQUÍ:

Horario de materias ABAU a partir do 18 de maio

Procedemento e modelos de formularios para a reclamación das cualificacións

(modelos de formularios editables .odt)

Seguindo a normativa que regula o proceso de admisión de alumnado para o vindeiro curso académico 2022-23 (Decreto 13/2022) no día de hoxe publicamos no taboleiro de anuncios as listaxe provisional do alumnado admitido e non admitido.

As persoas interesadas no procedemento de admisión poderán consultar as listaxes provisionais, coa puntuación desagregada dos criterios de baremo:

Presencial: na secretaría do centro.

Non presencial: a través da aplicación admisionalumnado empregando a Chave365 ou certificado dixital.

Poderase formular reclamación no prazo de 5 días hábiles contados a partir do seguinte ao da publicación das listaxes na secretaría do centro.

As listaxes definitivas publicaranse antes do 15 de maio.

BASES DO CERTAME

O EQUIPO DE DINAMIZACIÓN DA LINGUA GALEGA do IES de BRIÓN en colaboración cos Departamentos didácticos e co Concello consideramos que o alumnado de Brión podía enriquecerse ao achegarse á trabe de ouro do coñecemento da contorna a través da revista ALTAMIRA disponible en PDF e noutro formato dixital na páxina do Concello de Brión.

ALTAMIRA é unha das máis lonxevas revistas municipais de Galicia. Desde o ano 1985 saen ininterrompidamente varios números anuais até hoxe.

O espírito dos fundadores foi dar á veciñanza do Concello unha ferramenta de información de temas importantes tanto municipais coma de interese xeral, partindo da realidade de onde se vivía.

A partir dos seguintes PDF podedes acceder ao ÍNDICE DOS 100 primeiros números e ao ÍNDICE TEMÁTICO para que sexa máis fácil traballar os distintos contidos presentes nas revistas.

Holi é unha festa popular arraigada na antiga cultura hindú, tamén coñecida como a festa do amor, das cores ou da primavera. Celébrase a fin do inverno e o florecer do amor. É un día para coñecer xente, xogar, rir, esquecer, perdoar e retomar vellas relacións. A celebración dura unha noite e un día, empezando na noitiña de "Purnima" (lúa chea) que cae no calendario hindú no mes de "Phalguna", que coincide no mes de marzo.

Tradicionalmente, o Holi é unha festa relixiosa que nos últimos anos vense estendendo fóra da India, cara a Europa e América do Norte como unha celebración primaveral de amor, diversión e cor.

A festa empeza cunha "Holika Dahan", onde a xente se reúne para celebrar rituais relixiosos fronte ao lume e rezar pola desaparición da maldade. Á mañá seguinte ten lugar o "Rangwali Holi" ou "Dhuleti", un festival no que ao aire libre, todos embadurnan a todos con pó de cores-- todo vale, amigos e descoñecidos, ricos e pobres, homes e mulleres, nenos e anciáns... Tamén hai música, baile, encontros coa familia e os amigos, risas, rexoubas e delicias tradicionais de Holi.

(Tradución do inglés de Jessica Ramos Villaverde e Matías Rodríguez Sánchez, 2º Bacharelato)