Skip to Content

EXCURSIÓN ILLAS CÍES. COOPERATIVA EVEX

O xoves 13 de xuño, os socios e socias da Cooperativa Evex fomos de excursión ás Illas Cíes cos beneficios acadados. Collemos o catamarán en Vigo (por certo vimos algún golfiño) e tivemos unha visita guiada pola contorna das Illas. Pola tarde, quedámonos a comer na fermosa praia de Rodas, tendo que compartir a comidas coas "amigas" gaivotas. Así e todo pasámolo moi ben.

Aquí vos deixamos unha mostra.

 



KAMISHIBAI

Hai uns días quedamos maravillados cunha forma diferente de contar contos: o Kamishibai!

Ángeles e Diego, alumnos de 4º, prepararon unhas historias con esta particular técnica orixinaria de Xapón. Consiste nun pequeno teatro de madeira que serve como soporte das láminas do conto que, por unha cara teñen as imaxes e pola outra o texto. 

Moitísimas grazas, sodes uns contacontos estupendos!!

Familias Contadoras.

Nesta ocasión contamos con Alba, a nai de Pedro e Roque, de Educación Infantil. Encantáronnos os dous contos que nos tiña preparados: "As chaves dos soños", co que deixamos voar a nosa imaxinación e "Quen ven esta noite?", no que descubrimos a verdadeira historia do Ratiño Pérez!

Moitas grazas por estes momentos tan máxicos! 

RECOMENDACIÓNS LECTORAS XEVE CLUB 5ºA

Os nenos e nenas de 5ºA fixemos de BookTubers e recomendámoslles a todos os compañeiros do colexio os libros do autor Pedro Mañas, autor que foi todo un descubrimento para nós.

Ademais aconsellamos ler outras coleccións interesantes que podedes atopar na biblioteca do cole.

Aqui tendes o vídeo!



DONACIÓN A ONG "OS PALLEIROS" POR PARTE DA COOPERATIVA EVEX

A cooperativa Evex fixo entrega este luns 3 de xuño  do donativo á Protectora "Os palleiros" de Pontevedra.

Para recollelo acudiron ao centro dúas responables da protectora acompañadas de "Triana" unha pitbull moi boiña que estivo encantada cos agarimos dos nenos.

Contáronnos moitas cousas do seu traballo cos animais abandoados que recollen e como podemos axudar: cun donativo, apadriñamento, volutariado, etc.

 

DÍA DAS LETRAS GALEGAS

Neste mes de maio conmemoramos o día das Letras Galegas sendo este ano homenaxeado o pontevedrés Antón Fraguas.

Nas aulas traballamos sobre a súa biografía, os seus libros e publicacións e quixemos investigar un pouquiño sobre o folclore galego como o autor.

E tamén nas clases de plástica fixemos algún que outro retrato de Antón Fraguas Fraguas.

Esperamos que vos guste!!!

FINAL DE ATLETISMO

O día 28 de maio, os nenos de 5ºA competimos con outros coles de primaria na final de atletismo en pista no Centro Galego de Tecnificación Deportiva, nas modalidades  de: lanzamento de peso, lanzamento de vórtex, salto de lonxitude, 60 m lisos, 500m lisos e relevos 4x60m lisos.

Disfrutamos moito desta experiencia.

Aquí deixámosvos algunhas fotiños


XOGOS TRADICIONAIS EN FAMILIA

O martes 21 de maio, no cole innaguramos a semana con xogos tradicionais nunha xornada de portas abertas pola tarde, onde as familias, puideron desfrutar destes xogos cos seus nenos e tamén cos mestres.

Foi unha experiencia moi positiva tanto o día que xogamos en familia como o resto da semana que tivemos xogos durante o recreo e nas clases de E.F.

Grazas ao  Concello do Grove por emprestarnos estes xogos dos que tanto aprendemos.

 



IV Xornada Multideportiva Adaptada

No mes de maio, o alumnado de 4º e 5º da Educación Primaria acudiu a IV Xornada Multideportiva Adaptada organizada pola Asociación Amizade a favor da inclusión.

 

 

Na xornada, ofrecéuselle aos nen@s a posibilidade de probar unha selección de deportes adaptados e coñecer os materiais que se empregan, para sensibilizar sobre a necesidade de normalizar a vida das persoas con discapacidade.

 

 

A continuación, podedes observar como desfrutaron os nenos practicando os deportes que a asociación nos ofreceu (boccia, baloncesto, tenis de mesa, tiro con arco, ciclismo...).Tamén podedes ver imaxes do momento nos seguintes periódicos dixitais:

 

https://pontevedraviva.com/deportes/54953/montero-rios-vistese-cuarto-ano-pista-deportiva-adaptada/?lang=es

 

https://www.farodevigo.es/multimedia/fotos/sociedad/2019-05-24-160319-deporte-adaptado-para-todos-amizade-pontevedra.html

 

 

RECORDADE: TODAS AS PERSOAS, TEÑAN DISCAPACIDADE OU NON, PODEN PRACTICAR DIFERENTES DEPORTES.

 

 


    Deporte
Distribuir contido


by Dr. Radut