Xeral
CUESTIONARIO SOBRE LA INFLUENCIA DE LA ANSIEDAD Y ATENCIÓN PLENA EN EL RENDIMIENTO ACADÉMICO
Hola chicos y chicas, mi nombre es Adrián Montes Barbosa. Actualmente, estoy realizando un doctorado en Ciencias de la Educación, Salud y Deporte en la Universidad de Vigo en el que investigo cómo afecta la ansiedad y la atención plena en el rendimiento académico.
Antes de nada, os agradezco profundamente vuestra colaboración en este estudio.
El cuestionario que vais a realizar tiene como meta conocer vuestro nivel de ansiedad y vuestra capacidad de atención en este periodo escolar.
MUCHÍSIMAS GRACIAS POR VUESTRA COLABORACIÓN!
A continuación os dejo el enlace del cuestionario:
- blogue de
- APIs de Blogue
Concurso de ortografía: Xa temos gañador!
O noso concurso de ortografía xa ten gañador!
O 23 de abril, coincidindo co Día do libro, sorteouse entre todas as participacións (88) o libro electrónico premio do concurso. O gañador foi Anxo Giráldez, de 5ºB Ed.Primaria, que participou con dous erros atopados.
O sorteo foi emitido en directo por videoconferencia segura tras a visualización do vídeo remitido polo Sr. Alcalde de Baiona co motivo do Día do Libro.
Primeiros Auxilios
Bos días:
Hoxe para conmemorar o Día Mundial da Saúde realizamos no centro unhas xornadas de primeiros auxilios. Visitounos o persoal de Protección Civil do Val Miñor que colaboran desinteresadamente co centro.
Ensináronnos como teríamos que actuar no caso dun atragantamento ou unha parada cardíaca.
Mostráronnos técnicas de actuación como:
- o PAS (protexer, avisar 112, socorrer)
- o RCP(reanimación cardiopulmonar)
- a PLS (posición lateral de seguridade)
- a manobra de Heimlich...
Asistiron ás xornadas o alumnado de 4º da ESO e de 3º, 4º, 5º e 6º Ed.Primaria.
- blogue de dgayoso
- APIs de Blogue
8-M: Día da Muller, Actividades no centro
Co gallo da conmemoración do 8 de Marzo, Día Internacional da Muller, o centro intensificou as súas actividades de posta en relevo do papel da muller na nosa sociedade e nos distintos ámbitos da mesma.
Así pois, e coa colaboración da Concellería de Igualdade e o Centro de Información á Muller, desenroláronse actividades onde o alumnado foi parte activa:
- Contacontos para o alumnado de 1ºPrimaria sobre a "sexualización das profesións".
- Presentación da programación da "Primavera Lila" da Concellería de Igualdade no centro educativo.
- Obradoiros de sensibilización "A túa palabra conta" coa artista Irene Silva coa participación do alumnado de 1ºESO.
- Intervención educativa "O amor non mata" co alumnado de 4ºESO.
Asemade, o centro realizou varias exposicións sobre a temática que se traballa ao longo do curso e dende diferentes materias.
Concurso: E ti, quen vés sendo?
Co fin de descubrirvos a figura de mulleres galegas relevantes en diversos ámbitos científicos e facelas máis próximas no voso día a día poñemos a andar un novo concurso: E ti, de quen vés sendo?
Durante unha semana,do 10 ao 17 de marzo,a 1ª e a 4ª hora da mañá iredes encontrando pistas, colocadas nas portas de entrada do centro, que vos axudarán na vosa investigación. Unha vez creades identificar a personaxe feminina do día, deberedes entrar na Aula Virtual e consignar a vosa resposta no apartado destinado para tal fin.
Aquela persoa que máis axiña dea no albo cada día conseguirá un premio! Hai 6 en xogo, quen serán os afortunados? O 18 de marzo saberémolo!
Concurso de ortografía
O equipo de Biblioteca convoca o concurso de ortografía aberto a toda a comunidade educativa.
Se "cazas" un erro ortográfico ou grella en carteis, xornais, etc preséntaos ao concurso do 1 de marzo ao 22 de abril na conserxería do centro. Está en xogo un libro electrónico!
Esta actividade pretende potenciar o valor da expresión escrita, a posta en valor da lingua, o espírito crítico, a observación, fomentar o correcto uso da lingua,...
Club de lectura, a nosa selección
Tocounos vivir un curso atípico... mais non por iso imos deixar de desfrutar dos libros. Un ano máis, o club de lectura Baideler retoma a súa actividade cunha selección moi variada de libros, aptas para todos os gustos.
E velaí vai a selección para os distintos grupos do club:
Seguro que gozaremos deles!!
Recollida solidaria de alimentos
Estimadas familias,
A situación actual está levando a algunhas familias a vivir situacións complexas e dificultades económicas.
O club Fútbol Sala Baíña solicitou a nosa colaboración, e a dos outros centros educativos do Concello de Baiona, para facer unha recollida de alimentos non perecedeiros en favor da ONG “Ayuda al mundo necesitado”.
O mércores 10 de febreiro terán un posto de recollida na entrada principal do centro educativo á hora da entrada e da saída do alumnado. Se desexades colaborar, achegade alimentos non perecedeiros aos voluntarios que os recollerán para facerllos chegar ás familias necesitadas a través da ONG “Ayuda al mundo necesitado”.
Grazas de antemán pola vosa colaboración no nome de todas as entidades participantes na iniciativa.
Entroido larafuzán, comiches a chicha e deixaches o pan!
Paseniño, paseniño fomos chegando ao Entroido, aínda que este ano a máscara levámola incorporada todo o curso...
O xeito que temos actualmente de celebrar o Entroido é unha cousa relativamente recente, data do século XIX. Nesa época, o Entroido, que até ese momento fora unha festa eminentemente rural, comeza a trasplantarse tamén ás cidades, e é aí onde se aburguesa, e comezan os bailes e concursos de disfraces, as carrozas, os desfiles... elementos que non existían no Entroido rural.
Ese Entroido rural constituía unha celebración moito máis arcaica, cunhas raíces moito máis profundas e complexas, e que, milagrosamente, moitas das súas características conseguiron chegar até os nosos días. E digo milagrosamente porque o Entroido foi prohibido ou, como mínimo, non demasiado ben visto en varios períodos da historia; o máis recente, durante a ditadura franquista, que non vía con moi bos ollos que as rúas e os camiños se enchesen de xente disfrazada durante varios días... Era algo demasiado subversivo.
O que xa non está tan claro é a orixe do Entroido como celebración. A este respecto hai varias hipóteses, das cales vou citar unicamente tres:
1) Ritual de fertilidade. De feito, en Galicia como en boa parte de Europa, as máscaras que protagonizan o Entroido son máscaras moi coloristas, con cores cálidas coma o vermello ou o amarelo, e en ocasións incluso con adornos florais; e iso interprétase como unha tentativa de estimular a natureza para que esperte do seu letargo invernal e para que dea comezo á primavera. Tamén nesta liña están outros dous elementos típicos destas máscaras: moitas delas levan obxectos para golpear, e tamén campás, chocas ou similares, cuxo cometido non é outro que facer ruído, facer barullo, precisamente para espertar a natureza.
Chocas que leva ao lombo un cigarrón
2) Festividade dedicada aos defuntos. Na noite de Defuntos ou Samaín, do 31 de outubro ao 1 de novembro, ábrese un período que abranxe practicamente os meses centrais do inverno e durante o cal as almas dos mortos podían moverse polo mundo dos vivos e mesmo interactuar con eles.
Pois ben, unha das características que se lles atribúen aos mortos en moitas culturas (a galega entre elas) é a metamorfose, é dicir, a capacidade de se aparecen transformados en calquera animal ou cousa. Deste xeito, as máscaras do Entroido virían evocar precisamente esta circunstancia, por tanto, estarían a representar as almas dos defuntos irrompendo no mundo dos vivos. A este respecto cómpre lembrarmos o dito referido ao segundo santuario galego máis importante de peregrinación "ao San André de Teixido vai de morto o que non foi de vivo" coa penuria engadida de ir convertido en serpe, sapo, lagarto ou becho similar.
3) Transgresión consentida da orde social e da moral dominante. A moral cristiá, por exemplo, valora a abstinencia e o pudor, e no Entroido, en troques, todo é exceso, sobre todo na comida e na bebida. No Entroido eses sexos mistúranse, pois os homes vístense de mulleres, e as mulleres de homes; na nosa sociedade os humanos someten os animais, domestícanos, e destaca como ser racional, mais no Entroido o o ser humano animalízase, exterioriza o seu lado máis selvaxe etc. É dicir, que o Entroido sería iso, unha subversión, un "darlle a volta" ao mundo tal e como está estruturado.
O oso de Salcedo. Fonte: Emilio Romanos Fotografía
Cal destas explicacións é a boa? Pois seguramente todas e ningunha, quero dicir, o Entroido é un fenómeno tan tan tan antigo que foi desenvolvendo ao longo da súa historia todas estas dimensións, todos estes significados, e aínda algún máis que deixamos de lado.
CICLO DO ENTROIDO
Comezamos co Domingo Fareleiro ou Domingo Borralleiro
Xoves de Compadres
Domingo Corredoiro ou Domingo Oleiro
Xoves de Comadres
Domingo de Entroido
Luns e martes de Entroido
Mércores de Cinza (Enterro da sardiña)
Para terdes información máis pormenorizada sobre o Entroido en Galicia podedes consultar a guía que elaborou Turismo de Galicia e que deixo como documento anexo. Aí poderedes encontrar información sobre:
- As Pantallas de Xinzo de Limia
- Os Boteiros de Viana do Bolo
- As Madamas e os Galáns de Cobres
- Os Boteiros de Vilariño de Conso
- O papagaio Ravachol de Pontevedra
__________________________________________________________
CANTO APRENDICHES DO ENTROIDO?
Para demostrar canto sabes agora do Entroido rétote a que xogues un Pasapalabra! Con premer enriba xa inicias o xogo.
__________________________________________________________________________
E para rematar con moito ritmo déixovos este canción de Isabel Fernández Reviriego, composta para o libro É tempo de Entroido! de Ramón D.Veiga e David Sierra, que reúne moitos dos personaxes galegos desta época. Cantamos tod@s xunt@s?
- blogue de
- APIs de Blogue
Conmemoración do Día da Paz
O 30 de xaneiro conmemórase o Día da Paz e non violencia.
Coas mensaxes do noso alumnado o equipo de biblioteca preparou este vídeo.
O luns 1 de febreiro coñecemos aos gañadores e gañadoras do Certame literario Dolores Agrelo que organiza a ANPA do centro educativo con importante premios en material escolar.
[Lista de gañadores e gañadoras e fotografías nos ficheiros adxuntos]
Conmemoración do Día da Educación
O 25 de xaneiro celébrase o Día da Educación e nos organizamos actividades de conmemoración ao longo de toda a semana.
Recomendamos o visionado do documental "De camino a la escuela". Non todos temos tan fácil o acceso a unha educación de calidade. Valoremos o que temos.
Quincena da froita
A partir do 25 de xaneiro celebrase a Quincena da froita no centro.
Atendendo á situación actual elixíronse pezas de froita individuais: plátano, mazá, laranxa e clementina. Estas pezas de consumo individual serán achegadas á aula para o seu consumo xa lavadas e hixienizadas.
En cada aula haberá unha caixa plástica, gabeta,... na mesa do profesorado onde o conserxe, empregando luvas, deixará as unidades precisas dependendo do alumnado de cada grupo-clase.
O reparto farase de tal xeito que a froita estea dispoñible para a hora da merenda, tanto para as persoas que merendan ao inicio como as que merendan ao final do recreo.
Agardamos que esta iniciativa sirva para fomentar uns hábitos de vida saudable.
A nosa árbore de Nadal tiña... 152 rolos de papel!!
A nosa árbore de Nadal xerou moita espectación pois ninguén sabía cantos rolos foran precisos para a súa construción!
Pero xa se desvelou a incógnita, cos delegados e delegadas de clase coma testemuña puidemos comprobar que a árbore tiña.... 152 rolos!!
Non houbo acertantes, pero si persoas que se achegaron ao número real.
O alumno que máis se achegou foi Nathaldo, de 1ºC ESO e, como prometemos, houbo un detalle para as persoas que máis se achegaron ao número real!!
GRAZAS e Boas festas
GRAZAS a todas as familias que cumpren o protocolo e pensan no ben colectivo, por esas palabras de ánimo e as vosas mostras de cariño.
GRAZAS a todo o alumnado que é consciente da situación e sigue as normas.
GRAZAS a todo o Claustro que asume máis responsabilidades que as que lle corresponde.
GRAZAS ao persoal non docente que colabora en que todo siga funcionando sempre cun sorriso.
GRAZAS á ANPA polo seu esforzo e colaboración co centro.
Boas festas, coidádevos moito e vémonos á volta.
A nosa árbore de Nadal
A nosa árbore de Nadal está na entrada principal do centro e, como non podía ser doutra maneira, está feita cos produtos "estrela de este ano".
Saberías dicir con cantas bobinas de papel está feito?
Agardamos a túa resposta na Aula Virtual: https://www.edu.xunta.gal/centros/cpicovaterrena/aulavirtual/mod/questionnaire/view.php?id=7884
(Participación aberta a alumnado e persoal do centro. Haberá un detalle para os acertantes).
Día Internacional contra a violencia de xénero. Unha xornada chea de emocións!!
O primeiro: a comunidade educativa, unha marea negra e morada contra a violencia de xénero!
Despois ver na praza do Concello de Baiona a creación artística do alumnado de 6ºEd.Primaria co slogan “Non cales” da man de Dona Irene Silva.
Tamén na praza do concello revelouse que foron 8 debuxos do alumnado do CPI, tras a súa participación no concurso de debuxo e slogan contra a violencia de xénero, os elixidos para unha axenda igualitaria con referencia a 12 mulleres destacadas do municipio.
O alumnado non puido asistir ao acto de conmemoración na praza do concello, onde estaban expostas as súas obras, pero recibiron a súa axenda igualitaria e agasallos as artistas dos debuxos premiados da man da Concelleira de Igualdade, Dona Yasmina Moreira, que se desprazou ao centro para facerlles entrega dos seus premios e felicitalos polo seu traballo, ao igual que a D.Ángel Fernández Borrué, o seu profesor de Educación Plástica.
Detrás hai moito traballo de concienciación co alumnado e unha proposta de traballo marabillosa presentada desde o CIM pola súa directora, Dona Elena Otero, e a Concelleira de Igualdade.
Plan de continxencia do Departamento de Educación plástica
En caso de confinamento a docencia manterase no mesmo horario, pero de xeito virtual, en todas as asignaturas impartidas polo Departamento: EPVA de 1º, 3º e 4º ESO, e Valores en 1º ESO e 4º ESO A. O tempo de atención a familias seguiría sendo os mércores de 12,20 a 13,10 h., preferiblemente por videoconferencia.
Ademais da aula virtual e Edixgal (1º ESO), poderanse empregar as plataformas Webex para videoconferencias e Abalar móbil. Tedes todos os datos (correo electrónico do profesor e ligazóns aos cursos virtuais) no documento adxunto.
- blogue de
- APIs de Blogue
Merendas saudables
Bos días:
Desde o proxecto "Remodelación do patio escolar construíndo un entorno de convivencia" traballamos para a mellora da calidade de vida da nosa comunidade.
Nas merendas do recreo abunda unha gran cantidade de azucre e alimentos altamente procesados, este equipo informa e suxire outras posibilidades de alimentación a través do semáforo de merendas saudables.
Ti decides!!
- blogue de dgayoso
- APIs de Blogue
Aparcabicis no patio
O noso patio xa conta cun aparcabicis a disposición da comunidade educativa.
Anímate a vir ao centro en bicicleta ou patinete!!
- « primeira
- ‹ anterior
- …
- 2
- 3
- 4
- 5
- 6
- 7
- 8
- 9
- 10
- …
- seguinte ›
- última »