Agora que se achega a fin de curso, quería pedir a colaboración das familias do alumnado que estivo a facer tarefas do blogue:
Poderiades enviarme un correo electrónico cun pequeno resumo daquelas actividades que foron facendo as nenas e nenos ao longo destas semanas (tipo de actividades feitas, dificultades atopadas, actividades favoritas, etc)?
Agradezo a información facilitada, que servirá de axuda de cara a adaptación curricular do curso que vén.
Debido a que esta situación de confinamento nas casas se vai alongar no tempo máis aló do inicialmente previsto, comezarei a colgar tódalas semanas no seguinte BLOGUE (https://burelavistablog.blogspot.com/) distintas actividades, cancións, xogos, ....
Serán sempre de carácter voluntario e non avaliable, pero si que é recomendable seguir a manter o contacto coa lingua inglesa dalgún xeito durante as vindeiras semanas.
En caso de calquera dúbida déixovos aquí un CORREO para que vos poidades poñer en contacto comigo: mventura.vista@gmail.com, ou ben deixando un comentario no blogue.
Debido a que esta situación de confinamento nas casas se vai alongar no tempo máis aló do inicialmente previsto, deicidín crear este blogue (https://burelastaysathome.blogspot.com/) para os cursos de 3º e 5º no cal irei colgando a diario actividades, retos, cancións, ....
Serán sempre de carácter voluntario e non avaliable, pero si que é recomendable seguir a manter o contacto coa lingua inglesa dalgún xeito durante as vindeiras semanas.
En caso de calquera dúbida déixovos aquí un correo para que vos poidades poñer en contacto comigo: mventura.vista@gmail.com, ou ben podedes deixar un comentario no blogue.
Deseguido recollo uns enlaces con diferentes recursos dos que poderedes facer uso durante as vindeiras semanas para os cursos de 1º e 2º.
*En clase, sempre comezamos cunha rutina na que indicamos o día da semana e día do mes, o mes no que nos atopamos e o tempo que vai. Facémolo coas seguintes preguntas:
- What day of the week is it today? It's.....
- What's the date (number) today? It's .....
- What month are we in? We are in.....
- What's the weather like today? It's.......
De non recordaren calquera das cousas que se lles pregunta, poden ver algún vídeo para repasar, por exemplo:
*Despois pódense repasar cancións, contos ou vocabulario traballados xa en clase recollidos no bloguehttps://burelavistablog.blogspot.com ou ben repasar con cancións das seguintes canles de youtube, que contan con multitude de vídeos, dende Baby shark ata contar de 0 a 100 .
*Na seguinte páxina web, Oxford oferta diferentes liñas editoriais con contos, xogos ou cancións para tódolos niveis, de infantil e primaria. Se ben é recomendable que o alumnado empregue recursos dirixidos a curso no que se atopa, poden investigar libremente por tódolos cursos:
*Para traballar a destreza oral, cando rematen de ver un conto, tamén se recomenda pedirlle ao alumnado que nos diga o que entenderon, e incluso facerlles algunha pregunta sobre o mesmo, por exemplo: Who is in the story?. How are they?, Is she/he happy?, What's the weather like?, What do they eat?, Can you see animals?,....
*Para traballar a destreza escrita, poden debuxar e escribir os membros da familia ou debuxar e escribir os nomes do material que levan na mochila, por exemplo, en fichas como as seguintes (que adxunto ao final):
*Por último, déixovos tamén 3 minilibros que podedes ler, imprimir, colorear, etc.
