Este ano tivemos o pracer de participar no festival intercentros de Narón. O súper profe de música, Marcos, fixo para esta ocasión unha marabillosa canción titulada "É o momento" no que o alumnado amosounos a historia dun estraño país onde a xente non quería falar a súa lingua pero, grazas aos nenos, se recuperaron todas as palabras e podemos desfrutar hoxe en dia dunha terra cunha lingua marabillosa.

Para levala a cabo tocaron, cantaron e bailaron, dando o mellor de si mesmos coma sempre fan!!

Foi unha experiencia marabillosa e agardamos que disfrutedes tanto a canción coma eles aprendéndoa e interpretándoa.

Premendo na imaxe podedes ver a actuación dende arriba e dende o escenario.

E seguimos coas visitas de artistas. Neste caso tivemos o inmenso pracer de recibir na nosa clase a Jaime Pablo Díaz, bailarín e director da compañía Nova Galega de Danza. 

Contounos a súa historia e a súa viaxe polo mundo da danza dende que comezou nunha pequena compañía de baile, do seu paso polo ballet Rey de Viana e rematando fundando a súa propia compañía na que utiliza a base do baile tradicional galego fusionándoo coa danza clásica, contemporánea e mesmo co flamenco.

Púxonos algúns vídeos de actuacións da súa compañía e mesmo nos bailou un pouco e desfrutou cos nosos bailes.

Foi unha xornada marabillosa na que Jaime nos amosou a súa paixón pola danza, pola súa terra e nos deixou fascinado pola excelente persoa que é.

Podedes ver máis información desta compañía na seguinte ligazón: NOVA GALEGA DE DANZA

Premendo na imaxe podedes ver un vídeo dalgunhas das cousiñas que nos contou. Foi un inmenso pracer telo con nós e estaremos encantados de que nos visite sempre que queira. Moitísimas grazas!!

Para conmemorar o día do libro e reinaugurar a nos querida biblioteca, dende o cole propuxemos ao alumnado traer da casa o seu libro favorito e crear con el a montaña máis alta de libros, en homenaxe ao libro "A montaña de libros máis alta do mundo".

Así creamos a nosa montaña de libros na biblioteca e puxemos en valor a importancia dos libros e a lectura como fonte de desfrute e aprendizaxe.

Premendo na imaxe podedes ver un pequeno video desta actividade

Como representante do mundo do cine e o teatro, visitounos na aula Cris Moreira, tia de Nina e grande actriz ferrolana. Esta marabillosa muller é a creadora de Fóra do mapa, proxecto que busca promover as artes escénicas contemporáneas e, ao mesmo tempo, dar a coñecer a beleza de certas construcións da cidade.

Contounos cousiñas da súa vida, da súa viaxe como actriz e creadora e, ademais, ensinounos técnicas para contar chistes en público ou amosar as nosas emocións á hora de actuar.

Pasámolo en grande e puidemos coñecer mellor a esta grande artista ferrolá. Agardamos que teña moita sorte nas súas andainas e que volva a visitarnos sempre que queira. Foi un verdadeiro pracer tela con nós.

Premendo na imaxe podedes ver un vídeo desta actividade.

O noso premio por resultar segundos nas olimpiadas de educación vial foi unha visita ao CIS (Centro de innovación e servizos da tecnoloxía) na que puidemos aprender unha morea de cousas sobre ciencia da man do grande David Ballesteros.

Comezamos falando de Harry Potter e desmontando cientificamente moitos dos elementos máxicos que aparecen na película. Ademais de aprender nos divertimos moito e rimos un montón.

Tamén levamos a cabo un obradoiro de luz no que nos amosaron aspectos relacionados coas cores en luz, cos raios ultravioleta e todo dun xeito práctico e divertido.

Para rematar fixemos unhas estruturas para conseguir que unha bóla chegase o máis lonxe posible. 

Foi unha mañá estupenda que nos serviu moito para coñecer mellor algúns dos conceptos dos que falamos na clase.

Premendo na imaxe podedes ver un vídeo deste día.

Seguindo coa investigación da PDI deste curso destinada ás belas artes, decidimos facer o mural de intercentros cunha homenaxe aos grandes artistas que temos en Narón e comarca.

Para isto, os equipos buscaron información de xente relevante na zona e fixemos este precioso traballo co que tanto aprendimos.

Agardamos que vos guste.

Premendo na imaxe podedes ver un pequeno vídeo con imaxes do mural máis polo miúdo.

Xa comeza a primavera e, dende oconcello, nos propuxeron unha actividade para coñecer mellor o impacto da vespa velutina na nosa contorna e como podemos axudar a que nos perxudiquen o menos posible.

Para isto recibimos a visita de dous expertos na materia que, ademais de contarnos unha morea de cousiñas, nos amosaron como facer unha trampa para estes animais e así axudar a diminuir o seu impacto noutras especies coma a abella tan importantes para os nosos ecosistemas.

Premendo na imaxe podedes ver un pequeno vídeo con imaxes desta actovodade.

E por fin chegaron as tan ansiadas olimpiadas!!! Con moita ilusión e ledicia nos fomos ata o pazo da cultura acompañados dos compis de 61 de primaria que foron ao pazo a representar o seu grande éxito "Rap da educación vial", canción gañadora do concurso proposto polo equipo de educación vial do concello.

Despois de moito estudar e preparar os temas do concurso, chegamos ao pazo da cultura nerviosos e emocionados, tanto os concursantes como a xente que iamos animar: alumnado, profes e familias estabamos desexando ver o concurso e preparaos carteis para animar ao noso equipo: OS CORVOS DE XUVIA!!

O resultado foi que GAÑAMOOOOOS!! Fixemos un excelente traballo e estivemos todo o tempo no 1º posto. Mais, como tamén se ten en conta a proba da bicicleta e, ademais, o seguinte equipo estaba a moi pouquiños puntos de nós, resultou que quedamos SEGUNDOS no concurso!! Posto ben merecido e que fixo que nos levasemos a casa unhas entradas para o cine, unha excursión ao CIS (Centro de Innovación e Servizos da Tecnoloxía e o Deseño) de Ferrol e, sobre todo, un día inesquecible para todos nós.

Premendo na imaxe podedes ver un vídeo desta marabillosa actividade.

Dende o equipo de educación vial do concello, todos os anos se convida ao alumnado de 5º curso dos distintos centros de Narón a participar nas olimpiadas de educación vial. 

Esta actividade consiste en varias fases:

Na primeira fase recibimos a visita de varios expertos en educación vial, primeiros auxilios e medio ambiente para que nos dean charlas cos contidos que van entrar nas probas das olimpiadas. Con estes obradoiros aprendimos un montón ademais de divertirnos moito.

Despois ven a fase práctica. A primeira delas é un circuíto en bicicleta no que aprendemos a sortear obstáculos, tomar rotondas, coller obxectos cunha man, cambiar a marcha ou frear a tempo antes dun obstáculo.

Nesta entrada podedes ver un vídeo con este circuíto de bicicletas pertencentes ás olimpiadas.

A pesares da choiva o fixemos moi ben e disfrutamos moito con esta actividade.

Premendo na imaxe podedes ver un pequeno vídeo desta actividade.

Durante este trimestre estivemos a ler os libros do grande Pere Tobaruela, un escritor nacido en Cataluña pero que escribe en galego, o idioma da terra na que actualmente vive, dándonos un precioso exemplo da sorte que temos de ter esta lingua tan fermosa.

Estes libros foron "Cinco horas con Mauro" e "O asasinato da profesora de xeografía".

Foi unha xornada moi divertida e que, ademais, nos permite comprender mellor o mundo da literatura dentro do proxectod e belas artes.

Premendo na imaxe do libro podedes ver un pequeno vídeo desta actividade.