Actividades

Primeira visita no Sansa Enreda

O pasado martes catro veciñ@s de Naraío (Gelis, Celsa, Pura e Lisardo) estrearon as visitas dentro do Proxecto Sansa Enreda.

Viñeron a aprendernos a construír un carro de nabo, asubíos e trenzar xuncos. Podedes atopar máis información na web do proxecto:

Aí vai unha imaxe cos asistentes á actividade (ben, falta o profe Iván, pero é que estaba detrás da cámara).

E esta visita tivo eco tamén na web do Concello:

II PARADA FAMILIAR DE XOGOS TRADICIONAIS

Despois do satisfeitos que quedamos o ano pasado coa primeira edición da "Parada Familiar de Xogos Tradicionais", estamos ultimando os preparativos para a edición deste ano, así que ide apuntando!:

Sábado 6 de xuño, no Campo de Fútbol e Local Social da AVV Castelo de Naraío,

de 16:30 a 19:00 h.

Podedes atopar máis información no blog da actividade e seguir a través do mesmo as actualizacións que se vaian producindo: http://paradaxxttsansa.blogspot.com 

Imaxe de depmat

EXPOMETORO NO CPI SAN SADURNIÑO

Do 2 ao 12 de febreiro o noso centro recibe a exposición Expometeoro cedida por MeteoGalicia dentro do proxecto Meteoescolas no que participamos.

A nosa canteira de pequenos meteorólogos visitou o luns a exposición:

6ºinfantil visita Expometeoro
 

Se queres facer unha visita virtual preme na imaxe:

Expometeoro

FESTIVAL DE PANXOLIÑAS

O pasado venres 19 de decembro celebrabamos no patio cuberto o noso Festival de Panxoliñas, con pezas cantadas e temas instrumentais interpretados polo alumnado de Educación Infantil e de Educación Primaria.

Facendo clic nas seguintes imaxes poderedes ver as diferentes actuacións que se realizaron. A calidade de imaxe dos vídeos non é moi boa por mor da iluminación, aspecto que esperamos solventar en seguintes edicións.

                              

                    

                                

                   

O MAGOSTO

O pasado venres, alumnado e profesorado de Educación Infantil e Primaria celebramos o Magosto.

Podedes ver o que fixemos no seguinte vídeo (facede clic na imaxe).

CHEGOU O OUTONO AO C.P.I. SAN SADURNIÑO

Aquí tedes un resumo das actividades que se fixeron este outono polos alumnos de infantil e primaria.

Vídeo do Día do Peón

O pasado martes celebramos o Día do Peón co alumnado, profesorado e familias de Educación Infantil e Primaria.

Como unha imaxe vale máis que mil palabras, no caso dun vídeo que dicir!

Facendo clic na seguinte imaxe accederedes ao vídeo.

 

ACTUACIÓN NO TEATRO JOFRE DA COMPAÑÍA "PEGADAS MUSICAIS"

O 11 de xuño os alumnos de quinto que forman a compañía "Pegadas Musicais" representaron no Teatro Jofre de Ferrol a ópera/musical "Segredo no faro" que crearon durante este curso, dentro do proxecto LÓVA (La ópera un vehículo de aprendizaje).

Gravouse un vídeo coa súa actuación, que podedes ver se entrades no seu blog premendo no seguinte enlace.

 

ACTIVIDADES DE NADAL

Como remate do trimestre organizamos diversas actividades nas que participaron os alumnos de infantil e primaria.

Na Casa da Cultura celebramos o Festival de Nadal, no que os alumnos de Infantil e Primaria interpretaron as panxoliñas que prepararon coa profe Ana Vázquez nas clases de Música. Tamén fixemos entrega dos premios aos gañadores do concurso de tarxetas de Nadal que organizou o Equipo de Dinamización da Lingua Galega. Os alumnos de Infantil e Primeiro obtiveron un premio colectivo e no resto dos cursos repartiuse un primeiro e segundo premio por cada aula.

 

Un ano máis, os Reis Magos visitaron o Colexio e recibiron a todos os alumnos para saber das súas peticións e entregarlles un pequeno agasallo para compartir entre todos os alumnos de cada aula. Esta actividade foi organizada en colaboración coa ANPA.

 

CELEBRAMOS O MAGOSTO

O venres 15 de novembro, os alumnos de Infantil e de Primaria festexamos o Magosto. 

Como o día estaba bo, comimos no patio as castañas que nos trouxo a ANPA. Cando rematamos de comer, dedicámonos a xogar a varios xogos populares: a corda, os aros, os diábolos, o brilé, ... Aquí tedes un pequeno resumo do ben que o pasamos.

Distribuir contido