CEIP Souto-Donas

As alumnas de 6º de  E. Primaria CAROLINA FIGUEROA, EREA ESTÉVEZ e ZAYRA COSTAS foron as gañadoras do II CERTAME ESCOLAR DE CREACIÓN DRAMÁTICA DO IEM, coa súa obra "DÍA DE PESADELO".

O 27 de maio tivemos a sorte de mirar a obra representada polo grupo de teatro A MOURA do CC A MERCED de Chaín.

Ao remate da obra D. LUÍS CARBALLO e MIGUEL ANXO MOURIÑO, membros do Instituto de Estudos Miñoráns fixeron a entrega do DIPLOMA as alumnas.

NORABOA  RAPAZAS!!

Aquí están recollidas as aportacións das familias para axudarnos a facer un pouco de memoria do NOSO CINE.

O Equipo de Normalización Lingüística agradece a colaboración de todas estas persoas.

Este ano 2019 homenaxeamos a Antonio Fraguas Fraguas no Día das Letras Galegas. Un home que traballou arreo para difundir a nosa lingua e a cultura popular. A súa vida é un exemplo de paixón polo coñecemento e polo país.

"Eu traballei sempre por e para Galicia. Unhas veces acertei, outras non; pero en todo canto levo feito puxen sempre toda a miña ilusión, todo o pouco que sei, sen esperar nunca nada a cambio."

"Dediquei toda a miña vida a tratar de localizar e dar visibilidade aos elementos do noso patrimonio que durante séculos pasaran desapercibidos ou foran obxecto de desprezo. Penso que, por sorte, a mentalidade da sociedade mudou e hoxe en día a sensibilidade é maior."

 (Antonio Fraguas Fraguas)

Queres coñecer ti agora un pouco sobre Antonio Fraguas Fraguas? 

Preme nas IMAXES para acceder ós recursos e actividades:

PRIMAVERA DAS LETRAS

SEMINARIO GALÁN 

- Documentos para imprimir

- Actividades en liña

- Álbum de fotos

O PORTAL DA LINGUA GALEGA

(SXPL) 

REAL ACADEMIA GALEGA

- Biografía

- Obra

 GRAZAS a tódalas familias do noso colexio

polas espectaculares e creativas cabazas

que aportastes para o SAMAÍN!!!

Sen vós non sería posible.

O outono xa está aquí,

veñen aí Magosto e Samaín.

Se queres pasalo ben e aprender,

xogos e actividades aquí tes...

... para parar un tren!!!

Rap do Magosto - Brinca Vai! Paco Nogueiras

Castaña, castaña, do chan se apaña, 
Metida no ourizo non é una “patraña”.
Magosto, magosto, non vaias co posto
Lava castañas e alegra ese corpo.

Coidado cos dedos, pódeste picar, 
O castiñeiro protexe o seu froito vital.
Apañando con tino metendo nun cesto, 
Deixando secar a castaña ao solleiro.


Despois de ben secas, mételle o dente, 
Ponas ao lume para que estean ben quentes.
Despois dun tempiño están preparadas
Comemos castañas, castañas asadas.


Tamén é costume furar a tixola
Para asar as castañas. A tixola mola!
Hai outros que queren facelas cocidas, 
Fiúncho e cachelos, castañas fervidas.


Non hai desperdicio, non perdas o tempo, 
Tan só hai que poñer en bo uso o peteiro.
Deixádeme agora que convide eu.
Castañas, castañas, non sexas baldreu!

(Retrouso)

DO SAMAÍN AO HALLOWEEN

PARA SABER MÁIS SOBRE AS ORIXES DO SAMAÍN

CANTA NO SAMAÍN

UNIDADES DIDÁCTICAS

Xuño 2018

Chegou ó seu fin  a "viaxe" dos libros de experimentos que os alumnos de cada curso , dende 6º de Infantil a 6º de Primaria, realizaron en familia. Esta actividade, iniciada a raíz do proxecto de centro deste curso " Síntome científic@", botouse a andar no mes de xaneiro e, ó longo deste tempo, foise nutrindo dos experimentos que realizaron na casa os alumnos coas súas familias. Quizáis algún non se decatou de que a proposta se facía en lingua galega, xa que este proxecto xurdiu coma unha actividade do Equipo de Dinamización Lingüística do centro, co obxectivo de concienciar de que en lingua galega tamén podemos facer pescuda e divulgación científica  de igual xeito que en castelán ou en inglés.

Traballouse moito vocabulario en galego relacionado cos experimentos e a ciencia, ó tempo que os nenos e nenas desfrutaron da actividade nas súas casas.

Moitísimas grazas, familias, porque sen a vosa gran colaboración non se podería levar a cabo!!

E, malia que o libro rematou a súa andaina, así como tamén o curso escolar, non deixemos de "sentirnos científicos" e ... a seguir cos vosos experimentos nos longos días de verán!!

Por certo, para que lles sigades botando un ollo a todos os interesantes e magníficos traballos que realizastes, na biblioteca do centro atoparedes o libro viaxeiro de cada curso.

 Maio 2018

Como ben sabedes, este ano está adicado a María Victoria Moreno. Ó longo das últimas semanas, alumnado e profesorado do centro, viñemos desenvolvendo diversas actividades relacionadas coa homenaxeada: lecturas, gravacións de vídeos, debuxos, preparación de murais, achega de información e recursos ó profesorado dende o EDLG, unidades didácticas, xogos en liña,etc.

Na semana das Letras Galegas, celebramos esta data coas seguintes actividades:

 XOGOS COS ESCORNABOTS E MARÍA VICTORIA MORENO:

O EDLG elaborou cinco taboleiros para aprender sobre a biografía e a obra da autora:  " Como se chama?"e " Na busca dos libros perdidos", para os máis pequenos, e" Atopa as obras de Mª Victoria Moreno", "Atopa a resposta" e "Identifica os autores", para os máis maiores. Organizámonos por quendas para xogar todos,  Infantil a Primaria.

Cada taboleiro tén unha ficha explicativa da actividade nunha carpeta, así como o material necesario para desenvolver a actividade.

Previamente, os nenos puideron  coñecer a Mª Victoria Moreno  a través das actividades e xogos online publicados máis abaixo nesta páxina web do centro. 

 Abril, 2018

Xa preto o 17 de maio, Día das Letras Galegas, aquí deixamos unha man de recursos para ir mergullándonos na vida e na obra de María Victoria Moreno Márquez, profesora e escritora en galego a quen este ano se homenaxea.

Aínda que non era galega de nacemento, decidiu quedar a vivir en Pontevedra, onde daba clases no Instituto; axiña aprendeu a nosa lingua e converteuse nunha firme defensora do noso idioma.

   "Por isto penso que a situación do galego non se pode ver con indiferenza.

   Se estou coa xente que amasa o meu pan

   e mais colle no mar os peixes da miña mesa,

   tamén quero falar con eles, falar a súa fala."            

                                                                   M.Victoria M.         

    SEMINARIO GALÁN, con actividades en liña para todos os niveis  

             FICHA E OBRA, EN EDITORIAL GALAXIA      

BIOGRAFÍA NA GALIPEDIA

E, como non, non deixedes de ler estes libros que atoparedes na biblioteca