NESTES DÍAS ESTIVEMOS A FACER UN TRABALLO DE LÓXICO-MATEMÁTICA. UNHA SERIE DE DOUS ELEMENTOS QUE SE ALTERNAN, NESTE CASO DÚAS CORES: AZUL-AMARELO-AZUL-AMARELO.

PRIMEIRO FIXÉMOLA ENTRE TODOS NUN PAPEL CONTÍNUO (XA FIXERAMOS OUTRA ASÍ NO 2º TRIMESTRE)

DESPOIS FIXÉMOLO INDIVIDUALMENTE...

E FINALMENTE FIXÉMOLO EN EQUIPOS, OS DE SEMPRE: EQUIPO LARANXA, VERMELLO, AMARELO, AZUL E VERDE, MAIS UN NOVO EQUIPO O VIOLETA, QUE XA TRABALLABAN XUNTOS PERO NON TIÑAN NOME.

TRES FORMAS DE TRABALLAR, TRES FORMAS DE APRENDER :-)

A VINDEIRA SEMANA O MARTES 23 É O DÍA DO LIBRO. NA ESCOLA DESDE HAI UNS ANOS DURANTE ESA SEMANA FAISE A FEIRA DO TROCO. EN QUE CONSISTE?

• BUSCO CONTOS OU LIBROS NA MIÑA CASA QUE XA NON LEO E QUE ESTEAN EN BO ESTADO.
• LÉVOOS Á ESCOLA.
• A PROFE APUNTA OS CONTOS QUE TRAIO, SE SON LONGOS DAME UNHA TARXETA AZUL E SE SON CURTOS UNHA TARXETA LARANXA.
• A PARTIR DO MARTES 23 COMEZARÁ A FEIRA DO TROCO, NA QUE CAMBIAREMOS AS TARXETAS QUE NOS DEA A PROFE POR CONTOS QUE TROUXERAN OUTROS NENOS/AS.
• CANTOS MAIS LIBROS TRAIA, MAIS LIBROS NOVOS LEVAREI PARA CASA.

DE MOMENTO NA NOSA CLASE SO TRES NENOS/AS TROXERON CONTOS PARA PARTICIPAR NA FEIRA DO TROCO. INDA QUE NON É OBRIGATORIO, ANIMÁDEVOS A PARTICIPAR. INDA QUEDAN DÍAS PARA QUE OS VOSOS PEQUES POIDAN TRAER ALGÚN CONTIÑO Á ESCOLA. SEGURO QUE HAI ALGÚN POR CASA QUE XA NON MIRAN, DE CANDO ERAN MAIS PEQUENOS OU QUE XA NON LLES INTERESA. PARTICIPADE!!! SERÁ DIVERTIDO!!!

LEMBRADE QUE UN LIBRO É UNHA FIESTRA CARA A OUTRA REALIDADE, ESTIMULA A IMAXINACIÓN E A CREATIVIDADE, É DIVERTIDO... UN LIBRO SEMPRE É O MELLOR AGASALLO PARA UN NENO OU NENA. 

E PARA REMATAR UNHA IMAXE VALE MAIS QUE MIL PALABRAS...

PENSO QUE SON DAS FOTOS MAIS BONITAS QUE PUXEN NO QUE VAI DE CURSO...

FELIZ DÍA DO LIBRO A TODOS E TODAS.

ESTOU A PREPARAR UN XOGO PARA O ORDENADOR CON FOTOS DOS NENOS E NENAS DA CLASE. ESPERO NA VINDEIRA SEMANA PODER EMPEZAR A EMPREGALO COS PEQUES E NUN DÍAS POÑELO NA WEB PARA QUE PODADES XOGAR DESDE AS VOSAS CASAS. COMO ADIANTO AS FOTOS QUE FIXEMOS ESTA SEMANA...

A FINAIS DO 2º TRIMENTRE FIXEMOS UN MURAL DE BRANCANEVES... MIRADE QUE BONITO QUEDOU!

O MOTIVO FOI UNA PROPOSTA DE NICOLEO DE FACER UN TRABALLO SOBRE CONTOS DOS IRMÁNS GRIMM. A NÓS TOCOUNOS ESTE CONTO E PENSO QUE NICOLEO ACERTOU PORQUE É DOS NOSOS FAVORITOS.

OS NENOS E NENAS DE CURSOS SUPERIORES FIXERON UN MONTÓN DE TRABALLOS: CONTOS, MURAIS, MANUALIDADES... E O LUNS FOMOS VELAS. A EXPOSICIÓN DESTES TRABALLOS ESTÁ NA BIBLIOTECA DA ESCOLA E COMO SON MOITOS A PROFE ESCOLLEU OS CONTOS DOS IRMÁNS MAIORES DOS NENOS E NENAS DA CLASE, É DICIR, IRENE, MARTA, ADRIÁN PICOS E ÁLVARO.

     "O PESCADOR E A SÚA MULLER" DE ELENA, IRMÁ DE MARTA

    "O ANANO SALTARÍN" DE HUGO, IRMÁN DE IRENE

  "OS MÚSICOS DE BREMEN" DE LOLA, IRMÁ DE ÁLVARO

"POLGARIÑO" DE MIGUEL, IRMÁN DE ADRIÁN

                                                                                                                                                                                               
NORABOA A TODOS OS QUE PARTICIPARON COS SEUS TRABALLOS E MOITAS GRAZAS AOS QUE ORGANIZARON A EXPOSICIÓN PARA QUE TODOS PODAMOS DISFRUTAR DOS TRABALLOS FEITOS POLOS COMPAÑEIROS E COMPAÑEIRAS DA ESCOLA.

ESTE VENRES MANOLO ESTABA ENFERMIÑO E NON NOS PODÍA LEVAR AO PABILLÓN...PERO AS MESTRAS LEVÁRONNOS IGUALMENTE PARA XOGAR CON PELOTAS E CORRETEAR UN POUCO :-)

TÓDOLOS DÍAS LEMOS UN CONTO, PERO HAI ALGÚNS QUE MERECEN UNHA MECIÓN ESPECIAL PORQUE NOS ENCANTAN, PORQUE SON CONTOS MÁXICOS, PORQUE FAN QUE ESTEAMOS CALADOS E ATENTOS DURANTE TODA A NARRACIÓN DESEXANDO VER QUE PASARÁ NA SEGUINTE PÁXINA... ESO PASOU CUN CONTO TITULADO "UN LIBRO" DE HERVÉ TULLET.

DEÍXOVOS ALGUNHAS PORTADAS DOUTRAS OBRAS DESTE AUTOR, TEN MOITAS E TRADUCIDAS A MOITOS IDIOMAS... NON COÑEZO TODAS PERO A VERDADE E QUE TEÑEN MOI BOA PINTA.

NESTE VIDEO PODEREDES VER PARTE DO CONTO, INDA QUE É A VERSIÓN EN INGLÉS ENTÉNDESE MOI BEN PORQUE A MAXIA NON ENTENDE DE IDIOMAS ;-)

Esta semana voltamos á normalidade despois duns días de vacacións, e que mellor que facer unha actividade divertida,non???

Fixemos uns debuxos moi especiais, con xices e un pouquiño de auga.

Cando pintamos con xices no encerado é moi fácil borrar o que pintamos, pero cun pouco de auga a cousa cambia un montón. Así que nunha cartolina escura, para que destaquen mais as cores, fixemos os debuxos que veredes na presentación.

Quedaron moi bonitos e vistosos!

ESTE VENRES NA CLASE DE INGLÉS FIXEMOS UNHA CARREIRA MOI ESPECIAL, CON CULLERES! FIXEMOS UNHA BOLIÑA CON PLASTILINA E DESPOIS A FACER EQUILIBRIOS! CLARO ESTÁ QUE NON PODÍA CAER A BOLA AO CHAN. MIRADE QUE BEN O PASAMOS :-)

ESTA SEMANA FIXEMOS PIZZA PARA MERENDAR. FOI MOI DIVERTIDO E SOBRE TODO MOI SABOROSO..

TODOS PARTICIPAMOS E PROBAMOS A PIZZA INDA QUE A UNS LLES GUSTOU MAIS QUE A OUTROS, PERO EN XERAL FOI UNHA ACTIVIDADE MOI DIVERTIDA.

TEMOS QUE REPETIR!

PD. Nas fotos hai uns nenos e nenas que saen mais que outros, decateime despois. Nestas actividades que requiren moito control por parte dos adultos non sempre podemos facer fotos de todos en todo o proceso. Na seguinte moitas fotos de todos e todas, prometido!!!

A CLASE ESTÁ INVADIDA!!! HAI UN MONTÓN DE COELLOS SALTANDO POR AQUÍ E TRAERÁN ALGUNHA SORPRESIÑA :-)

ESTADE ATENT@S!