Ed. Primaria

Profesorado Ed. Primaria

  1º CICLO PRIMARIA     2º CICLO PRIMARIA     3º CICLO PRIMARIA
1ºA Barros Casal, Mª Concepción    3ºA López Sande, Silvia (CC)   6ºA Correa Otero, J. Manuel  
1ºB Folgar Núñez, Mª Carmen   3ºB Iglesias Miguens, Mª Dolores   6ºB Estévez Reino, Amalia
2ºA González Núñez, Melisa   4ºA Diéguez Sanmartín, Mª Concepción    5ºA Sande Iglesias, Antón e Louzao Brey, Lucía
2ºB Santomé González, Isabel    4ºB Estévez Iglesias, Mª Montserrat     
               
ING.-II Carballo Vales, Javier   E.F.-I  Blanco Casais, J. Antonio
  E.F.-II Sande Iglesias, Antón 
A.L. Domínguez Búa, Andrea (CC)   ING.-I  Mosteiro Vicente, Ana Raquel 
   Música  Goldar Cora, Mª Eugenia(CC)
Relixión Pena Tato, Estrella   P.T.  Rodríguez Rodríguez, Mª Isabel
     

CIENCIA OU MAXIA. EXPERIMENTOS PITEAS PARA A EP

Este pasado venres 1 de decembro tocoulle o turno ao alumnado de terceiro a sexto de primaria de vivir a experiencia da maxia científica. Unha vez máis o profesor de Bioloxía e divulgador científico e colaborador PITEAS, David Ballesteros, comparteu con todos nós os seus experimentos científicos que semellan maxia; da man das súas ensinanzas aprendimos que estudando, curioseando e sobre todo investigando o que nos rodea a ciencia é accesible a todos/as e pode resultar moi divertida.

Premendo nestas imaxes podedes ver algunhas fotos que nos quitaron as/os mestras/es....

    

Teatro "Rubicundo". 3º e 4º de Primaria.

O pasado luns 20 de novembro o alumnado de terceiro e cuarto de primaria asistiu ao teatro de Pontevedra para ver a obra de teatro "Rubicundo" na que desfrutaron cantando e interaccionando coas curiosas personaxes da obra.

A continuación, plano en man, fixeron un percorrido polas prazas máis coñecidas da cidade de Pontevedra seguindo o itinerario que eles/as mesmos/as marcaran previamente. Uns grandes exploradores!

Coma sempre, aquí podedes ver unhas fotos da xornada visitando a nosa galería de imaxes ou premendo nestas fotos....

       

Novas masculinidades e feminidades. Obradoiros de Igualdade.

O alumnado de primeiro a cuarto curso de Primaria participou na xornada do xoves 16 de novembro dunha serie de obradoiros sobre Igualdade de Xénero, "Novas masculinidades e feminidades" impartidos no noso centro en colaboración do Concello de Cuntis. 

A través de contos, historias, debuxos e actividades moi amenas a nosa rapazada traballou e ideou varios lemas de vida para un Mundo da Igualdade onde "todas e todos somos importantes" e onde "todas e todos somos o que queremos ser".

Coma sempre, premede nestas imaxes ou visitade a nosa galería de fotos, e podedes ver algúns dos momentos vividos....

   

Visita a Campiño e Lourizán

O alumnado de terceiro e cuarto de educación primaria está a desenvolver unha serie de actividades de concienciación medioambiental e coidado dos montes e árbores de Galicia. Unha das actividades que levaron a cabo e que máis impactou ao alumnado nestes días de traballo foi a visita á base aérea contraincendios de O Campiño onde os brigadistas e demáis persoal desta base lles amosou cómo era o seu traballo e como usaban todo o equipamento do que dispoñen para a prevención e extinción de incendios coma os camións motobombas, o helicóptero, os seus traxes, as mangueiras, etc.

A rapazada desfrutou dun día moi divertido e puido comprobar como era a vida e traballo destes profesionais compartindo con eles/as unha xornada de convivencia moi especial.

Podedes botarlle un ollo ás fotos que sacaron os/as mestres/as e coas que seguirán traballando na aula premendo nas imaxes ou visitando a nosa galería de fotos.

            

Saída ao teatro "Guillermo Tell". 3º ciclo primaria

O pasado martes 31 de outubro o alumnado de 5º e 6º de primaria asistimos ao concerto didáctico da ópera Gullermo Tell de Gioacchino Rossini. Descubrimos a lenda deste heroe medieval a partires da fantástica adaptación realizada pola Compañía de Comediants A Baldufa.

Podedes ver as fotos premendo nas imaxes ou na nosa galería de fotos.

      

Xornadas de Educación Vial no CPI de Cuntis. Outubro 2017

O pasado mércores 18 e xoves 19 de outubro o alumnado de cuarto, quinto e sexto de primaria participou dunhas Xornadas de Educación Vial realizadas polos axentes da Policía Local de Cuntis en colaboración coa DXT. Os nosos rapaces e rapazas asistiron a unha serie de charlas informativas sobre comportamentos cívicos nas estradas e rúas e seguidamente puxeron en práctica os coñecementos traballados na pista de cars instalada no pavillón do centro.

Premede nestas imaxes e veredes que ben o pasou a nosa rapazada facendo de peóns e a bordo dos cars.

                   

Actividade Fin de Curso do Club de Ciencia

O pasado venres 2 de xuño recibimos a visita no noso centro do Club de Ciencia do IES David Buján de Cambre, integrado por dous docentes, alumnado de 1° e 4° ESO e por varios exalumnos/as “mentores” que na ctualidade cursan a carreira de Bioloxía. Esta actividade de fin de curso para o alumnado do Club de Ciencia de 3º, 5º e 6º de primaria consistiu nunha chea de experimentos espectaculares onde aprenderon un montón e se divertiron facendo novas amizades.

Para ver todas as fotos desta actividade premede nalgunha das seguintes:

          

GRAZAS POR TODO CELINA

               

Os rapaces e rapazas de 6ºA elaboramos este maniquing challenge, inspirado nas diversas actividades que a nosa auxiliar de conversa, Celina, nos ensinou.

Este é o noso regalo de despedida para ela. QUERÉMOSTE MOITO CELINA!!! Bye Bye

Redactoras: Diana e Lucía 6ºA

Excursión a Marcelle 2017

O alumnado de 3º e 4º de Educación Primaria visitou este martes 23 de maio o Parque da Natureza de Marcelle. Os nenos e nenas tiveron ocasión de coñecer as características e hábitos de diferentes especies animais. Desfrutaron dun día ao aire libre, en plena natureza no que non faltou o compañeirismo e a felicidade.

Aquí deixamos unhas fotos que amosan os momentos vividos.

                

 

Distribuir contido