Durante o presente curso participaremos en 3 proxectos cos que se pretende achegar á aula, dun xeito práctico, unha visión realista do traballo científico.
Coma todos os anos celebramos o magosto. Primeiramente compartimos as castañas que nos trouxo a AMPA. Que boas estaban!
Despois xogamos cos nosos compañeiros a unha serie de xogos que nos preparou o "profe" de educación física: os zancos, a roda, a castañoca, o brilé, a pita cega, a corda, ... Que ben o pasamos!
O día 9 de novembro celebramos o día do peón. Decoramos os corredores cos carteis que fixemos en cada aula para anunciar esta actvidade e montamos unha exposición con diferentes tipos de peóns que trouxemos entre todos.
Ese día o Equipo de Dinamización de Lingua Galega entregounos uns agasallos pola nosa participación e despois fixemos unha competición para atopar o mellor bailador ou bailadora de cada clase.
Aquí tedes un resumo do ben que o pasamos este día:
Chegou o tempo de Samaín e con el as historias de medo, de facer cabazas e meter algún susto aos nosos amigos. Pero sabedes que é o Samaín?
O Equipo de Normalización Lingüística preparou unha exposición nos corredores do colexio para que aprendades de onde ven estas tradición. Se premedes na imaxe que ven logo, poderedes ler os carteis: