Skip to Content

Escolares

Visita a Salcedo!

Os cursos de 3º e 4º visitamos os petróglifos de Salcedo. Tivemos a sorte de contar cun experto na materia como é o arqueólogo Rafael Quintía  que nos ensinou o gran número de petróglifos que hai nesa zona. Tamén contounos lendas sobre as mouras que trataban de explicar estas curiosas marcas nas rochas. Despois  visitamos un poboado neolítico que simulaba a perfección como vivían fai tantos e tantos anos. Foi unha experiencia moi interesante. 

 

Festival 1º E 2º de Educación Primaria

Mirade que ben o fixeron o alumnado de 1º e 2º de Educación Primaria!

 

XeveClub

Para conmemorar maio como o mes da lingua, o alumnado do cole preparou algunhas reseñas de contos e novelas. Mirade que exposicións máis creativas elaboraron!

 

 
 
 
 
 
 
 
 
 
 

4ºEP
 
 
 

RECOMENDACIÓNS "DEPO" LECTORAS PARA O VERÁN

Este verán non esquezades practicar algún deporte, camiñar pola praia, nadar e mergullarvos nun bo libro.

Desfrutade do verán!!

Recetario mariñeiro

Ao longo do curso escolar 2018/2019, o alumnado concienciouse da importancia dunha alimentación saudable e equilibrada. Tras isto, os nenos e nenas foron elaborando algunhas receitas con productos do mar con degustación nas aulas incluida. Que rico estaba todo!!!! A continuación, podedes botar un vistaciño e practicar estas receitas tan saudables nas vosas cociñas!


OLLO, COIDADO QUE NON SE VOS QUEIME!!

 

 

Dalle a Lingua

No terceiro trimestre, o alumnado dos diferentes cursos participamos no programa Dálle a Lingua de ONDA CERO traballando así a expresión oral na lingua galega. Este luns 24 de xuño emitiuse o 1º programa patrocinado polo departamento de Normalización Lingüistica do Concello de Pontevedra e A Devesa. Neste programa, os nenos e nenas de 4º, 5º e 6º da EP comentaron aspectos  sobre diferentes proxectos que traballamos no centro, como  o "Mar", o  "Comercio"e "EduEmprende".

Poñede a orella e escoitade que ben se desenvolven estes locutores!!! Estaremos esperando o segundo programa de radio!

  

MILLA FAREIRA

Neste curso decidimos continuar co proxecto deportivo de centro "A Milla" deixando desta vez o Camiño de Santiago e achegándonos á costa nunha nova ruta "O Camiño dos Faros". Vinculando así este proxecto co proxecto centro adicado ao "Mar".

Para o cal os distintos cursos levamos a cabo unha serie de tarefas:

1º Cada curso investigou sobre unha etapa do camiño dos faros coa intención de facer un triptico de cada etapa a modo de guía turística.

 2º Un mural co mapa do camiño para situar as diferentes etapas.

3º Medimos e sinalizamos o traxecto da Milla do cole con pegadas de Traski, a mascota da ruta dos faros e renovamos as indicacións da milla do ano pasado.

4º Introducimos un reto para o último trimestre chamado "O Contavoltas" para motivar aos rapaces/as e buscar unha maior implicación no proxecto empregado como recurso a Traki, mascota da ruta.
Aqui vos deixamos algúns dos retos de Larapeto (mascota da biblio) arredor de Traski e o contavoltas.

 

ACTIVIDADES DE DEPORTE SAUDABLE

Dentro do proxecto deportivo do centro incluíronse moitas actividades traballando deste xeito o deporte e a alimentación que son as bases fundamentais para ter unha vida saudable.

Algúns destes traballos son:

  • Murais sobre menús e pirámides alimentarias.

  • Busca de información e investigación das diferentes actividades deportivas.

  • Un noticieiro con artigos referidos a deportes.

  • Diversas actividades de senderismo

  • Deportes náuticos como o kayak e minoritarios coma o golf.

EXCURSIÓN ILLAS CÍES. COOPERATIVA EVEX

O xoves 13 de xuño, os socios e socias da Cooperativa Evex fomos de excursión ás Illas Cíes cos beneficios acadados. Collemos o catamarán en Vigo (por certo vimos algún golfiño) e tivemos unha visita guiada pola contorna das Illas. Pola tarde, quedámonos a comer na fermosa praia de Rodas, tendo que compartir a comidas coas "amigas" gaivotas. Así e todo pasámolo moi ben.

Aquí vos deixamos unha mostra.

 



Distribuir contido


by Dr. Radut