Este Entroido 2020 todo o centro nos vestimos de olimpíadas: deportistas, medallistas, símbolos como o facho e representantes dende a antigüidade (Grecia) ata os nosos días (Tokio 2020). Non vos pensedes, detrás de todo o traballo de elaboración manual tamén hai un de investigación xa que tivemos que documentarnos ben para elaborar os carteis que nos identificaban. Ademais durante toda a semana seguimos os mandadiños do Meco e o venres como colofón degustamos orellas e rosquillas. Que ben que o tempo nos acompañou e puidemos saír a facer o pasarrúas pola vila, aquí vos deixamos unhas imaxes destes festivos momentos! Un gran día!
