Como xa está a converterse en tradición, este ano outra vez contamos coa marabillosa colaboración de Vanessa, a nai de Yago Freire, para que nos axudase a montar a nosa particular horta na clase. Esta vez plantamos unha leituga cada un e ademais, en conxunto, unhas pouquiñas cabazas, allos, patacas, tulipáns e legumes en algodón.

Premendo na imaxe veredes un vídeo deste bonito día.

Este ano no día de Rosalía, cada curso recitou no patio poemas de Rosalía de Castro e, entre todos, cantamos a canción "O moucho" de Migallas, baseada nun poema da escritora.

Premendo na imaxe veredes a actividade dese día.

O equipo de educación vial de Narón organizou na nosa escola un circuíto para bicicletas e patinetes para ensinarnos como montar mellor en bicicleta a partires de xogos e circuitos. Foi moi divertido!!

Premendo na imaxe veredes un anaquiño de vídeo desta actividade

E ao pouco de ir á DOMUS voltamos saír a visitar a exposición de Cristina Mittermeier que hai en Afundación en Ferrol. Cristina Mittermeier é unha fotógrafa mexicana que está moi implicada na conservación da natureza e, para isto, busca impactarnos coa súa fotografía onde nos amosa como o ser humano inflúe no seu entorno e, sobre todo, nos animais e no mar.

Se queredes ver a súa obra non dubidedes en ver a súa web que é excelente.

https://cristinamittermeier.com/

Este ano, polo Día da Paz, fixemos varias actividades. Por un lado, fomos á clase dos pequenos da escola a contarlles contos de paz e non violencia. LLes contamos os contos de "Negro e Branco" e "Orellas de Bolboreta" e, ademais, cantamos con todo o cole a canción "Don Melitón".

Agardamos que vos guste. Premendo na imaxe veredes o vídeo destas actividades.

A primeira saída do ano 2019 levounos ata a DOMUS na Coruña. Primeiro vimos unha curtas relacionadas co medio ambiente, a importancia da ciencia... e, despois, disfrutamos moito percorrendo as salas do museo e xogando con todo o que nos atopábamos polo camiño.

Pasámolo xenial!!

Para comezar ben o ano, xunto con outros coles da zona participamos nunha carreira de cross en Pedroso organizada por XOGADE.

Premendo na imaxe veredes un pequeno vídeo da actividade.

E por fin chegou o festival de Nadal!!! Este ano preparamos unha bonita canción de Mamá Cabra chamada Tres reis en bicicleta na que os Reis Magos collen por primeira vez unha bicicleta e lles suceden unha morea de cousas, igualiño que a nós que tamén nos pasou de todo no escenario hehehe.

Nas imaxes de abaixo veredes un vídeo cos ensaios e outro co que aconteceu no festival, que estivo cargado de risas, agasallos e moitísima diversión.

Este ano por primeira vez, tivemos o enorme pracer de recibir ao Apalpador na nosa escola. Viu o día antes porque ten moito traballo pero disfrutamos moito das súas historias e deunos un bonito agasallo para cada aula.

Ademais puidemos coñecer máis a este importante personaxe galego que agardamos volte moitas máis veces polo Nadal.

Coma sempre, premendo na imaxe veredes un vídeo da súa visita.

Este ano por primeira vez, tivemos o enorme pracer de recibir ao Apalpador na nosa escola. Viu o día antes porque ten moito traballo pero disfrutamos moito das súas historias e deunos un bonito agasallo para cada aula.

Ademais puidemos coñecer máis a este importante personaxe galego que agardamos volte moitas máis veces polo Nadal.

Coma sempre, premendo na imaxe veredes un vídeo da súa visita.