ACABAMOS DE RECIBIR AGORA MESMO, ÁS 14:00 HORAS, O SEGUINTE COMUNICADO DA INSPECCIÓN EDUCATIVA:
"Dacordo co informado hai uns intres polo Xefe do Servizo de Inspección e, segundo o comunicado en rolda de prensa polo Presidente da Xunta, suspéndense as actividades lectivas nos centros educativos de Galicia oficialmente o luns 16/03/2020, e de xeito recomendable a partir de mañá 13/03/2020. Para calquer información adicional consultar a páxina web da Consellería de Educación."
Polo tanto, as familias que así o prefiran, poderán enviar aos seus fillos e fillas mañá venres día 13 de marzo ao centro, pero a partir do luns 16 xa non haberá aulas.
Volvemos celebrar este ano o Entroido e nesta ocasión o tema escollido foi A HORTA. Hai que dicir que foi un dos máis lucidos dos últimos anos! No desfile poidemos ver granxeiros e granxeiras, insectos de todo tipo, froitas e verduras... enfi, unha pasada!
Despois, coma sempre, compartimos as larpeiradas aportadas pola familia e o chocolate, que foi aportado pola ANPA. Desta vez si que chegou para todo o mundo!
O pasado 30 de xaneiro celebramos o Día da Paz. Desta vez, igual que o ano pasado, non tivemos sorte co tempo e non poidemos facelo ao aire libre, como tiñamos previsto.
Menos mal que ao final escampou e poidemos soltar as pombas!
Hoxe celebramos no colexio o magosto e a exposición de cabazas e, por suposto, tamén o Samaín, adiantado este ano porque mañá é día non lectivo en toda Galicia, por ser Día do Ensino.
Coma sempre, estades convidados á exposición das cabazas, e como non, á degustación das castañas, que desexamos que estean ao gusto de todo o mundo.
Coma sempre, todos os martes, no horario de recreo, haberá froita fresca ou lácteos (iogur ou similar) para todo o alumnado. Lembrade que este é un dos proxectos nos que colaboramos ca ANPA e que está financiado pola Fundación Repsol, a través da ONG Ayuda En Acción, tentando que adquiran hábitos adecuados de alimentación. Agardamos a vosa colaboración!
Acábannos de pasar unha información que poida que vos interese. Trátase dunha campaña, que desenvolve a fundación dunha coñecida marca de lentes a nivel nacional, que ofrece a posibilidade de obter lentes graduadas de balde.
A campaña vai dirixida ao alumnado entre os 5 e 7 anos de idade e para apuntarvos teríades que acceder desde esta páxina. O prazo para facelo remata o vindeiro 13 de outubro.
Este ano tivemos máis sorte que o pasado e non choveu, así que poidemos facer o desfile pola rúa principal de Meicende.
O tema foi O BOSQUE, así que botámoslle imaxinación e houbo disfraces de árbores, trasnos, fadas, lobos, e todo tipo de cousas relacionadas.
Ao final, coma sempre, tomamos as larpeiradas que trouxeron as familias co chocolate, que andivo algo escaso e non chegou para tanta xente que acudiu ao convite.
Tomamos nota e prometémosvos que o ano que vén haberá de sobra!!
Coma todos os anos, este tamén celebramos o DÍA DA PAZ. Desta vez tivemos que facelo no pavillón por causa do mal tempo, pero aínda así quedou moi chulo. Preparamos unhas frases para dicirlle ao mundo e ao final formamos a palabra PAZ. Despois cantamos a nosa canción, da que estamos moi orgullosos: o Rap pola Paz.