Os gañadores e gañadoras do concurso de postais de Nadal do curso 2021-2022, segundo as categorías establecidas son:

1º e 2º EDUCACIÓN PRIMARIA

• 1ºA- Daniela Mo Veiga
  
• 1ºA- Chloe Leyenda Pousa
  

3º e 4º EDUCACIÓN PRIMARIA

• 3ºA- Xenxo Vázquez Pardo
  
• 4ºA- Hugo González Rodríguez
  

5º e 6º EDUCACIÓN PRIMARIA

• 5ºA- Irene Costas Alonso
  
• 5ºA- Area Castro Leyenda
  

1º e 2º E.S.O.

• 1ºC- Lucía Alonso Cajide
  
• 2ºC- Nadia Rodríguez Piñeiro
  

3º E 4º E.S.O.

• 3ºB- Noelia Casañas Peña
• 3ºB- Lilin Wang
  
• 4ºA- Iria Ludeña Pérez
  

Este ano a Consellería de Cultura, Educación e Universidade reparte novamente máscaras de protección ao alumnado solicitante.

Para evitar exposicións innecesarias, as máscaras son entregadas directamente ao alumnado na aula, sen necesidade de que asistan os seus responsables ao centro educativo.

O reparto farase o luns 10 e martes 11 de xaneiro. Para aquel alumnado que non asista estes días entregaráselle as máscaras correspondentes na conserxería do centro tras solicitalas.

Deixámosvos en "adxuntos" as instrucións de uso e conservacións das máscaras.

Para desexarvos un moi feliz Nadal os nosos sapoconchos lectores queren transmitirvos os seus bos desexos para esta época natalicia.

Alén diso, nesta ocasión as tartarugas reciben a visita dunha personaxe moi especial.

Boas festas e mellor ano novo!!

XVII CERTAME LITERARIO DE RELATO CURTO DOLORES AGRELO

A A.N.P.A. do CPI Cova Terreña de Baiona, na procura de fomentar e divulgar a creación literaria nas novas xeracións, convoca o presente Premio Literario, que leva o nome da persoa que de xeito altruista donou os terreos onde hoxe se levanta o noso centro educativo.

Poderán concorrer todo o alumnado de 5º e 6º de Educación Primaria e de 1º, 2º, 3º e 4º de Educación Secundaria do CPI de Cova Terreña, cunha única obra do xénero de relato curto, de temática relacionada coa do ano escolar, e escrita en lingua galega, fixada pola ANPA co título  “Contos no Val”

As bases atópanse no ficheiro adxunto e os traballos pódense empregar ata o 21 de xaneiro de 2022.

No arquivo adxunto podedes atopar as bases do XVII Certame literario Dolores Agrelo, convocado pola ANPA do centro.As obras entregaranse na Conserxería do centro dende o 20 de decembro ata o día 21 de xaneiro de 2022, ás 14:00 h.

Animádevos a participar!

E, finalmente, os nosos sapoconchos lectores revélannos o novo nome da biblioteca do noso centro e súmanse á festa da rapazada de Primaria e o seu rap do Magosto.

Que o gocedes!

No arquivo adxunto podedes ver o vídeo íntegro co rap do Magosto interpretado por todas as aulas de Primaria.

Chegou o mes de decembro e con el os agasallos!

Ao longo desta mañá repartíronse os premios para o alumando participante no concurso do nome da biblioteca, unha goma de Minilentiña de diferentes cores, e tamén os que conseguiron aqueles cinco rapaces e rapazas que achegaron cadanseu nome finalista, uns álbums fotográficos sobre o bosque e os fondos mariños.

Moitos parabéns ao alumnado premiado!

Primaria

                                                  1ºA 

                                           1ºB

                                                   2ºA

                                                            2ºB

                                                    3ºA

                                                              3ªA

                                                                3ªB

                                         4ªB

                                                        5ªB

                                                            6ªA

                                                               6ºB

Secundaria

                                                                  2ºA

                                            2ºB

                                                             4ªAB

Estade moi atentos durante a vindeira semana pois Lentiña, Cova e Terreña anunciaranvos cal será o novo nome da biblioteca escolar e, avísovos!, os nosos sapoconchos están con moito flow outonal.

Agradecementos ao apoio loxístico e gráfico de María Fernández e Jéssica Piñeiro.

Trala pequena tregua que nos está a dar a pandemia, este curso decidimos retomar a formación de mediadores no noso centro, un dos piares na resolución pacífica de conflictos na que o centro leva a traballar dende fai máis de quince anos.
Nesta convocatoria apuntáronse 8 alumnos e alumnas de educación primaria e outros tantos de educación secundaria. É tal o éxito do curso que tivemos que ampliar unha sesión máis a duración da formación.

Queremos agradecer ao noso alumnado o interese mostrado cara a esta ferramenta fundamental na convivencia nos centro educativos, a  dona Bibiana Camaño,Psicologa especialista en Psicología social, formadora ( con experiencia en ed. Primaria y secundaria), Fundadora de Alicce(formación para a mellora das relacions humanas) Máster en asesoramento e Orientación Familiar pola USC., ao profesorado: Lucía Vilariño, Ana Zamorano, Rosati Gil, Fátima González, Marta Suárez, Eva Vidal, David Gayoso, Aina Climent e a María Fernández González, Xefa de estudos de primaria e coordinadora de Convivencia,  pola súa implicación neste proxecto

Este programa inclúese dentro das actuacións dos Contratos Promaga CPInclúe, na liña Inclúe-T financiado pola Consellería de Cultura, Educación e Universidade e o FSE.

A ANPA subvencionou, a través do Pacto de estado pola Igualdade, uns obradoiros sobre Igualdade, novas tecnoloxías e novas masculinidades para o alumnado do centro.

Esta actividade englóbase dentro do programa de conmemoración do 25-N, Día Internacional contra a Violencia de Xénero

Grazas á ANPA do centro educativo este ano puidemos celebrar o Magosto!

A ANPA encargouse de todo: adquirir as castañas, picalas, asalas e distribuilas!

Agradounos comprobar canto gustan as castañas entre o alumnado!

Grazas por darnos un "pouco de normalidade". O ano que ven agardamos que xa poida ser no monte!!

Aquí tendes algúns dos espíritos, bruxas, pantasmas, monstros .... mais terroríficos que pasaron polo C.P.I. Cova Terreña o día de Samaín.

EDLG.

Bo día, 

O equipo de biblioteca, en colaboración coa Estadea, facilítavos unha listaxe de obras de lectura axeitadas para celebrar o Samaín ou o Día de defuntos: 

Un saúdo espectral,

O equipo de biblioteca

No día das bibliotecas os nosos sapoconchos andan a preparar o día de defuntos ou Samaín e as lecturas que nos van propoñer para pasalo de medo. 

Felices lecturas neste día de néboa mesta e orballo.

Bo día a todos e todas,

O equipo de biblioteca anímavos a participar no concurso para poñerlle nome á casa de Lentiña, Cova e Terreña.

En Conserxería poderedes encontrar as fichas que debedes cubrir para participar e logo depositalas na urna que alí estará situada. Todos os participantes levarán un pequeniño presente por colaborar cos nosos sapoconchos lectores.

A data límite para achegar as vosas propostas será o vindeiro 26 de outubro.

Posteriormente, o día 28 de outubro o equipo da biblioteca escollerá 5 das vosas propostas que serán premiadas cun agasallo. E, entre o 28 e o 29 de outubro, abrirase un formulario na Aula Virtual para que toda a comunidade educativa poida votar polo nome gañador.

Animádevos a participar!!

A ANPA do centro oferta este ano actividades extraescolares de Pintura e debuxo, Obradoiro musical, Intelixencia emocional, Baile, Cociña, Linguaxe de signos, Robótica, Inglés e Natación.

A ficha de inscripción ten os horarios e prezos actualizados e podedes entregala no buzón da ANPA, ao lado da conserxería do centro.

Para calquera dúbida contactade coa ANPA  no número 698111741.

Bo día a todos e todas, 

Desde a Biblioteca queremos darvos a benvida a un novo curso escolar e comprácenos presentarvos as nosas novas mascotas: Cova e Terreña, que xunto con Lentiña nos acompañarán durante todo este ano para animarvos e motivarvos coas diferentes lecturas.

Moita atención ás novidades das nosas tres tartarugas lectoras! 

Listaxes de material escolar

Ed.Infantil: pendente.

1º Ed.Primaria: ligazon

2º Ed.Primaria: ligazón

3º Ed.Primaria: ligazón

4º Ed.Primaria: ligazón

5º Ed.Primaria: ligazón

6º Ed.Primaria: pendente.

Música: ligazón

Oferta educativa de materias optativas para o alumnado do curso 2021/2022

Este curso escolar que xa remata, estivo cheo de vivencias e aprendizaxes relacionadas coa ciencia. Co obxectivo de facer chegar a toda a comunidade educativa o froito desas actividades nace a Semana da Ciencia do CPI de Cova Terreña, que terá lugar entre o 31 de maio e o 10 de xuño. Estas datas foron escollidas para celebrar o Día Mundial do Medio Ambiente que se celebra o 5 de xuño. É importante destacar que na mostra participaron alumnos e alumnas de todos os niveis educativos do centro. 

Os proxectos realizados nas distintas materias fixeron fincapé nas novas tecnoloxías, na presenza da muller na ciencia ou en aspectos relacionados co medio ambiente. Desta maneira, traballáronse de xeito transversal aspectos importantes na formación dos estudantes, que lles permite adquirir actitudes imprescindibles na sociedade actual.

A exposición consta de 15 postos, cada un dos cales ten unha pequena explicación que facilita o entendemento do material presentado. Así, podemos desfrutar da interpretación do Universo que fixo o alumnado de 6º de Infantil e 1º de Primaria ou das maquetas de hidráulica dos estudantes de 4º da ESO. Ademais, a robótica, a ecoloxía, a meteoroloxía ou a biografía de diferentes científicos e científicas entre outros tamén aparecen recollidas na mostra, amosando o labor realizado ao longo do curso. 

As visitas organizadas para o alumnado durante a xornada escolar, amplíanse a todas as familias que o desexen nas tardes do venres día 4 de xuño e o xoves 10 entre as 16h e as 18h da tarde.

Finalmente, todo o persoal do centro implicado na organización e montaxe da Semana da Ciencia (tanto docente coma non docente), agardamos o desfrute da mesma de todos os visitantes.

Convocatoria: Orde do 6 de maio de 2021 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2021/22 (código de procedemento ED330B).

Prazo: do 21 de maio ao 22 de xuño. Non se admiten solicitudes fóra de prazo.

Solicitudes:

• Vía electrónica a través da aplicación informática Fondolibros: https://www.edu.xunta.es/fondolibros

• A través da sede electrónica da Xunta de Galicia: https://sede.xunta.gal co procedemento ED330B.

• Presencialmente no centro onde cursará estudos no 2021/2022, acompañado de copia do libro de familia e sentenza de separación, de ser o caso.
  

• En calquera dos lugares e rexistros establecidos na normativa reguladora do procedemento administrativo común.

Documentación:

• Modelo de solicitude: Anexos I e II. Facilitaranse impresos ao futuro alumnado de 1º a 4º Ed.Primaria. Para os outros cursos, o alumnado pode solicitar o impreso en conserxería e as familias poden recoller o mesmo na entrada do centro educativo ou descargalo de esta páxina Web.

• Manual de usuario para a cidadanía.

Axudas que se conceden ao alumnado 2021/2022:

• Ed.Infantil: non hai axudas ao non ser unha etapa obrigatoria.

• 1º e 2º Ed.Primaria: axudas para adquirir libros de texto e material escolar.

• 3º e 4º Ed.Primaria: cesión do Fondo Solidario de libros de texto e axuda para adquirir material escolar.

Grupos E-Dixgal:

• 5º e 6º Ed.Primaria: axuda para adquirir material escolar. Non hai libros de texto.

• ESO: axuda para adquirir material escolar. Non teñen dereito ao Fondo Solidario de Libros. O centro pon á disposición do alumnado o Banco de libros propio. Para acceder ao mesmo deben realizar a petición a través do formulario de solicitude. Os fondos serán repartidos ata fin de existencias:

  • 1º: Alumnado beneficiario da axuda de material.

  • 2º: Rigorosa orde de solicitude a través do formulario.

Requisitos:

• Ser alumnado do centro no curso 2021/2022.

• Devolver en bo estado os libros prestados.