CPI Aurelio Marcelino Rey García

A Consellería de Educación acaba de publicar o a  ORDE do 12 de maio de 2020 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2020/21

PRESENTAMOS A INFORMACIÓN MÁIS IMPORTANTE:

• FONDO DE LIBROS: Destinado ao alumnado de 3º, 4º de Educación Primaria e  3º e 4º da ESO.
• AXUDAS PARA A ADQUISICIÓN DE LIBROS DE TEXTO: 1º e 2º de Educación Primaria e de Educación Especial.
• AXUDAS PARA A ADQUISICIÓN DE MATERIAL: Educación Primaria, Educación Secundaria e Educación Especial , é dicir, todo o alumnado do centro.

*O alumnado incluído no proxecto de educación dixital (E- Dixgal) no curso 20-21(5º e 6º de primaria e 1º e 2º de ESO) está excluído da participación no fondo solidario de libros de texto e das axudas para adquirir libros de texto. Non obstante, terá dereito á axuda para adquirir material escolar.

OS DOCUMENTOS QUE HAI QUE PRESENTAR SON OS SEGUINTES (segundo o caso particular de cada familia)

• ANEXO I e II da mesma convocatoria (que podedes recoller no centro ou descargalo de edu.xunta.gal ou da Sede Electrónica da Xunta: modelo ED330B.)
• Copia do libro de familia onde figuren todos os membros computable.
• Certificado do grao de discapacidade, se fose o caso, do/a alumno/a ou calquera membro da familia recoñecido por un órgano que no pertenza á Xunta de Galicia.
• Documentación xustificativa da situación de violencia de xénero, se fose o caso.
• Resolución xudicial de incapacitación con patria potestade prorrogada ou rehabilitado, se fose o caso.
• Certificado de convivencia, volante de convivencia ou informe dos servizos sociais ou do órgano equivalente do concello onde resida a familia, no caso de que o pai e a nai ou titor e titores carezan de DNI e NIE.

PRAZO PARA PRESENTAR AS SOLICITUDES:

• Do 20 de maio ao 19 de xuño de 2020.

LUGAR DE PRESENTACIÓN DE SOLICITUDES:

• Portal electrónico de Educación: edu.xunta.es/fondolibros
• Sede Electrónica da Xunta
• Centro educativo

PROCEDEMENTO:

• Publicación de listas provisionais: 10 de xullo
• Periodo de reclamacións: 13 - 14 xullo
• Publicación de listas definitivas: 20 de xullo para E. Primaria e 14 de setembro para ESO.

Como consecuencia da crise sanitaria o equipo docente viuse na obriga de modificar as diferentes programacións didácticas seguindo as Instrucións do 27 de abril de 2020, da Dirección Xeral de Educación,Formación Profesional e Innovación Educativa para o desenvolvemento do terceiro trimestre do curso académico 2019/20, nos centros docentes da Comunidade Autónoma de Galicia.

A continuación achegamos as adaptacións das programación da etapa de Educación Secundaria por cursos:

Estas adaptacións están pendentes de aprobación por parte da Inspección Educativa.

RESTABLÉCESE O PRAZO DE PRESENTACIÓN DE SOLICITUDES DE ADMISIÓN DO ALUMNADO

Prazo de presentación de solicitudes: do 11 ao 18 de maio, ambos inclusive.

A solicitude pódese presentar de xeito telemático a través da seguinte ligazón: https://www.edu.xunta.es/admisionalumnado/

Se opta por presentar a solicitude de xeito presencial débese solicitar cita previa chamando ao número de teléfono do centro: 8861512 22 en horario de 8:45h e 13:45h.

É necesario garantir as esixencias sanitarias polo que se recomenda que unha soa persoa acuda ao centro a presentar a documentación debidamente cuberta e asinada. Para descargar a solicitude de admisión prema aquí.

Novos prazos do procedemento de admisión:

- Presentación da documentación acreditativa dos criterios de baremo: ata o día 26 de maio de 2020.

- Publicación da listaxe provisional do alumnado admitido e non admitido: antes do 9 de xuño de 2020.

- Prazo de reclamacións contra a listaxe provisional: 3 días hábiles contados desde o seguinte ao da súa publicación.

- Publicación da listaxe definitiva do alumnado admitido e non admitido: ata o 26 de xuño de 2020.

- Prazo de matrícula en educación infantil e primaria: do 1 ao 10 xullo de 2020.

- Prazo de matrícula ordinaria na ESO: do 1 ao 10 xullo de 2020.

- Prazo extraordinario de matrícula na ESO: do 1 ao 10 de setembro de 2020.

Pódese consultar a información completa na seguinte ligazón: Resolución do 5 de maio de 2020, da Secretaría Xeral Técnica da Consellería de Presidencia, Administracións Públicas e Xustiza, pola que se dá publicidade a diversos acordos do Centro de Coordinación Operativa da situación de emerxencia sanitaria no territorio da Comunidade Autónoma de Galicia (Cecop), do 5 de maio de 2020

Co fin de facilitar o acceso ás familias aos contidos que traballaremos neste período sen clases presenciais. Achegamos os enlaces ás diferentes canles elixidas polos diferentes docentes:

Educación Infantil: Blogue de educación infantil

1º Educación Primaria: Páxina web do centro

2º Educación Primaria: Bloque de 2º

3º Educación Primaria: 3ºA: Muro virtual 3ºA

                                   3ºB: Muro virtual 3ºB

4º Educación Primaria: 4ºA: Muro virtual 4ºA

                                   4ºB: Muro virtual 4ºB

5º Educación Primaria: Acceso a Edixgal

6º Educación Primaria: Blogue de 6º

ESO: Para o alumnado dos diferentes cursos da ESO, os contidos serán publicados na Aula Virtual.   Os cursos estarán abertos ao alumnado e familias, polo que non é preciso utilizar contrasinais. Os alumnos e alumnas de 1º de ESO que estaban a traballar na aula edixgal, seguirán traballando esas materias na aula edixgal e o resto na aula virtual.