Skip to Content

Escolares

Estefanía comenta a visita ao noso cole!

   

 

 

 

 

 

 

 

 

 

 

 

 

 

 

 

 

 

 

 

Estefanía publicou nas redes sociais a visita ao cole. Xa vos dixemos que quedara encantada! Noraboa ao pequechos de EI e a rapazada de 1º e 2º polo ben que traballastes!Risa

Visita de Estefanía Padullés.

Despois de esperala con tanta ilusión, o mércores 15 de abril chegou Estefanía Padullés, a ilustradora dos libros "A canción do Sol" e "Max e Lea". A rapazada de EI e máis a de 1º e 2º leron atentamente os libros e fixeron nas súas clases uns traballos marabillosos: debuxos, murais, collages, marcapáxinas, ilustracións 3D, aprenderon sobre os dinosaurios, ... Estefanía quedou encantada co que atopou no cole!

Tamén prepararon preguntas para facerlle despois de que ela nos contara as súas historias e debuxara para nós. Foi unha visita estupenda e agradecemos moito que viñera compartir cos seus lectores un tempo moi especial... E que firmara todos os nosos libros con cadanseu debuxo!!

Bravo por Estefanía!

    

 

ACTIVIDADES PARA CONMEMORAR O DÍA DAS LETRAS GALEGAS

Este ano o autor conmemorado das Letras Galegas é o pontevedrés Antón Fraguas.

Para coñecer un pouco máis a súa vida e obra  podedes facer unha serie de actividades online e fichas ás que accederedes premendo na imaxe do autor homenaxeado.

 

Saída de Arte Rupestre por Salcedo!

O luns 29 de marzo, o alumnado de 3º e 4º de Educación Primaria realizaron unha saída de arte rupestre por Salcedo. Previamente, antes desta saída, o alumnado recibiu unha conferencia a cargo do historiador Buenaventura Aparicio Casado quen se encargou de formar ao alumnado sobre a información sobre o pasado que aportan os petróglifos.

En cambio, a visita guiada pola arte rupestre de Salcedo correu a cargo de Rafael Quintía Pereira, antropólogo que ensinoulles ao alumnado o valor histórico dos petróglifos en forma de lendas, mitos e crenzas. 

A continuación, deixamos un pequeno vídeo desta visita guiada polo patrimonio arqueolóxico e etnográfico  da parroquia de Salcedo.

 

Saímos na Voz de Galicia!!!

Hoxe, día 3 de maio, os nenos de 5º e 6º  saímos no xornal por mor da cooperativa EVEX.  Nesta reportaxe explican un pouquiño os produtos que elaboramos e como nos organizamos. 

Deixámosvos o enlace do xornal e unha fotiño da reportaxe. 

Estamos moi orgullos@s do noso proxecto!!

Preme aquí: 

Voz de GaliciaAlumnos pero tamén cooperativistas

Visita de Pedro Mañas!

As nenas e nenos de 6º de Educación Infantil e 5º de Primaria tivemos unha visita moi especial na Biblioteca! Pedro Mañas, o autor de contos tan divertidos como "Apestoso tío Muffin", "El sombrero fantabuloso" ou "Señor aburrimiento", fíxonos pasar un rato estupendo compartindo as súas aventuras dende ben pequeno ata agora. Tivemos a oportunidade de facerlle preguntas e ensirnarlle todas as creacións que fixemos inspirándonos na súa obra.

Animádevos e pasade pola Biblioteca para botarlle un ollo e disfrutar coa lectura dos libros de Pedro!

 

 



 

Visitamos Clesa cos nosos amigo do "Polo correo do vento"

Os nosos amigos Carlos e Quique recibironos encantados no mes de marzo e abril na fábrica de Clesa de Caldas (a única en España). Alí fomos os alumnos de Educación Infantil e 1º,2º,3º e 4º de Educación Primaria. O primeiro que nos ensinaron foi o exterior da fábrica e o seu almacén coas etiquetas que empregan para facer os iogures. A continuación, entramos no recinto onde nos contaron un conto e nos deron instrucións para facer a nosa vaquiña. E por último, degustamos uns saborosos iogures de bombón. Ummmmmmmmmmmmmm................!!!!

 



Taller práctico de hixiene postural!

O día 3 de abril recibimos a visita dun fisioterapeuta do SERGAS para continuar a nosa formación en hixiene postural. No taller, aprendemos a reducir o peso da nosa mochila, a colocala correctamente e a sentarnos de forma axeitada. Os coñecementos adquiridos servirannos para ter un futuro máis saudable!

 

Bon Appetit!

O día 27 de marzo, os alumnos de 3º e 4º foron a  AFundación (Pontevedra) para ver unha comedia en clave de humor  protagonizada por tres chefs moi simpáticos: Antuá de la Sardiní, Philip de Toucignon e Fransuá da Berenxem que mostraron aos escolares os segredos da cociña galega, dende a inspiración da obra  na que Álvaro Cunqueiro fala da cociña galega, das materias primas que a nutren e do receitario empregado naqueles anos.

 

Gañando en saúde!

O día 18 de abril, un fisioterapeuta do SERGAS asistiu as aulas de 4º e 5º de Educación Primaria para  axudar a previr dores de costas no alumnado. A través desta visita pretendese inculcar nos nenos bos hábitos posturais co fin de evitar problemas de saúde máis graves no futuro.

Este fisioterapeuta dounos moitos consellos para gañar en saúde (colocación na cadeira, diminución da carga da mochila, posición para durmir...).

Esperamos o seu regreso!

Distribuir contido


by Dr. Radut