CONCURSO ONCE

Novamente a ONCE felicítanos por ser o gañador provincial na categoría C (Educación Secundaria e BAC) do seu Concurso Escolar. O grupo de 3º da ESO, realizou, ao longo do curso, unha serie de interesantes actividades promovidas pola ONCE para axudar ao alumnado a ter un pensamento e unha actitude inclusivas. A profesora Cristina González Grandas, guiou ao alumnado nunha interesante aventura na que debían poñerse na pel de diferentes persoas con discapacidade, tanto a través de lecturas e  exercicios relacionados coa materia de Lingua Castelá e Literatura, como con actividades máis lúdicas como o xa famoso paseo por Castroverde en cadeira de rodas ou cos ollos tapados. O último exercicio tratábase do deseño e elaboración do boceto dunha bandeira inclusiva.
Parabéns ao grupo e á profesora.

MATRÍCULA DO ALUMNADO PARA O CURSO 2020-2021

Debido á Covid-19 o prazo de matrícula do alumnado para o curso 2020/21 é do 1 ao 10 de xullo de 2020 para todas as etapas. En datas próximas ao periodo de matrícula informarase ás familias por Abalarmóbil e  poñeranse nesta web todos dos modelos e documentación que se precisa.

Convocatoria fondo libros, axudas libros de texto e axudas material escolar para alumnado de PRIMARIA E ESO para o curso 2020-2021

No CPI de Castroverde teñen tres opcións para presentar as solicitudes:

  1. Por correo electrónico achegando o ANEXO I e II cubertos e asinados e a documentación necesaria (vale achegar foto ou pdf da documentación). Enviarán todo por correo electrónico a cpidecastroverde@cpidecastroverde.com

  2. Poderá facerse presencialmente no centro, preferiblemente entre o 8 e o 19 de xuño.

  3. Por vía electrónica no formulario normalizado (anexo I) dispoñible na aplicación informática Fondolibros (https://www.edu.xunta.es/fondolibros), a través da sede electrónica da Xunta de Galicia: https://sede.xunta.gal.  Na maioría dos casos para poder facelo deste xeito deben ter a chave 365.

    Para calquera dúbida poden chamar ao 982870181.

    A información detallada encóntrase na seguinte comunicación
Distribuir contenido