MAGOSTO NO AURELIO MARCELINO

Este venres 13 de novembro celebramos no colexio a xa tradicional festa do MAGOSTO con Xogos Tradicionais, Obradoiros, Teatro e para rematar degustamos unhas saborosas Castañas Asadas. Queremos agradecer a colaboración da ANPA O Baño e a todas as familias que nos proporcionaron as castañas para poñer fin a esta festa tan agardada polos nosos cativos e cativas.

Botádelle unha ollada ás fotos que fixemos premendo en calquera delas ou visitando a nosa galería de fotos.

   

Segunda convocatoria de axudas para o material escolar 2015-2016

Informamos ás familias que no día de hoxe, martes 10 de novembro de 2015, saiu publicado no DOG unha SEGUNDA CONVOCATORIA DE AXUDAS PARA A ADQUISICIÓN DE MATERIAL ESCOLAR: CURSO 2015-2016 que podedes consultar na páxina da Consellaría ou no arquivo adxunto a esta nota informativa.

O prazo de presentación de solicitudes será de 10 días hábiles contados a partir do día seguinte ao da publicación desta orde no Diario Oficial de Galicia ( ata o 24 de novembro).

MES DA CIENCIA NO CPI AURELIO MARCELINO REY GARCÍA

Por segundo ano consecutivo ímoslle adicar o mes de novembro á ciencia. Este ano repetiremos moitas das actividades que xa fixemos o curso pasado con moito éxito, por parte do alumnado, pero tamén imos incorporar actividades novedosas. Tedes toda a información no seguinte programa:

CONCERTO DIDÁCTICO : ACÁBATE LA SOPA

O martes 27 de outubro os nenos e nenas de 5º e 6º de Educación Infantil asistiron  ao concerto didáctico "Acábate la sopa" no Auditorio de Galicia . Ás veces non é fácil acabarse a sopa e, mentres o intentamos , a nosa imaxinación pode levarnos a outros mundos onde os personaxes aparecen en lugares inesperados e a música soa ao redor transformando a cociña nun espazo fantástico onde todo é posible.

                   

SAMAÍN 2015

Un ano máis chegou o Samaín ao noso centro e todos os nenos e nenas fixemos unha chea de actividades para coñecer, apreciar e celebrar unha festa tan nosa.

O alumnado de Infantil, coa colaboración e creatividade das súas familias, fixo a súa exposición de cabazas no corredor principal e os compañeiros e compañeiras da Sección Bilingüe de Língua Inglesa de terceiro de primaria decoraron cos seus traballos de Halloween dita exposición. 

Visitade a nosa galería de fotos ou premede nas seguintes imaxes para que vexades que ben quedou o resultado desta colaboración entre etapas e cursos.

                                                              

ESPAZO TOTAL

Temos novo blog para o alumnado de terceiro e cuarto de primaria. Chámase ESPAZO TOTAL.

Aquí tedes a súa dirección:     espazototal@blogspot.com

Tamén podedes facer clic sobre a dirección para ir directamente ao blog.

Preguntarédesvos: que imos encontrar nel? Pois diferentes actividades que fagan os nenos e nenas de terceiro e cuarto no colexio como excursións ou actuacións, pero tamén actividades levadas a cabo na aula. Ademais teredes enlaces a outras páxinas e xogos para repasar o aprendido e moitas cousas mais.

Non vos olvidedes de que podedes comentar calquera publicación.

 

FROITOS DE OUTONO 2015

Os nenos e nenas de Educación Infantil, coa axuda dos nosos compañeiros e compañeiras de cuarto de Primaria e coa máis que inestimable colaboración das familias, celebramos a chegada do outono cunha grande merendola no colexio.

Dentro do programa Aliméntate Ben, un dos Plan Proxecta nos que participa o noso centro, atópase esta actividade que realizamos o pasado venres 16 de outubro; degustamos un montón de froitos do outono e incluso varios biscoitos que nos agasallaron os pais e nais do noso alumnado.

Botádelle un ollo ás fotos que nos fixeron as nosas mestras para que vos fagades unha idea do ben que o pasamos e canto aprendemos.

                                                               

Proxecto Ríos. 1ª Inspección ao Río Gallo

O pasado 21 de novembro o alumnado de 5º e 6º de Educación Primaria realizou unha saída ao río Gallo para coñecer o seu "estado de saúde".

Acompañados por un educador ambiental da asociación ADEGA e dentro do Proxecto Ríos analizaron diferentes parámetros: características físico-químicas (ph, nitratos,..), a flora, fauna (presencia de macroinvertebrados), o caudal, os impactos medioambientais, etc ...

Esto é unha mostra do interesante que resultou.

        

Reunión Familias de Educación Primaria

O vindeiro martes día 15 de setembro terá lugar na Sala de Usos Múltiples do CPI Aurelio Marcelino Rey García a reunión de principio de curso para Educación Primaria.

As horas establecidas por cursos serán as seguintes:

  • 3º e 4º Curso de EP 16:00 hs.

  • 5º e 6º Curso de EP 17:00 hs.

  • 1º e 2º Curso de EP 18:00 hs.

No transcurso desta reunión trataranse temas de interese para o funcionamento do curso escolar 2015-2016 polo que é conveniente a súa asistencia e participación na mesma.

LIBROS DE TEXTO CURSO 2015-2016

Podedes consultar a Listaxe de Libros de Texto para o curso 2015-2016 no arquivo adxunto ou na porta principal do colexio.                                                            

 AVISO IMPORTANTE

NON MERCAR NINGÚN LIBRO DE TEXTO NIN MATERIAL ESCOLAR ATA O MES DE SETEMBRO CANDO O ALUMNADO TEÑA ASIGNADO O GRUPO E PROFESOR/A CORRESPONDENTE. MOITAS GRAZAS

Distribuir contido