Para rematar o obradoiro de convivencia, a monitora nos propuxo unha busca do tesouro na que tiñamos que por en práctica o aprendido neste curso. O pasamos xenial e demostramos que o obradoiro nos foi moi útil.

Ademais, nos convidaron a unha entrega de premios pola nosa participación no concurso de carteis sobre a prevención do acoso escolar. Nesta entrega de premios nos deron unha pulseira con materiais para combatir o acoso escolar e posibles solucións ao mesmo.

Nesta ligazón podedes ver un vídeo destas actividades

Ao longo deste curso estivemos a investigar sobre os primeiros auxilios xa que, algúns dos principais superheroes que hai na vida real, son eses sanitarios ou persoas anónimas que salvan as vidas doutras persoas. Por iso, quixemos coñecer algúns deses superheroes e intentar que todos nós poidamos chegara a ser un deles.

Estivemos a estudar aspectos relacionados coas alerxias, desmaios, cortes graves, golpes de calor ou como facer unha RCP.

Para isto, tivemos que facer varias cousas: o primeiro obter información sobre os primeiros auxilios, para o que aproveitamos visitas da tía de Xosé que traballa como sanitaria, do 112 ou un obradoiro de primeiros auxilios aportado polo concello. Despois veu á clase Rubén Coca que nos ensinou como facer curtas e utilizar a banda deseñada para facer os storyboards cos guións das nosas curtas. 

A verdade é que aprendimos moito e o pasamos xenial facendo o noso proxecto. Nas ligazóns podedes ver os nosos traballos:

STORYBOARDS

 PRESENTACIÓNS

 CURTAS

AGARDAMOS QUE VOS GUSTE E QUE APRENDADES MOITO!!

Continuando co proxecto de primeiros auxilios, recibimos na calse a visita dun membro do SPEIS de Narón para seguir informándonos de como realizar ben os primeiros auxilios e nos amosou elementos como un desfibrilador así como que facer ante casos de accidente na escola.

Foi unha sesión moi divertida na que aprendimos un montón e seguimos a converternos en expertos en primeiros auxilios.

Premendo na imaxe podedes ver un pequeno vídeo desta actividade.

Dentro do proxecto de primeiros auxilios que estamos a levar a cabo no cole, Xosé convidou á súa tía a que nos veña contar como é o seu traballo nunha ambulancia. Ela viu cun compañeiro e, entre os dous e dun xeito moi ameno e divertido, nos estiveron dando un montón de información e bos consellos para levar a cabo o noso proxecto.

Ademais, non amosaron como facer ben unha rcp e nos puxeron en distintas situacións para ver se sabiamos como reaccionar, do estilo dun atragoamento, dun desmaio...

Aprendimos moitísimo e foi unha mañá estupenda e moi amena. Moitísimas grazas e agardamos volver a ter a vosa visita. Premendo na imaxe podedes ver un vídeo desta actividade.

Para rematar co proxecto do Consello de participación infantil, os nosos conselleiros Noa e Oliver foron ata o concello a amosarlles as nosas propostas á alcaldesa de Narón, ao concelleiro de cultura e ao secretario do concello, así como ao alumnado do resto de centros de Narón.

A experiencia foi moi positiva e os nosos conselleiros o fixeron de marabilla!!

Premendo na imaxe podedes ver un pequeno vídeo desta actividade.

Para poder facer mellores propostas para mellorar o camiño escolar seguro de Narón, o mellor que se pode facer é percorrelo e analizalo de xeito crítico.

Así que, nos puxemos en camiño e chegamos ata Megasa para poder ver como é este camiño escolar. Nos dimos de conta de que hai moitas pegadas que case xa non se ven, que ás veces tiñamos dificultades para saber por onde percorrelo e que, ademais, só hai camiño por unha beirarrúa pero non pola outra.

Premendo na imaxe podedes ver algunhas imaxes deste camiño.

Este ano o alumnado de 6º de primaria de varios coles de Narón estamos a participar no Consello de nenos proposta polo concello. Para realizar esta actividade, o primeiro que tiñamos que facer era escoller dous representantes para a nosa clase que, despois, irían ao concello a ser investidos conselleiros.

Despois de dar uns mitins estupendos, foron elexidos para representarnos Noa e Oliver, que pensamos que o van facer moi ben e nos conveceron de que eles eran os mellores para este posto.

Premendo na imaxe podedes ver un pequeno vídeo do seu investimento.

Para aprender dun xeito divertido, tocou utilizar a realidade virtual e aumentada para coñecer mellor o corpo humano dende dentro. Para isto utilizamos o Merge Cube, que nos axudou a ver os aparatos do corpor humano dun xeito ameno e divertido, e a camiseta Body Planet, Magic t-shirt, que nos amosa os órganos como se puidésemos velos na camiseta.

Foi moi entretido e aprendimos un montón.

Durante este curso, o alumnado de 6º de primaria vai levar a cabo un obradoiro de Convivencia e prevención de acoso escolar, da man do persoal do Concello de Narón, que nos axudará a aprender a resolver conflitos dun xeito asertivo, a comprender mellor o comportamento das persoas e, sobre todo, a coñecer como funcionan as relacións persoais entre as persoas adolescentes e previr calqueira posible situación de acoso que se poida dar na escola.

Este obradoiro durará todo o ano e se levará a cabo os venres cada dúas semanas. Agardamos que nos sexa moi útil e nos axude nas nosas relacións cos demais.

Durante este curso, o alumnado de 5º e 6º estará inmerso nun proxecto denominado Prensa - escuela por parte de La voz de Galicia. Este proxecto pretende achegar a prensa ao alumnado para poder tratar na aula temas de actualidade e xerar así debates e coñecemento a partires de textos escritos.

Ademais, La voz de Galicia pon a disposición do alumnado o xornal todos os mércores así como o xornal diario para a biblioteca escolar.

Agardamos que lle poidamos sacar todo o proveito!!