Ed. Infantil

Profesorado Ed. Infantil

4ºA - 3 anos Rivas Espiño, Dolores
B - 3 anos Rodríguez Pereira. Mª Carmen
5ºA - 4 anos Pereira Pena, Marta
6ºA - 5 anos Villanueva Gaspar, Montserrat
6ºB - 5 anos Miranda Pereira, Natalia
Apoio E.I. Raposo Pichel, Marisol

Reunión Informativa Familias de Educación Infantil

O vindeiro xoves 7 de setembro, ás 12,30 horas, terá lugar no Salón de Usos Múltiples do noso centro a Reunión de Comezo de curso para as familias do alumnado de educación Infantil na que faremos a presentación do equipo docente e daremos conta de aspectos varios de interese para a escolarización dos/as nosos/as cativos/as.

 

 

Os cativos e cativas do colexio de visita no Grove

Este martes 23 de maio o alumnado de Educación Infantil xuntos cos compañeiros e compañeiras da Escola Unitaria de Arcos de Furcos fomos de excursión de fin de curso ao Grove; divididos en catro grupos, e por turnos, primeiro fixemos unha visita guiada ao Acuario e participamos de dous obradoiros de concienciación medioambiental e coidado dos nosos mares; despois baixamos ao porto do Grove e no paseo marítimo recargamos as pilas cunha comida campestre á beiriña do mar e xogamos un cachiño nun dos parques infantís que había moi perto; e finalmente, pola tardiña, subímonos no turitren e visitamos a península do Grove e a Illa da Toxa. 

Coma sempre premede nas imaxes ou visitade a nosa galería de fotos para ver canto aprendemos, o moito que nos divertimos e canta caloriña pasamos.

                                

                               

 

A Froita tamén é doce

O alumnado de  6º de Educación Infantil disfrutou onte coa degustación de diferentes froitas para merendar logo de divertirse  a través de xogos e dinámicas para descubrir sabores. Para esta actividade as titoras levaron aos nenos e nenas ao comedor do cole onde Julia, a Técnica de Prevención do Concello, lles preparou unha colorida merenda baixo o título A FROITA TAMÉN É DOCE!

Premede nas imaxes ou visitade a nosa galería de fotos para ver a merendola preparada e papada.

                               

A Froita tamén é doce.

O alumnado de  6º de Educación Infantil disfrutou onte coa degustación de diferentes froitas para merendar logo de divertirse  a través de xogos e dinámicas para descubrir sabores. Para esta actividade as titoras levaron aos nenos e nenas ao comedor do cole onde Julia, a Técnica de Prevención do Concello, lles preparou unha colorida merenda baixo o título A FROITA TAMÉN É DOCE!

Premede nas imaxes ou visitade a nosa galería de fotos para ver a merendola que prepararon e paparon.

                                

 

Gatuxo.Teatro musical para Infantil en Pontevedra.

Na mañá de hoxe o alumnado de Educación Infantil do noso centro xunto cos compañeiros/as da Escola Unitaria de Arcos de Furcos fomos de viaxe a Pontevedra a desfrutar dunha representación de teatro musical titulada GATUXO; dende a perspectiva dunha pequecha chamada Gatuxa, a súa familia e o seu inseparable amigo de trapo Gatuxo percorremos todas as etapas do crecemento dos cativos e cativas, con ela aprendemos a comer sós/as, descubrimos o sorriso, comezamos a gatear e pronunciar os primeiros sons e palabras, os primeiros pasos... e todo isto sen parar de cantar e bailar.

Sacamos unhas poucas fotos para traballar na aula e para lembrar esta mañá tan divertida que coma sempre podedes ver premendo nestas imaxes ou visitando a nosa galería de fotos.

           

Semana do libro 2017

Na semana o 18 ao 21 de abril o alumnado de Educación Infantil celebrou a Semana do Libro cunha actividade diferente: un convite ás familias dos nosos/as cativos/as para compartir con nós a lectura dun conto que lles gustara ou dunha historia que lles lembrase algo especial. 

Moitas grazas aos papás e mamás por vir contarnos as vosas historias, compartir con todos un chisquiño do voso tempo e facer desta actividade unha experiencia tan bonita para os/as vosos/as fillos/as.

Premede nestas imaxes para ver algún dos momentos que vivimos nas nosas aulas.

   

    

O sabor da aventura está no mar. Visita a Cambados

Este martes 28 de marzo, cativos e cativas de Educación Infantil fixeron unha visita didáctica á vila de Cambados organizada pola Consellaría de Medio Rural e do Mar ao abeiro do Programa do Plan Proxecta "Aliméntate Ben" no que está a participar por terceiro ano consecutivo unha parte importante do profesorado do noso centro.

Coa colaboración da Asociación das mulleres do Mar de Cambados, Guimatur, visitamos o banco natural de O Serrido para descubrir como traballan as mariscadoras e como fan a extracción e a selección do marisco no punto de control para a súa posterior venta na lonxa. No porto de Tragrove vimos os distintos tipos de embarcacións de pesca e acuicultura, as artes que empregan, as especies que se capturan e comercializan e visitamos a fábrica de xeo. Tamén nos explicaron como se fai o etiquetaxe das especies pesqueiras, como é o proceso de primeira venta na lonxa, simulamos unha poxa de peixe e na nave de redeiras vimos como as mulleres arman e reparan as redes de pesca. E para rematar, e coa finalidade de coñecer os alimentos do mar desde o punto de vista culinario, degustamos unha deliciosa merenda mariñeira a base de produtos do mar.

Coma sempre podedes botarlle un ollo ás fotos que nos sacaron as mestras premendo nestas imaxes ou visitando a nosa galería.

                                  

Educación Infantil prantando amorodos no invernadoiro do colexio

Este pasado xoves 16 de marzo o alumnado de Educación Infantil remangouse e púxose máns á terra para facer unha pequena prantación de amorodos no espazo que tan ben nos acondicionaron os compañeiros/as de cuarto da ESO no invernadoiro do colexio.

Premede nestas imaxes ou visitade a nosa galería de fotos para ver canto traballaron os cativos e cativas do colexio e canta caloriña pasamos no invernadoiro.

      

Panadeiros e panadeiras por un día

Os cativos e cativas do noso colexio, xunto cos compañeiros/as da Escola Unitaria de Arcos de Furcos experimentaron que se sente traballando coma panadeiros/as por un día. Primeiro aprendimos e tocamos todos os ingredientes que precisamos para facer unha boa masa, despois puxemos en marcha as máquinas amasadoras e rematamos amasando os nosos propios boliños de pan fresco. Ademáis de pan tamén nos ensinaron como se facían outros alimentos ricos e doces que preparan con moito cariño, como as palmeiras, os croasáns, os ovos de Pascua e ata un castelo de chocolate puidemos ver. 

Moitísimas grazas aos traballadores e traballadoras da Panadaría Cervela que tan ben nos recibiron, pola paciencia que amosaron con todos/as nós e por suposto, polos riquísimos agasallos que nos fixeron. 

Coma sempre podedes botarlle un ollo ás fotos que nos tiraron as mestras desta xornada panadeira tan proveitosa premendo nestas imaxes ou visitando a nosa galería e fotos.

       

Distribuir contido