DÍA INTERNACIONAL DA VIOLENCIA DE XÉNERO

Este mes de novembro conmemorouse o 25N, Día Internacional da Violencia de Xénero. No IES de Brión leváronse a cabo varias accións para visibilizar esta problemática.

O alumnado de 1º ESO realizaron unha acción baseada na obra de Elina Chauvet (Zapatos Rojos).

Durante varios días, colocáronse no 1º andar, na zona central do centro, 72 pares de zapatillas que representaban as 72 mortes de mulleres por violencia de xénero en España no ano 2021.

Convidouse a toda a comunidade educativa a que pasaran por este espacio efímero de reflexión sobre esta problemática.

Por que cremos nas cousas que son feitas entre todos e para todos.

Moitísimas grazas ás familias pola vosa colaboración.

Aquí vos deixo o resultado. Disfrutádeo!!!

ANDAINA POR ONS

andaina ons

Aproveitando o veraniño de San Martiño, o venres 12 e o martes 16 de novembro, o alumnado de 3º e 2º de ESO respectivamente, fixemos unha bonita ruta por Brión, na parroquia de Ons para visitar a fervenza do Pozo Negro.

Dende o noso punto de vista, esta camiñata é perfecta para facer en verán, primavera ou outono. Se queres facela só tes que acercarte a Ons e elixir unha das rutas dependendo da distancia que prefiras percorrer.

A ruta que realizamos comenzou na área de piragüismo, pasou pola igrexa de Santa María de Ons, visitamos a fermosa fervenza do Pozo Negro e voltamos a área de piragüismo para facer unha camiñata circular.

Na igrexa fixemos un descanso no teleclube e, despois seguimos o camiño ata o Pozo Negro. A fervenza pódese observar dende unha ponte de madeira, onde poderás sacar unhas fotos únicas. Ao rematar visitamos o interior da área piragüismo, onde gardan todas as piraguas.

Durante o camiño os voluntarios que nos acompañaron contáronnos as lendas e misterios que agochaban as aldeas. Sabiades que a lenda de Ponte Pías está recollida no Códice Calixtino, o cal ten máis de oitocentos años? Que hai algunhas construcións antigas que só se poden ver cando o río está baixo? Ou que podes atopar unha misteriosa plantación de árnica?

A actividade foi algo diferente para facer nun día de clase e que nos ensinou moitas cousas ademais de permitirnos disfrutar dunha xornada arroupados polas cores do outono. Recomendamos facer esta camiñata porque é unha experiencia incrible.

Podedes escoitar a lenda da Ponte Pías na voz de Luciano Pena, que xunto con Antonio, Manolo e Cambón, nos acompañaron neste fermoso roteiro.

Flavia Maceiras e Silvia Rabuñal. 3°ESO.

PREMIO DE DRONS PARA ALUMNADO DE 1º DE BACHARELATO

O luns 22 de novembro os alumnos Carlos M. Domínguez e Santiago Orozco de 1º de Bacharelato representaron ao IES de Brión no Concurso de drons convocado por Igaciencia, resultando gañadores na categoría de Bacharelato e FP.

Concurso de drons:Alumnos pilotando o dron Concurso de drons: Alumnos na entrega de premios

O alumnado de Tecnoloxía de 4º de ESO e 1º de Bacharelato asistiu o pasado 16 de novembro ao Obradoiro concurso galego de Robótica que Igaciencia organizou na celebración o XII Día da Ciencia en Galego no Centro Ágora da Coruña.

Parabéns ao alumnado pola excelente participación e resultados.

Obradoiro de robótica

 

Gañadores XII Obradoiro e Concurso Galego de Robótica e drons. A maxia da Robótica e dos drons. Igaciencia.

XII Taller e concurso de Robótica e drones. Relación de centros gañadores. Concello de A Coruña.

A Coruña recoñece o talento argalleiro da nosa mocidade no XII Obradoiro e Concurso de Robótica. Código Cero.

A Coruña entrega os premios no XII Obradoiro-concurso Galego de Robótica e drons. Quincemil.

ELECCIÓNS AO CONSELLO ESCOLAR CURSO 2021_22

Os vindeiros 23 e 24 de novembro terán lugar as votacións para elixir os novos membros do consello escolar.

  • O alumnado votará o día 23 pola mañá, no horario que determine a Xefatura de Estudos.
  • Nais, pais e titores legais votarán o día 24 de 16.30 a 19.30 da tarde, de maneira presencial no centro escolar.

Lembrámoslles que seguen sendo de aplicación as normas recollidas no protocolo da Consellería de Cultura, Educación e Universidade para a prevención da Covid-19, polo que pregamos manteñan en todo momento a distancia de seguridade.

  Por outra banda, a Xunta Electoral aprobou os censos electorais definitivos, que están expostos na administración do centro.

 

AXUDA MÁSCARAS COVID-19 PARA O ALUMNADO

Acábase de publicar a Orde do 21 de outubro de 2021, pola que se regulan os criterios e o procedemento de distribución de máscaras entre o alumnado en centros docentes públicos, dependentes da Consellería de Cultura, Educación e Universidade

ALUMNADO DESTINATARIO:

  • Alumnado beneficiario da axuda para adquirir material escolar.
  • Alumnado non beneficiario da axuda para adquirir material escolar por diferentes circunstancias, pero que cumple algún dos siguientes requisitos:
  1. Pertenza a familias cunha renda per cápita igual ou inferior a 6.000 €
  2. Estea matriculado en educación especial, ou suxeito a tutela ou garda da Xunta de Galicia ou teña unha discapacidade igual ou superior ao 65 %, con independencia da renda da unidade familiar.

ENTREGA DE SOLICITUDES E PRAZO:

  • O prazo para presentar as solicitudes será de 10 días hábiles contados a partir do día seguinte ao da publicación desta orde no Diario Oficial de Galicia.
  •   As solicitudes deberán presentarse presencialmente no centro docente onde estea matriculado o alumno utilizando o formulario normalizado (anexo I) dispoñible na sede electrónica da Xunta de Galicia, https://sede.xunta.gal. Este formulario de solicitude (anexo I) tamén estará dispoñible:

    a) No centro docente.

    b) No portal educativo, enderezo http://www.edu.xunta.gal

DOCUMENTACIÓN COMPLEMENTARIA:

As persoas interesadas deberán achegar coa solicitude (anexo I) a seguinte documentación:

 a) Anexo II (comprobación de datos dos membros computables da unidade familiar).

 b) Copia do libro de familia ou documento equivalente, onde figure o alumno e os demais membros computables da unidade familiar.

En caso de separación ou divorcio, ademais deberán achegar a sentenza xudicial e/ou convenio regulador onde conste a atribución da custodia do/da menor.

Excepcionalmente, poderase acreditar o número de membros computables utilizando algún dos seguintes medios:

1o. Certificado ou volante de convivencia.

2o. Informe dos servizos sociais ou do órgano equivalente do concello onde resida a familia.

MÁIS INFORMACIÓN DETALLADAENLACE  ORDE DO 28 DE OUTUBRO DE 2021 (DOG

ANEXOS:       

 ANEXO I                ANEXO II     

CLUB DE LECTURA

CALENDARIO ESCOLAR 2021-22


PRESENTACIÓN INICIO DE CURSO 2021-2022

MÉRCORES 15 SETEMBRO

11.OOH-12.30H Alumnado de 1º ESO

Este alumnado dirixirase ao patio de atrás, e colocarase, gardando a distancia de seguridade, sobre as liñas que hai pintadas no patio; deixando as 2 primeiras libres. Alí esperará a ser chamado polo titor/a.

Cando sexan chamados/as colocaranse en ringleira sobre as 2 primeiras liñas. Cando o grupo estea completo, irá cara a aula ca persoa titora.

Haberá transporte escolar adaptado a este horario.

XOVES 16 SETEMBRO

8.25H-14.05H Alumnado de 1º ESO horario convencional

8.25H- Presentación alumnado 2ºESO, 3ºESO, 4ºESO, 1ºBACH e 2ºBACH

Este alumnado dirixirase ao patio de atrás, e gardando as distancias de seguridade, esperará a que o alumnado de 1ºESO entre no centro. A continuación, cada nivel dirixirase á zona das liñas que hai pintadas cando sexan chamados/as, seguindo a orde que ven indicada a continuación. Cando o grupo estea completo, irá cara a aula seguindo o percorrido que lle corresponde. 

  1. O alumnado de 2ºESO achegarase, gardando a distancia de seguridade, á zona das liñas que hai pintadas no patio. Alí esperará a ser chamado e colocarase na ringleira que se lle indique.
  2. Cando 2ºESO suba ás aulas, o alumnado de 3ºESO achegarase, gardando a distancia de seguridade, á zona das liñas que hai pintadas no patio. Alí esperará a ser chamado e colocarase na ringleira que se lle indique.
  3. Cando 3ºESO suba ás aulas, o alumnado de 4º ESO achegarase, gardando a distancia de seguridade, á zona das liñas que hai pintadas no patio. Alí esperará a ser chamado e colocarase na ringleira que se lle indique.
  4. Cando 4ºESO suba ás aulas, o alumnado de 1ºBACH achegarase, gardando a distancia de seguridade, á zona das liñas que hai pintadas no patio. Alí esperará a ser chamado e colocarase na ringleira que se lle indique.
  5. Cando 1ºBACH suba ás aulas, o alumnado de 2ºBACH achegarase, gardando a distancia de seguridade, á zona das liñas que hai pintadas no patio. Alí esperará a ser chamado e colocarase na ringleira que se lle indique.

Todo o alumnado terá clase normal ata as 14,05.

MATRICULA EXTRAORDINARIA CURSO 2021-22

O período de matícula extraordinaria para o curso 2021/22 abrangue dende o 7 ao 10 de setembro, ambos incluídos. Para evitar aglomeracións e facer a matrícula de xeito ordenado, virán:

  • DÍA 7 DE SETEMBRO: 2º e 1º BACH
  • DÍA 8 DE SETEMBRO: 4º ESO e 3º ESO
  • DÍA 9 DE SETEMBRO: 2º ESO

O día 10 de Setembro resérvanse para os casos nos que houbese algún impedimento para facela no día asignado. 

Por favor, descarguen os impresos e tráianos, cubertos e asinados polos 2 proxenitores.

AVISO 1: recoméndase traer unha fotocopia do impreso de matrícula unha vez cuberto. No caso de necesitar fotocopias deste ou outros documentos, pasen por conserxería facelos antes de dirixirse á oficina.

AVISO 2: prégase ao alumnado dos cursos superiores (de 2º en diante) que no correo do alumno/a poñan a súa conta de correo iesbrion (.....@iesbrion.com). O de 1º ESO que non poña ningún e xa se lle fará esa conta iniciado o curso.

IMPRESOS POR CURSOS NOS SEGUINTES ENLACES:

  

Distribuir contido