CPI Aurelio Marcelino Rey García |

TRABALLO COMPLEMENTARIO DA ÁREA DE LINGUA INGLESA EDUCACIÓN PRIMARIA

Dom, 2020-03-15 18:55 — secretaria

Achegamos o traballo complementaria da área de lingua inglesa. Premede enriba da tarefa para acceder á mesma:

6º de EP:	5º de EP:	4º de EP:
Tarefa nº 1	Tarefa nº1	Tarefa nº1
Tarefa nº 2	Tarefa nº2	Tarefa nº2
Tarefa nº 3	Tarefa nº3	Tarefa nº3
		Tarefa nº4

10 adxuntos

COMUNICACIÓN ÁS FAMILIAS. COVID 19.

Dom, 2020-03-15 18:24 — secretaria

Estimadas familias:

No tempo que dure a suspensión das clases, esteades atentos a información desta páxina web do centro, do TokApp e das outras canles de comunicación que establecera o profesorado cos vosos fillos/as.

Tamén informamos de que a entrada do RD de medidas de estado de Alarma, na súa disposición anual terceira, decreta a suspensión de prazos administrativos, polo que o proceso de admisión nas diferentes etapas educativas queda en suspenso ata que remate o estado de alarma. Premede para consultar nesta ligazón.

https://www.edu.xunta.gal/portal/node/30568

Moito ánimo e paciencia.

Plan Proxecta. Aliméntate ben.

Mar, 2020-03-10 16:56 — secretaria

Hoxe, martes 10 de marzo, o alumnado de Educación Infantil e de 1º e 2º de Educación Primaria, participou no obradoiro: "Ponlle pilas ao teu bocata", onde puideron coñecer aspectos relacionado coas propiedades que teñen as conservas.

Aquí vos deixamos unha pequena mostra da actividade.

8M. Leccións de vida

Mar, 2020-03-10 16:20 — secretaria

Este 10 de marzo os usuarios do centro de día viñeron ao CPI para falar das diferenzas das súa mocidade e das súas vivencias, comparándoas coas vivencias do noso alumnado de 4º da ESO.

8M. Dereitas e humanas

Mar, 2020-03-10 09:10 — secretaria

Para conmemorar o día Internacional da Muller, no corredor central preséntase diferentes propostas para traballar ese día e relacionalo co noso tema transversal que son os Dereitos Humanos.

As actividades que se poden realizar son actividades de relacionar mulleres activistas con frases célebres, consultar bibliografía sobre a conmemoración, asociar mulleres co dereito que defendeu, redactar biografías das activistas ou escribir unha reflexión sobre este día.

Aquí vos deixamos unha mostra de como quedou o corredor central.

Obradoiro de novas masculinidades

Lun, 2020-03-09 09:27 — secretaria

Acaban de comenzar a desenvolverse, no noso centro, obradoiros de novas masculinidades dirixidos ao alumnado de 5º e 6º de EP.

Aquí tedes unha pequena mostra da actividade.

Teatro 3º e 4º de EP: "Nana para un soldado"

Ven, 2020-03-06 13:19 — secretaria

O día 5 de marzo, o segundo ciclo de primaria (3º e 4º) asistimos ao Teatro A Fundación e ao Café Moderno, en Pontevedra.

No teatro vimos unha peza titulada "Nana para un soldado". Conta a historia de dous militares de bandos inimigos que querían facerse cunhas ruínas, pero resultaron ser a casa dunha pacifista muller embarazada. Conseguirán deixar as armas? Conseguirán sobrevivir aos bombardeos?

Despois visitamos o Café Moderno onde nos ensinaron estratexias para vivir máis de 100 anos e nós, a través dun obradoiro, inventamos trebellos para que os nosos maiores consigan cumprir un século.

A RADIO NO CPI.

Mar, 2020-03-03 10:37 — secretaria

O pasado 28 de febreiro o noso alumnado puido asistir a un programa de radio emitido en directo desde o noso centro onde se promocionaba a nosa festa do lacón con grelos. Tamén interviron contestando algunhas preguntas sobre Cuntis.

Nesta ligazón podedes escoitar as intervencións do noso alumnado.

Programa de radio Festa do lacón con grelos

Plan Proxecta. Aliméntate ben.

Mar, 2020-03-03 10:28 — secretaria

O 11 de febreiro o alumnado de 2° , 3 ° e 4° de EP asistiron ao obradoiro " O sabor da aventura está no mar" , dentro do plan proxecta "Aliméntate ben", no que o noso centro leva participando varios anos.

Neste obradoiro faláronnos da importancia de peixes e mariscos na alimentación. Despois xogamos a oca da aventura está no mar, onde nos facían preguntas sobre o explicado na charla previa.