CHEGOU O DÍA, E A PARTIR DE HOXE ATA O 20 DE MAIO ESTARÁN EXPOSTOS OS MURAIS E CONTOS ILUSTRADOS QUE FIXEMOS NA ESCOLA PARTICIPANDO NO CERTAME INTERCENTROS.

A EXPOSICIÓN É NO PAZO DE CULTURA DE NARÓN, ONDE PODEREDES VER OS MURAIS DA NOSA ESCOLA E DOS DEMAIS CENTROS PÚBLICOS DO CONCELLO.

A INSPIRACIÓN DEÚNOLA MANUEL MARÍA E O SEU LIBRO DE POEMAS "OS SOÑOS NA GAIOLA", XA QUE PARTE DOS MURAIS REPRODUCEN "O SOL", "O ARCO DA VELLA", "A LÚA" E "A BOLBORETA", POEMAS DO CITADO LIBRO. 

O ALUMNADO DE 5º E 6º PARTICIPA NA MODALIDADE DE CONTO ILUSTRADO, COS CONTOS "A SEREA DE AUGA DOCE" E "AS TRES IRMÁS" .

NORABOA A TODOS E TODAS POLO TRABALLO.

ESTE ANO O DÍA DAS LETRAS GALEGAS ESTÁ DEDICADO AO POETA MANUEL MARÍA. POUCO A POUCO NAS CLASES IREMOS COÑECECENDO MOITAS COUSAS SOBRE EL.

PARA COMEZAR QUE MELLOR QUE XOGAR NA INTERNET COS XOGOS QUE ELABORARON OS NOSOS COMPAÑEIROS E COMPAÑEIRAS DO C.E.I.P. GALÁN, A TRAVÉS DO SEMINARIO GALÁN. PREME NA IMAXE E VAI A "ACTIVIDADES EN LIÑA".

Un clásico do mes de abril nas escolas do noso concello é o Certame Intercentros, que este ano chega a súa edición número vintesete. O centro organizador este ano é o I.E.S Terra de Trasancos, ao que lle desexamos moito éxito nesta dura tarefa de organización para que todo saía o mellor posible.

Na nosa escola xa estamos a preparar a nosa participación, ben facendo murais ou preparando algunha actuación, pero de momento non podemos adiantar nada máis. 

O certame celebrarase a finais do mes de abril no Pazo da Cultura de Narón. En breve contarémosvos máis cousiñas.

ESTA SEMANA TIVEMOS A SORTE DE CONTAR COA VISITA DE BEA E DANI, PARA FACERMOS UN TALLER DE MÚSICA TRADICIONAL GALEGA. A ACTIVIDADE REALIZOUSE NO PAVILLÓN E ASISTIMOS POR QUENDAS. FOI MOI INTERESANTE PORQUE VIMOS MOITOS TIPOS DE INSTRUMENTOS, ALGÚNS QUE PODEMOS FACER NÓS NA CASA COMO FACER SOAR DÚAS CULLERES... HABERÁ QUE PROBALO!

VIMOS E ESCOITAMOS UNHA GAITA, PANDEIRO, PANDERETA, A ZANFONA, AS TARRAÑOLAS... E DESPOIS TOCOU BAILAR UNHA MUIÑEIRA, FOI MOI DIVERTIDO!

AGRADECEMOS AO PADROADO DE CULTURA DO CONCELLO DE NARÓN A REALIZACIÓN DESTA ACTIVIDADE POLAS ESCOLAS DO CONCELLO XA QUE DUN XEITO LÚDICO E MOTIVADOR ACHEGAN AOS PEQUENOS E PEQUENAS UNHA PARTE ESENCIAL DAS NOSAS RAÍCES: A MÚSICA TRADICIONAL. ESPERAMOS VERVOS PRONTO DE NOVO DANI E BEA, GRAZAS POR VIR!

Para aprendermos cousas de Rosalía de Castro que mellor que xogar un pouco en rede...

LIM sobre Rosalía (preme nas imaxes)

O día 24 de febreiro celébrase o Día de Rosalía de Castro. Se premes na imaxe poderás coñecer a súa biografía e obra así como algunhas imaxes da escritora na web da fundación que leva o seu nome.

ESTE ANO A TEMÁTICA DOS DISFRACES DE ENTROIDO FOI OS XOGOS OLÍMPICOS CO GALLO DA CELEBRACIÓN DOS MESMOS EN BRASIL NESTE ANO 2016. CADA CURSO ESCOLLEU UN DEPORTE ASÍ QUE O DESFILE RESULTOU DO MÁIS VARIADO. EN BREVE FAREMOS UNHA PRESENTACIÓN PARA QUE VEXADES OS NOSOS DISFRACES, PERO MENTRES AMOSÁMOSVOS A QUEIMA DO MECO, UNHA TRADICIÓN DA NOSA ESCOLA NA QUE JUANJO TEN UN PAPEL FUNDAMENTAL, XA QUE EL MESMO DESEÑA E CREA O MECO.

UN ANO MÁIS SORPRENDEUNOS COA SÚA CREATIVIDADE E O MECO FOI A MASCOTA DOS XOGOS OLÍMPICOS, VINICIUS, UN ANIMALIÑO LARANXA MOI SIMPÁTICO QUE DUROU MOI POUQUIÑO COMO PODEREDES VER NA PRESENTACIÓN.

O VENRES DÍA 5 COÑECEMOS O GAÑADOR DO CONCURSO DE LARPEIRADAS DE ENTROIDO. ESTE ANO HOUBO OITO PARTICIPANTES AOS QUE AGRADECEMOS MOITO A SÚA PARTICIPACIÓN XA QUE SEN O VOSO ESFORZO NON SE PODERÍA FACER ESTE CONCURSO. O AGASALLO, COMO TODOS OS ANOS, CONSISTÍA NUNHA CESTA CON PRODUTOS TÍPICOS PARA FACER UN SABOROSO COCIDO: CACHOLA, LACÓN, CHOURIZOS, GARABANZOS E UNHA MADA DE GRELOS. O GAÑADOR COMO VEREDES NA PRESENTACIÓN FOI IAGO BARROS DE 4º DE PRIMARIA E O DOCE ELABORADO FORON UNHAS RICAS ORELLAS.

PARABÉNS IAGO E DISFRUTA DO TEU PREMIO!

INDA ESTAMOS RECUPERÁNDONOS DO NADAL E XA CHEGA O ENTROIDO... PARA IR COLLENDO O RITMO DA FESTA O MECO ENCARGOU UNS MANDADOS PARA TODA ESTA SEMANA QUE COMEZA. ESTÁN EXPOSTOS NA ENTRADA DOS DOUS EDIFICIOS, PERO PARA QUE NINGUÉN SE ESQUEZA...AÍ VAN:

• O LUNS, DÍA 1, NON QUEDES NA CAMA, VEN AO COLE COMA SEMPRE... PERO FAINO CON PIXAMA.

• O MARTES, DÍA 2, CONTINÚA A ALGARABÍA... TRAE POSTO ALGO DO AVÓ/A, PADRIÑO, MADRIÑA, OU DOS PAIS; PARA ESTARMOS ALEGRES DURANTE TODO O DÍA.

• O MÉRCORES, DÍA 3,  XA SABEMOS QUE NON É NORMAL;  PERO AO COLE CON HUMOR VIRÁS CUN ADORNO DE ANIMAL.

• O XOVES, DÍA 4, DE MANDADOS DERRADEIRO DÍA... TEREMOS EN CONTA QUE COA CRISE HAI QUE AFORRAR. DISFRAZADOS SI VIREMOS CON DISFRACES QUE NON HAXA QUE MERCAR.

ESPERAMOS QUE VOS GUSTEN OS MANDADOS E QUE PASEMOS UNHA SEMANA MOI DIVERTIDA! GRAZAS A TODOS E TODAS POR COLABORAR!

ESTE VENRES 18 VISITOUNOS PAPÁ NOEL NA ESCOLA, PERO... XA ESCRIBICHES A CARTA AOS REIS MAGOS? POIS NO PROGRAMA NADAL EN REDE OFRECEN A POSIBILIDADE DE ESCRIBILA EN GALEGO. ANIMASTE?