O noso centro

Equipo de Normalización e Dinamización Lingüística

Coordinador    Coordinadora Galega de ENDL   Revista Ollos de aula
         
Natividad Diéguez Pardo    

A nosa historia

Así era o antigo centro escolar de Cuntis

 

 

Antigo edificio do grupo escolar ubicado no lugar da Feira, onde agora se atopa a casa consistorial do concello de Cuntis.

Cómo xurde o CPI D. Aurelio Marcelino Rey García de Cuntis

O Centro foi creado segundo a Lei xeral de educación de 1970 para impartir Ensinanza Xeral Básica (E.X.B.). Nun principio, o centro estaba dividido en dous edificios ( un deles estaba na praza da feira). No centro da feira impartíanse a E.I. e 1º ciclo de E.X.B. (posteriormente, primaria) namentres que no centro da rúa da Palma, impartíanse o resto dos niveis.

Coa entrada en vigor da LOXSE e a ampliación da escolaridade obrigatoria ata os 16 anos; o centro experimentou unha ampliación para acoller a tódalas etapas do ensino obrigatorio básico e unificando no mesmo centro a tódalas etapas que se imparten actualmente.

No ano1.999, o Decreto 7/1999 creou os CPI, pasando dende entón a denominarse CPI Aurelio Marcelino Rey García. Atópase situado na rúa José Mª Lastra.

 

Así pois, o CPI abrangue as etapas de Educación Infantil, Primaria e Secundaria, integradas nun centro único situado no norte da provincia de Pontevedra, en Cuntis.

O noso nome

Don Aurelio Marcelino Rey García naceu en Lavadores (Vigo) no ano 1880.

Fixo a carreira de Mestre Nacional e comezou a traballar arrededor dos 20 anos.

Antes de vir para o pobo de Cuntis tivo as súas escolas en Sanxenxo e Ribadumia. Casado con Dona Emilia Carou Blanco, tamen mestra moi querida en Cuntis, chegou ó noso pobo aló polo ano 1920, onde desempeñou o seu labor ata a súa xubilación os 70 anos.

Por testemuñas de ex-alumnos seus, sabemos que ademais de da-las clases normais, ensinaba ós seus rapaces: modelado en arxila e xiz para facer bustos, carpintería, repuxado, ...

Fixo un gabinete de física e disecaban todo tipo de animais para estudialos mellor (raposos, teixugos, aves, cobras, ras,...)

Facían mapas en relevo para estudia-la Xeografía. E para comprender mellor o que eran e como eran Galicia e España, dirixiu no patio da Escola Graduada de Rapaces (da que foi director) a construcción dun xardín con forma de Galicia e outro coa forma de España. Este estaba dividido en rexións, separadas unhas das outras por mirtos; cada rexión tiña os seus cultivos propios e era coidada por un grupo de rapaces. De Madrid saía un surtidor que regaba todo o xardín.

Para poder aproveitar os rapaces que tiñan capacidade para estudiar e carecían de medios económicos, creou o que el chamou “Cuarta Sección", onde se estudiaba aproveitando os mesmos libros para todos eles. Desa aula saíron moitos bachareis, mestres, homes de empresa...

Por cuestións políticas, baixo a Dictadura do Xeneral Franco, estivo encarcerado durante un mes no lazareto da Ría de San Simón.

0 seu traballo foi tan meritorio que ata se fixeron eco de algunhas revistas de educación da época.

En agradecemento e como perdurable lembranza dos seus alumnos, o pobo de Cuntis nomeouno «Mestre de Mestres» e, no súa honra o Colexio leva o seu nome: COLEXIO PÚBLICO "DON AURELIO REY"
Posteriormente o Concello decide adicarlle unha rúa no noso pobo, que desde entón se denomina Circunvalación Don Aurelio.

O seu labor foi continuado ó cabo dos anos, de modo meritorio, polo súa filla Dona Emilia Rey Carou e o seu xenro Don Manuel Torres García, tamén mestres e directores do noso Colexio, a quen todo o pobo lles agradece o seu traballa e esforzo a favor dos seus alumnos. 


 

AGRADECEMENTOS

Como é de ben nacidos/as ser agradecidos/as, velaquí quedan os nosos agradecementos:

 

A todo o alumnado do centro, que ao longo destes anos nos deu forza para traballar día a día con ilusión para coidar o seu presente e mellorar o seu futuro.

A todas as familias do alumnado, que sempre colaboraron connosco para que a educación dos seus fillos e fillas fora mellor.

A todo o profesorado do centro, de hoxe e de onte, que foi o motor das melloras conseguidas ao longo destes anos.

MEMORIA GRÁFICA DE 7 ANOS DE TRABALLO

 


H:\Logos centro\logo nome completo.jpg

Que é esta memoria gráfica de sete anos de traballo?

 

Ao longo destes seis anos e medio que diriximos o centro percibiuse social, académica e institucionalmente un cambio profundo nas dinámicas de funcionamento do CPI Aurelio Marcelino Rey García.

Conseguimos crear un maior atractivo na sociedade local (mantendo estable o alumnado do centro cando se estaban a producir abandonos) e mesmo fóra dela (intercambios nacionais -Zamora- e internacionais  -Escocia- de boas prácticas educativas).

Así mesmo, pulamos dunha forma seria, rigorosa e consensuada pola implementación xeneralizada de dinámicas de traballo innovadoras: Aprendizaxe Cooperativa,Traballo por Proxectos, Plan de Formación Permanente do Profesorado (no curso actual PITEAS e Programas Europeos) coa participación de máis do 70% do profesorado do claustro, Mediación Escolar, Proxecto Abalar, nove programas dos Plan Proxecta, cinco accións dos Contratos-Programa, Club da Ciencia, Club de Lectura, Plan de Mellora de Bibliotecas, activación do EDLG, estadías en países de fala inglesa e portuguesa, Auxiliares de Conversa de inglés e de portugués, Sección Bilingüe, CUALE, implantación do Portugués como segunda lingua estranxeira etc.

Froito deste intenso traballo recibimos varios premios e recoñecementos, tanto a nivel do alumnado como do centro: Premio Proxecta de Innovación Educativa 2016 da CCEOU, Accesit “Recíclate con Sogama” 2016, Premio de Telearqueoloxía 2016 da Deputación de Pontevedra, Premio de Innovación Educativa en Dinamización Lingüística 2017 da CCEOU e o 1º Premio EducaCompostela 2017 do Concello de Santiago de Compostela, entre outros.

Todos estes premios e recoñecementos acadados non son máis que unha evidencia do bo traballo desenvolvido polo equipo docente deste centro e polo liderado deste equipo directivo ao longo destes anos.

Foi un período cheo de motivacións por ter traballado con esta comunidade educativa coa que conseguimos colocar o nome do CPI Aurelio Marcelino Rey García na vía da innovación e do prestixio. Durante estes anos, este equipo directivo mantivo unha puxanza e un liderado sen escatimar esforzos, horas e ilusión polo que a aprendizaxe realizada foi excepcional. Por iso, non podemos máis que considerala unha etapa profesional chea de satisfaccións que arestora damos por rematada.

Este equipo directivo que remata sempre tivo como obxectivo fundamental a mellora integral do noso alumnado, tanto no aspecto educativo, o que é a nosa principal función, como no humano. Pensamos, sinceramente, que pouco podemos educar se non entendemos os nenos e as nenas como son: diferentes, diversos e plurais. Pensamos, tamén, que para seren bos estudantes primeiro teñen que ser mellores seres humanos.

Os que formamos este equipo directivo na actualidade, e tamén no pasado, entregamos moito esforzo, moita ilusión e moito traballo pola mellora do CPI Aurelio Marcelino Rey García e, en consecuencia, pola mellora dos nenos e das nenas de Cuntis que estudan e estudaron no noso centro. E por todo isto estamos moi satisfeitos e satisfeitas por todo o realizado.

Velaquí deixamos un resumo gráfico do traballo que desenvolvemos ao longo destes sete anos de traballo.

E vémonos en setembro, que nós estamos moi orgullosos e orgullosas de formar parte desta comunidade educativa e de seguir traballando como docentes no CPI Aurelio Marcelino Rey García.



Ana Mosteiro Vicente

Jesús Martín Carrasco

Montserrat Villanueva Gaspar

Miguel Louzao Outeiro

 

Cuntis, xuño de 2018

 

SELO DE VIDA SAUDABLE

Acabamos o curso** cun novo recoñecemento para o centro. O Ministerio de Educación concedeunos o SELO DE VIDA SAUDABLE polos programas, proxectos e actividadades que desenvolvemos no colexio para fomentar un xeito de vida saudable.
Somos un dos 3 centros de toda Galicia selecionados. Moitos parabéns a todos e todas os que traballastes arreo para merecelo.

MATRICULA 2018-2019

O alumnado do centro deberá presentar debidamente cuberto o sobre de matrícula que lle se entregou no centro coas notas.

Os alumnos/as de nova incorporación poderán recoller e entregar o sobre de matrícula na secretaría do centro en horario de 9:00 a 13:30 hs.

Os prazos para a formalización da matrícula serán os seguintes (Orde do 10 de marzo de 2013, DOG nº 53):

- Alumnado de Educación Infantil e Primaria do 20 ao 29 de xuño.

- Alumnado de Educación Secundaria do 25 de xuño ao 10 de xullo.

SUBIDA AO XESTEIRAS 2018.

O martes 20 de xuño, o alumnado de 4º ESO realizou unha saída ao monte Xesteiras para levar a cabo unha visita guiada ao único radar meteorolóxico de MeteoGalicia. O percorrido ata alí fíxose camiñando e debido ás altas temperaturas foi un pouco máis duro do esperado, pero gustoulles moito poder acceder ao interior do radar que tantas veces teñen visto, e coñecer de primeira man polos técnicos de MeteoGalicia, o seu funcionamento.

Visitade a galería de fotos ou premede nestas fotos para ver algúns momentos desta xornada....

    

ACTO DESPEDIDA ALUMNADO 4º ESO. CURSO 2017-2018

Este pasado martes 19 de xuño pola tarde tivo lugar no noso centro o acto de despedida do alumnado de 4º da ESO que pronto nos deixará para comenzar unha nova etapa escolar e de vida adulta.

Cada un/ha deles/as tivo a oportunidade de dirixirse ao público presente para compartir as súas lembranzas e historias máis divertidas do seu paso polo colexio, o seu colexio da infancia e o seu colexio para sempre.

Finalmente recibiron un agasallo coa súa foto de orla como recordo da súa estancia con todos os/as seus/as mestras e mestres que lles desexan toda a sorte do mundo.

Coma sempre podedes botarlle un ollo aos momentos máis significativos vividos premendo nesta imaxe ou visitando a nosa galería de fotos. 

 

ANDAINAS FIN DE CURSO 2018

Este luns 18 de xuño o alumnado de educación infantil e de primeiro e segundo de primaria fixo unha andaina dende o centro até Castrolandín e o entorno das Campaiñas. Coa axuda de Manuel, o técnico de turismo do concello, aprendimos cousas dos nosos antepasados que viviron en Castrolandín e desfrutamos dunha mañá de convivencia moi xeitosa cos/as nosos/as compañeiros/as. 

Podedes ver algunhas imaxes da xornada premendo nestas fotos ou visitando a nosa galería de imaxes.

    

 

Distribuir contido