Procedemento de ADMISIÓN de alumnado para o curso 2018/2019
O alumnado doutros centros educativos que desexe incorporarse ao IES As Bizocas no curso 2018-2019 terá que presentar a solicitude de admisión do 1 ao 20 de marzo.
A OFERTA DE POSTOS ESCOLARES en cada un dos cursos é a seguinte:
- 1º ESO: 0
- 2º ESO: 14
- 3º ESO: 11
- 4º ESO: 23
Só se poderá presentar unha única SOLICITUDE DE ADMISIÓNpor alumno/a no centro no que solicite praza en primeiro lugar, empregando o formulario oficialmente establecido (Anexo II). Existe unha APLICACIÓN, mediante a que poden cubrir a solicitude nun ordenador, marcar os criterios do baremo (que, chegado o caso, queiran que se lles valoren), e imprimila e presentala de forma presencial no centro, ou presentala por vía electrónica a través da propia aplicación (utilizando dni-e, certificado dixital ou chave365).
Teñen toda a INFORMACIÓN do procedemento e manuais de axuda para as familias na seguinte ligazón: https://www.edu.xunta.es/admisionalumnado
Lémbrase que co Anexo II de solicitude deberán achegar:
- Documento acreditativo do requisito de idade do/da alumno/a (dni ou libro de familia).
- Certificado de matrícula do curso actual.
- Convenio regular ou resolución xudicial de separación xudicial ou divorcio, se é o caso.
Non será necesario presentar máis documentación, salvo que se opoñan á consulta automática dos datos. (No caso de que haxa que baremar avisarase do prazo para presentar presencialmente no centro a documentación acreditativa dos criterios alegados na solicitude.)
NOTAS DE INTERESE:
1. Cada alumno/a só pode presentar unha única solicitude no centro no que solicite praza en primeiro lugar, do contrario perderá os dereitos de prioridade que poidan corresponderlle.
2. O alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe. O actual alumnado do IES As Bizocas ten garantida a súa permanencia para cursar as ensinanzas de ESO. Porén, o alumnado matriculado en 4º ESO si debe presentar a solicitude de admisión no instituto da súa elección onde queira continuar os estudos.
3. O alumnado que ten reservada de praza nun centro, se presenta solicitude de admisión noutro distinto deberá comunicar a renuncia á reserva antes do inicio do prazo de presentación de solicitudes de admisión.
4. As familias deben ser conscientes de que ÚNICAMENTE o alumnado que segundo o domicilio alegado a efectos de valoración estea na zona de influencia deste centro terá dereito ao servizo de TRANSPORTE ESCOLAR ofrecido pola Xunta de Galicia.
LEXISLACIÓN APLICABLE:
-
DECRETO 254/2012, do 13 de decembro, polo que se regula a admisión de alumnado en centros docentes sostidos con fondos públicos que imparten as ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
-
ORDE do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
-
ORDE do 25 de xaneiro de 2017 pola que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
OUTRA INFORMACIÓN:
- Centros adscritos: CEIP As Bizocas e CEIP Valle-Inclán.
- Servizos complementarios: transporte escolar.
Adxunto | Tamaño |
---|---|
Anexo II.pdf | 1.01 MB |
Calendario admisión e matrícula.pdf | 126.62 KB |