O pasado venres día 26 viu a "Conto en familia", Alba, a mamá de Dylan de Educación Infantil e Daniela de 6º de Primaria. 

Contounos dos contos súper interesantes e divertidos, que nos trasmitiron o valor da empatía, da confianza en un mesmo, do autoconcepto... O libro é o seguinte: De mayor quiero ser...feliz, de Anna Morató García, con ilustracións de Eva Rami. Un exemplar que inclúe diferentes contos sobre positividade e autoestima. 

Ao rematar a sesión, Dylan entregoulle a súa nai o detalle de agradecemento pola visita. Ademais, con este "Conto en Familia" comezamos o noso libro de visitas da biblio, un rexistro de todas aquelas persoas que ao longo dos cursos veñan a visitar este espazo tan importante para nós. 

Esperemos que todo o noso alumnado sexa mooooi feliz sempre!

Moitísimas grazas, Alba, por traernos estas ensinanzas tan importantes! Estamos desexando que volvas a compartir un ratiño con nós!

Acércase o tempo de Entroido no noso cole, unha tempada moi desexada por todxs. Xa temos todo listo e organizado para esta gran festa!

Deixámosvos o cartel informativo coa nosa programación.

Durante a semana do 5 ao 9 de febreiro teremos que seguir as Comandas do Meco. Como vedes na seguinte imaxe, o venres, quen queira pode vir disfrazo dende a súa casa (disfraz libre), xa que despois do tempo de comedor teremos un baile de disfraces, que dependendo da climatoloxía, será no patio exterior preferiblemente. Tamén, tomaremos chocolate con biscoito.

As Comandas do Meco non son obrigatorias, teñen carácter voluntario. Clicando aquí accederedes a elas en formato PDF. 

Ademais, nos días previos a esta festividade faremos un proxecto de investigación sobre as diferentes tradicións de Entroido que existen en Galicia. Pásamolo ben mentres aprendemos moitas cousas novas!

Recordade que os días 12, 13 e 14 non son lectivos, polo que non haberá clase. 

O 3 de decembro de 2018, a Asemblea Xeral das Nacións Unidas e a Unesco estableceron o 24 de xaneiro como o Día Internacional da Educación, coa finalidade de darlle un papel crucial ao desempeño da educación e os docentes na paz e no desenvolvemento das sociedades en xeral.

A educación é a peza angular de toda a sociedade, persoas ben formadas son básicas para o bo desenvolvemento dunha sociedade sa no seu conxunto. Esta dura tarefa de formar, recae nas familias e na educación, en todos os profesionais que conforman a comunidade educativa do noso centro, que todos os días do curso acoden ao seu posto de traballo a ensinar, inculcar e transmitir valores e coñecemento. Unha labor fundamental e imprescindible.

Este curso o lema desta conmemoración era "Aprender para unha paz duradeira", é claro está, que o papel da educación e imprescindible para a paz. Por dita razón, dende o noso cole decidimos celebrar estas dúas conmemoracións tan importantes para nós de xeito conxunto.

Comezamos realizando unha reflexión nas aulas a modo de "Chuvia de ideas" dos valores que a educación nos proporciona para conseguir a paz.

A continuación cada alumnx escribiu nunha pinga de auga a súa palabriña. Sairon ideas realmente emotivas, temos claro que todxs valoran moito a importancia da educación. Mírade...

Entre todxs, elaboramos un mural colectivo da nosa "chuvia de ideas" que a continuación, colgamos nunha das paredes do noso corredor.

O encargado de elaborar algún traballo par o noso "Taboleiro das conmemoracións" foi, neste caso, o alumnado de 1º e 2º de Primaria. Quen realizou unha apócema para a paz. Algúns ingredientes, por si queredes apuntar a receita, son: amizade, amor, tolerancia...

Ademais, dende a materia de Proxecto Competencial tamén estivemos a traballar e coñecer a vida do activista Nelson Mandela en contra do racismo e a prol da igualdade como medio para alcanzar a paz. Visualizamos un vídeo sobre a súa traxectoria e, a continuación elaboramos unha liña do tempo cos feitos máis importantes da súa vida.

A EDUCACIÓN É O CAMIÑO CARA A PAZ

ABERTO O PRAZO DE RESERVA DE PRAZA PARA O ALUMNADO DE 6º DE PRIMARIA QUE NO CURSO 2024/2025 VAI CURSAR 1º DA ESO NO IES DAVIÑA REY

DATA LÍMITE DE SOLICITUDES: 5 DE FEBREIRO DE 2024

Que documentación hai que presentar? 

O ANEXO I (Solicitude de reserva de praza en centro docente sostido con fondos públicos) entregado en formato papel ao alumnado de 6º de EP. Tamén, se adxunta en formato PDF ao final desta publicación.

Xunto co ANEXO I cuberto deberase entregar copia do libro de familia (se a existente no centro está desactualizada).

Como hai que presentar dita documentación?

Pódese cubrir e presentar de 3 xeitos diferentes:

1. Cubrila manualmente e devolvela cuberta antes do día 5 no noso centro (podedes mandala polxs vosxs fillxs).

2. Cubrila telemáticamente, imprimila e presentala no noso centro (clicando no seguinte enlace accederás á aplicación admisionalumnado)

3. Cubrila na aplicación e presentala en Sede Electrónica. Para dito trámite precísase a Chave365 ou o certificado dixital.

O alumnado que opte por outro instituto diferente ao adscrito ao noso centro non deberá cubrir dita documentación.

Como xa sabedes o curso pasado colaboramos coa ONG Hospitaleiros sen fronteiras para axudar aos nenos talibé de Senegal. Sementamos tomateiras e elaboramos xoias no recuncho creativo da nosa biblio. Todo o recaudado foi destinado a esta boa causa. 

Este curso, queremos seguir proporcionando o noso graniño de area para axudar a todxs xs nenxs que alí viven, co fin de saír das situacións de pobreza e inseguridade que sufren a diario. Por este motivo, seguimos en contacto con Chus, unha das participantes en dita iniciativa, a cal poñía rumbo a Senegal, máis concretamente a un pequeno pobo chamado Malicounda, o pasado venres. Durante o presente curso faremos un obradoiro de xabón natural que, igual que o curso pasado, irá destinado a recaudar fondos para dita problemática.

Para profundizar un pouco máis neste asunto, a primeira actividade que levaremos a cabo será unha videochamada para que o alumnado visualice de maneira máis directa a súa axuda. Para que Chus levase algún agasallo do noso cole, durante a semana estivemos a elaborar un mural no que puxemos diferentes fotos do noso Concello, do noso cole... seguro que lles fai moita ilusión ver onde vivimos!

Ademais, estivemos a investigar sobre o seu idioma o Wolof, xa sabemos como se din varias cousas, como por exemplo:

Grazas= jerejef.

Ola= Nanga def.

Nos próximos días seguiremos a investigar sobre este país tan interesante e sobre o continente africano, tan próximo a nós e a vez, tan descoñecido. 

Estamos desexando que chegue o momento de poñernos en contacto con todxs elxs! Seguiremos colaborando con esta causa tan bonita na que poñemos en valor a solidaridade e axuda como vehículo de cambio no mundo!

Ata pronto queridxs amigxs!

Á volta de Nadal tivemos unha gran sopresa ao entrar no cole! Debaixo da árbore que adornaba a nosa entrada, as nosas maxestades deixaran para nós, agasallos para a nosa biblioteca. 

Un libro sobre Lego, diferentes bases de construción, diversos xogos de mesa como o Dixit ou o Little Office. Encantáronnos!!!

Ademais, en cada aula tamén deixaran un agasallo para cada titoría. Xogos de inxenio, un berce de madeira, un calendario en inglés, un cubo de realidade aumentada...

Moitas grazas ao noso profesorado e a ANPA por pedirlle algo para o noso cole!

Dende a materia de Art estamos a traballar a estación do inverno, traballando contidos e vocabulario básico desta estación e empregando como fío condutor das tarefas a seguinte canción titulada I´m a little snowman no 1º e 2º ciclo de Educación Primaria. No seguinte vídeo podedes escoitar a canción.

Vídeo recuperado de: Youtube.com Canal: Super Single Songs.

Estivemos a traballar e perfeccionar o trazado de liñas rectas mediante a realización de copos de neve.

Ademais, tamén elaboramos o noso propio boneco de neve personalizado que colgamos como decoración nas ventás da entrada do cole. 

Co 3º ciclo estivemos a realizar unha paisaxe nocturna de inverno, empregando material reciclado como os periódicos. Deixaron voar a súa creatividade e o resultado é o seguinte.

Comezamos o día 21 recibindo do noso profesorado un agasallo para cada un/una¡ha de nós e as recomendacións lectoras do colectivo Lemos Le!

E, para finalizar a primeira avaliación organizamos un festival de Nadal no centro sociocultural ás 11.30 horas. Aínda que pasamos moitos nervios, fixémolo moi ben y esperamos que vos gustase moitísimo!

Grazas a todxs xs que vos acercastedes a pasar un ratiño con nós! E moitas grazas tamén, as familias e profesorxs que participaron na actuación grupal de panxoliñas.

Grazas tamén, ao Concello de Bóveda por traernos a Papá Noel ata aquí! Foi unha auténtica sorpresa!

Oxalá que os desexos do noso alumnado se fagan realidade neste Nadal!

BO NADAL!

Como todos os anos, o colectivo Lemos Le elaborou unha listaxe de suxerencias para ler no Nadal. Esperamos que vos animedes coas lecturas!

Dende o departamento de Dinamización da Lingua Galega programouse un contacontos sobre o Apalpador, o mítico carboeiro, procedente das montañas do Courel, que baixa na noite do 31 de decembro a apalpar as barriguiñas dos máis cativos.

A profe Noelia, leéunos o conto Antón e o apalpador da editorial Barafunda, un pequerrecho que coñeceu, por sorpresa ao Apalpador, buscando a súa tía Mariña.

 A continuación da lectura e da posta en común, as profes entregáronnos a cada un de nós un colgante cun debuxo para colorear do Apalpador que levamos para as nosas casiñas. 

Tamén, escoitamos a canción de Paco Nogueiras titulada "O Apalpador".

Nas noites previas a chegada do Apalpador a xente soían cantar o seguinte:

Vaite logo meu neniño,

marcha agora para camiña.

Que vai vir o Apalpador 

a palparche a barriguiña.

Sabedes que ao Apalpador tamén se lle pode chamar Apalpadore ou Pendigueiro?

Ademáis, o alumnado que así o quixo puido facer un debuxo do Apalpador para facer una tarxeta de Nadal virtual e, con ela, felicitarvos as festas. O debuxo elixido foi o de Hugo Lagoa Sánchez de 6º de Educación Primaria. Parabéns polo teu traballo!!

 Encantounos a historia!! Apalpador, estamos desexando que veñas a apalpar as nosas barriguiñas!!