Este xoves os alumnos e alumnas de 3º ciclo participaron nunha charla para  concienciar sobre os beneficios e riscos da navegación polo ciberespazo.

Para rematar este curso coa modalidade de "Coñece o meu club", dentro do PVAD, tivemos con nós a Luis, entrenador do Club de Rugby de Ferrol.

Traballou co alumnado de 5º e 6º de Primaria e amosoulles as virtudes deste deporte colectivo tan divertido.

Moitas grazas por todo, Luis!

Este ano choveu tanto que ao exército de naipes da Raíña de Corazóns borráronselle os debuxos dos seus uniformes.

Por esta razón, decidimos deseñar algunha insignia máis duradeira e que resistise o frío e a calor, a choiva e o sol, o vento, as danas... 

Así que decidimos facer unhas chapas co corazón da nosa raíña, os nosos nomes e todos aqueles adornos que cada un quixese poñerlle.

Se queredes ver o proceso de fabricación, podedes facelo no seguinte vídeo.

O alumnado de 3ºEP participou, ao longo de todo o curso, nun obradoiro de bicis e peóns impartido polo equipo de Educación Viaria do Concello de Narón.

No primeiro trimestre Quico ensinounos unhas nocións básicas de seguridade viaria: por onde temos que camiñar cando imos pola rúa, como temos que facernos ver, que elementos de seguridade son imprescindibles na bici... 

Como todos os anos, ademais das actuacións que tiveron lugar o 23 e 24 de abril, o noso cole participou no Certame Intercentros do Concello de Narón na modalidade de murais. Estas foron as preciosas creacións do noso alumnado:

EDUCACIÓN INFANTIL - 3 ANOS

EDUCACIÓN INFANTIL - 4 ANOS

O pasado mércores, 17 de abril, celebramos o Día da Educación Física na rúa. Achegámonos ao Parque da Lectura, onde a profe Vanessa organizou unhas clases moi divertidas. PASÁMOLO XENIAL!