"I eres a estrela que brila, i eres o vento que zoa. Si cantan, es ti que cantas..." Rosalía de Castro
Complementarias
PREPARANDO O NOSO HORTO. A FAMILIA DE THEO VEU PASAR O MOTOCULTOR. (4 - 5 2023).
Enviado por Noelia o Dom, 07/05/2023 - 20:19Este xoves o avó de Theo, a súa nai e o seu pai viñeron ata o cole para axudarnos a preparar a terra do horto. O alumnado de Infantil observou moi atento o proceso para despois sementar un rego de millo branco. Moitas grazas pola vosa axuda!
Máis tarde chegoulle a quenda aos maiores que remataron de sementar o millo e plantaron unha ducia de leitugas.
Os peques aproveitaron para levarlle un pouco de millo ás pitas e observar as plantas de amorodo que pronto producirán.
"CONTO EN FAMILIA". Unha nova actividade para a hora de ler dos venres. (28 - 4 - 2023).
Enviado por Noelia o Lun, 01/05/2023 - 15:12Neste terceiro trimestre, da comezo a actividade "CONTO EN FAMILIA".
Na "Hora de ler" dos venres, contaremos con diferentes familias que virán a contar, cantar, interpretar ou representar historias para nós.
A actividade iniciouse co conto ¡Nunca te olvidaré" que trouxeron Daniela, Dylan e a súa nai Alba: unha fermosa e emocionante historia pensada para nenos e nenas que aborda con moito tacto e naturalidade os temas da enfermidade de alzheimer e a morte.
Moitas grazas por tan fermoso e emotivo comezo!
OBRADOIRO DE HERBAS MEDICINAIS (27 - 4 - 2023).
Enviado por Noelia o Dom, 30/04/2023 - 22:13Este xoves tivemos no noso centro a Patricia Puga, que veu dende Mondariz a contarnos moitas cousas sobre as propiedades das plantas que temos no noso propio patio da escola.
Despois dun percorrido observando, tocando, ulindo e recollendo diferentes herbas, chegou o momento de seguir aprendendo a través do xogo: convertémonos nun grupo de vikingos con diferentes doenzas que debían ser sanados coas plantas curativas que tiñamos ao noso arredor.
O alumnado portouse de marabilla e poderá seguir aprendendo sobre as herbas a través dos libros e do xogo que trouxo Patricia e que agora tamén forman parte dos fondos da nosa biblioteca.
Moitas grazas a ANPA que se fixo cargo dos gastos desta actividade!
AS FAMILIAS COLABORAN NAS LABORES DO HORTO ESCOLAR (Abril de 2023).
Enviado por Noelia o Dom, 30/04/2023 - 22:01Chegou a primavera e con ela as labores do noso horto intensifícanse. As sementes de tomates que puxemos en marzo deron lugar a unhas fermosas tomateiras que precisaron ser trasplantadas en recipientes máis grandes. Mely (nai de Miley, Hendrick e Andy) e Elia (nai de Valentina e Enzo) viñeron a axudarnos con esta tarefa.
Tamén sementamos apio de Rumanía que trouxo Petrica (nai de Liza) xunto con plantas de perexil. E Sesé (nai de Hugo), Almudena (nai de Sofía) e Yolanda (nai de Theo) estiveron no patio renovando as plantas dos maceteros exteriores para que o noso cole luza máis bonito.
Moitas grazas a todas pola vosa colaboración!
"ZAPATIÑOS DE CARTÓN E A CARTA DOS BOSQUES" DÍA DO LIBRO NA BIBLIOTECA PÚBLICA MUNICIPAL. (21 - 04 - 2023).
Enviado por Noelia o Ven, 21/04/2023 - 20:54Para conmemorar o "Día do libro", o alumnado do noso cole acudiu á biblioteca municipal para participar na sesión de contacontos "Zapatiños de cartón e a carta dos bosques" levado a cabo por Anxo Moure.
Tivemos a sorte de compartir este tempo e este espazo cun grupo de residentes do centro para persoas con discapacidade "Domus VI" que disfrutaron con nós do espectáculo.
Moitas grazas por convidarnos!
"MERCADIÑO DO LIBRO" 18 e 19 de abril de 2023.
Enviado por Noelia o Ven, 21/04/2023 - 20:41Para conmemorar o "Día do libro" organizamos, por segundo ano consecutivo, o noso "Mercadiño do libro".
Coa intención de darlle unha segunda vida a aqueles libros que estaban esquecidos nos estantes das nosas casas, trouxémolos ao centro a cambio de "billetes de Rosalía" cos que poder mercar outros libros achegados por outras familias no noso mercadiño.
A actividade acadou unha grande participación e esperamos darlle continuidade en vindeiros anos.
OBRADOIROS DE EDUCACIÓN EMOCIONAL PARA TODO O ALUMNADO ORGANIZADOS POLA ANPA. (14 - 04 - 2021).
Enviado por Noelia o Dom, 16/04/2023 - 10:54A psicóloga Esther Mariño (clínica Nós) desenvolveu, na xornada do venres, obradoiros de educación emocional orientados ás diferentes idades do noso alumnado.
A través de distendidas conversas e actividades dinámicas achegámonos ás emocións e traballamos algunhas técnicas para o autocontrol e a resolución de conflitos.
Na imaxe pódese ver ao alumnado de infantil practicando a técnica da tartaruga.
Foi unha xornada moi interesante e produtiva. Grazas!
FESTA DE ENTROIDO E QUEIMA DO MECO (17 - 02 - 2023).
Enviado por Noelia o Dom, 19/02/2023 - 22:59O último da semana tivemos no cole a nosa festa de Entroido. Grazas ao bo tempo puidemos empregar as novas instalacións deportivas como pista de xogo e baile.
Puxemos os disfraces que máis nos gustaban e aproveitamos a zona de terra colindante para levar a cabo a tradicional "queima do Meco".
O alumnado de 5º e 6º co deseño deste Meco, quixo levar a cabo unha crítica á realización do mundial de fútbol en Qatar, un país que (entre outras cousas) non recoñece os dereitos das mulleres nin das persoas pertencentes ao do colectivo LGTBIQ+
MALETA VIAXEIRA DE BANDA DESEÑADA (09 - 02 - 2023)
Enviado por Noelia o Xov, 09/02/2023 - 20:05Chegou ao noso cole unha nova "Maleta viaxeira" desde a Asesoría de Bibliotecas Escolares. Teremos esta ampla variedade de libros de banda deseñada ata o remate deste mes para disfrutar dela na "Hora de ler".
MANDADIÑOS DO ENTROIDO (Semana do 13 ao 17 de febreiro)
Enviado por Noelia o Mar, 07/02/2023 - 21:02- « primeira
- ‹ anterior
- 1
- 2
- 3
- 4
- 5
- 6
- 7
- seguinte ›
- última »