BENVIDA

 CEIP  PLURILINGÜE  SOUTO-DONAS.

SOUTO s/n. 36.388 DONAS- GONDOMAR (PONTEVEDRA)

Tel.: 986 386031. E-mail: ceip.souto.donas@edu.xunta.es.

 

 

CIRCULAR INFORMATIVA INICIO DE CURSO

CALENDARIO  ESCOLAR  CURSO  2018-19.

AULA MATINAL

 

CROSS ESCOLAR 18-19

Noraboa a o noso alumnado  que participou no cross escolar celebrado en Baiona o domingo, 13 de xaneiro. Nunha mañá soleada e fría os nosos chicos e chicas alí estiveron facendo deporte e convivindo co alumnado de outros centros da contorna.

 Tedes a clasificación xeral nun arquivo adxunto.

O OUTONO EN FOTOS

As alumnas e alumnos de cuarto curso de Primaria estamos levando a cabo unha iniciativa dirixida a fomentar a innovación educativa a través de programas educativo titulado meteoescola. Facémolo coa pretensión de desenvolver as competencias do alumnado en temas medioambientais e das ciencias da Terra e promover a investigación na escola, mediante a observación directa do tempo no noso centro e a contorna, así como desenvolvendo diversas competencias de xeito interdisciplinar.

Co gallo de involucrar a toda a comunidade educativa nesta tarefa propuxemos a toda a comunidade educativa participar nunha actividade consistente en facer unha exposición de fotos que recolla características de cada unha das estacións do ano.

Comezamos co Outono e apesar de que tivemos pouco tempo recibimos unha morea de fermosísima fotos que reflectían moi ben as características desta estación.

So tedes que botar unha ollada a esta montaxe en vídeo. Agardamos que vos guste.

 

 

VISITA DA FUNDACIÓN ISIDRE ESTEVE.

 O día 10 de decembro, dentro das actividades para conmemorar o DÍA MUNDIAL DAS PERSOAS CON DISCAPACIDADE, tivemos unha visita especial, ADRIÁN E BERTO, da FUNDACIÓN ISIDRE ESTEVE.

 

  

  

 

 MOITAS GRAZAS!!

 

 

NON Á VIOLENCIA DE XÉNERO.

 

OS  NENOS  E  NENAS  DO  COLEXIO  AMOSAN  O  SEU  REXEITAMENTO  Á  VIOLENCIA  CONTRA  AS  MULLERES  A  TRAVÉS  DO  DEBUXO,  REPRESENTANDO  COMO  SE  SINTEN  AS MULLERES  QUE  SON  VÍCTIMAS  DE  MALTRATO.

 

 

VIAXE A PONTEVEDRA

As alumnas e alumnos de cuarto nivel de Primaria fixemos unha viaxe a Pontevedra o mércores 14 de novembro. Alí visitamos o museo de Pontevedra, o mercado e logo fixemos unha pequena camiñada que nos levou xunto ao famoso loro Ravachol.

No museo aprendemos un montón sobre as técnicas que utilizan as autoras e autores de obras de arte (figurativas, abstractas, variados xéneros,...) Fixemos de detectives da arte por un día tratando de responder a uns enigmas que nos propuxeron. Que ben o pasamos!!!

Logo fomos ao mercado onde se vende o peixe, carnes, froitas, verduras, flores... Aprendemos nomes de peixes que non coñeciamos.

Finalmente antes de volver para o cole visitamos ao famoso loro Ravachol e alí sacamos unha foto con el.

Se premedes na foto poderedes ver unha montaxe de vídeo que resume a nosa viaxe. Agardamos que vos guste. Un saúdo.

DÍA CONTRA A VIOLENCIA DE XÉNERO.

O 25 de Novembro é a data na que cada ano lembramos a todas as mulleres que continúan sendo vítimas de malos tratos, abusos e outros tipos de violencia a mans, case sempre das súas parellas ou exparellas.
É un día tinguido de morado, a cor da loita contra a violencia cara ás mulleres.
No colexio adicaremos o venres 23 a esta conmemoración.

Tod@s viremos ese día ao colexio co lazo violeta prendido nun lugar visible, así deixaremos moi claro o noso REXEITAMENTO Á VIOLENCIA DE XÉNERO e o noso compromiso con MODELOS DE CONVIVENCIA BASEADOS NA LIBERDADE, NO RESPECTO E NA IGUALDADE.

 

  

Estes  contos  van  axudarmos  a  entender  mellor  a  violencia  de  xénero  e  as  consecuencias  nas  persoas  que  a  sofren.

 

 

 

 

A ANDAINA DA CASTAÑA

Un ano máis dispuxémonos a conmemorar unha data tan sinalada no noso calendario: o Magosto. E para elo fixemos a Andaina da Castaña. Se premes na seguinte imaxe poderás ver un vídeo. Agardamos que vos guste

 

 

 

Distribuir contido