Skip to main content

FORMACIÓN DE USUARIOS

VISITA FAMILIAS #Formacióndeusuarios #bescolaresgal #bescolaresgalabertas

Agradecemos a participación da comunidade educativa.

Podedes vir vistitar á biblioteca e realizar unha visita

co alumnado voluntario de 6º de E.P.,

o próximo 29 de xaneiro ás 10:00h.

 

 

 

 

 

 

FORMACIÓN USUARIOS PROFESORADO #CDU #PLAMBE #bescolaresgal #bescolaresgalsbertas

Sesión de martes de tarde con Formación de Usuarios para o profesorado.

 

 

 

 

 

 

FORMACIÓN DE USUARIOS ALUMNADO #CDU #PLAMBE #bescolaresgal #bescolaresgalsbertas

Rematamos nestes días a formación de usuarios para o alumnado de 5 anos

a 6º de primaria, reparando en cousas importantes dentro da biblioteca,

a CDU e a axuda que nos presta para atopar ou colocar un libro, que tipos

 

 

de fondos atopamos en cada sala, que outros recursos alberga a nosa

biblioteca Lía, como podemos gozar deses recursos, cales son as normas

que permiten que a convivencia na biblioteca sexa diversa, pacífica,

fluida e na que todas e todos nos sintamos cómodos e respectados.

 

 

 

 

 

 

FORMACIÓN DE USUARIOS/AS #Formacióndeusuarios #bescolaresgal #bescolaresgalabertas

A actividade central ao comezo do curso é a formación de usuarias e usuarios da nosa biblioteca.

Este curso xa coa ledicia de abrir as portas ás familias. Comezamos refrescando e

conversando sobre as normas e actividades que poden gozar na biblioteca e continuamos

con tres grupos interactivos (comunidades de aprendizaxe) da man de familias

voluntarias que nos agasallaron co seu tempo e bo facer.

 

 

O alumnado traballou a identificación dun libro, a CDU e os tejuelos.

Sendo Biblioteca Creativa como somos, non podían faltar actividades como maxia,

para representar logo na casa e canción tradicional. O alumnado aprendeu e interpretou

unha pequena estrofa típica da nosa vila. Para valorar dende pequenos a tradición oral.

O empréstito (de libros, xogos, película e música) e a lectura na sala foi outra das actividades.

 

 

Creamos unha pequena presentación para a actividade inicial que aquí compartimos.

 

 

 

 

 

 Recordamos que a biblioteca está aberta ás familias en horario de tarde.

 

 

 

Descubrindo os segredos da biblio... - Formación Usuarios

 

O inicio de curso implica retomar a formación de usuarios que facemos anualmente na biblioteca xa que só con alumnado informado e coñecedor dunhas pautas básicas para "funcionar" pola biblio, podemos exprimirlle todo o seu beneficio a este espazo tan marabilloso que temos no cole.

 

Nesta ocasión, a formación abarcou dende 5 anos ata 6º de primaria polo que mentres con algúns grupos traballamos principalmente as normas básicas, outros profundizaron na CDU... Deste xeito, houbo varias modalidades de formacións atendendo aos diferentes niveis de coñecemento da biblio:

- As nenas e os nenos de 5 anos coñeceron a Percebiño, grazas a quén traballaron sobre as normas básicas da biblio, fixeron un pequeno xogo de pistas (có que reforzamos o coñecemento dos diferentes espazos) e iniciáronse no emprego dos marcadores e no buzón de Percebiño.

- A rapazada de 1º Primaria traballou cun Genially moi chulo sobre as normas básicas, o emprego dos recursos, a organización por tempos dalgúns materiais coma os iPads (para facilitar que todos e todas teñan posibilidade de acceso) ou o préstamo de materiais para a casa.

- Os grupos de 2º a 4º Primaria traballaron sobre os datos dos libros iniciándose ademáis no sistema de clasificación de idades recomendadas mediante cores e na CDU.

- E xa por último, os e as maiores de 5º e 6º Primaria profundizaron na CDU traballando sobre os tejuelos e aportaron suxestións para montar a mini biblio no patio do Areal (destinada ao tempo de lecer e atendida por alumnado voluntario) ademais de aportar ideas para o curso e colaborar na creación dun buzón de suxerencias.

 

A verdade é que todos os grupos fixeron un gran traballo asi que, para que os vexades en acción, aquí vos deixamos un pequeno vídeo con imaxes recollidas durante as diferentes formacións!

 

 

 

Deixamos adxuntos os materiais empregados por se queredes botarlles unha ollada!

E unha pequena carta para as familias.

 

 

 

 

Redescubrindo a biblioteca!

Os fondos da biblioteca non paran de crecer e, como sempre hai que reorganizar algúns aspectos (e máis este ano!), as formacións de usuarios son indispensables!

Todo o alumnado irá pasando por turnos pola biblioteca pero hoxe tocoulle a terceiro de primaria! Ao chegar, e tras repasar unhas normas básicas do protocolo COVID, tiñan unha sorpresa esperándolles nos iPads: un Escape Room dixital creado na plataforma Genially! Repartíronse por parellas e... a descubrir a CDU e a organización da biblio grazas ao xogo! Tiveron que recorrer as diferentes salas, ler carteis e moito máis para poder completar as misións pero reto conseguido!

 

FORMACIÓN DE USUARIOS COMO INICIO DUN NOVO PROXECTO

EMPEZAMOS O CURSO COMA OS ANOS ANTERIORES COA FORMACIÓN DE USUARIOS. APROVEITAMOS A OCASIÓN PARA CONVIDAR ÁS FAMILIAS A PARTICIPAR COS NENOS E AS NENAS EN GRUPOS INTERACTIVOS.

FORON REPARTIDOS NOS SEGUINTES OBRADOIROS:

 

                       CREACIÓN DUN PLANO DA BIBLIOTECA                                                                             COLOCACIÓN DUN LOTE DE LIBROS TENDO EN CONTA A CDU

 

                                  MARCADORES PERSONALIZADOS                                                                                                  DECORADOS AO SEU GUSTO

 

                                                                                                    AS NORMAS DA BIBLIOTECA NO KAHOOT

 

                                                   LECTURA LIBRE                                                                                          BUSCA DE INFORMACIÓN ATENDENDO Á CDU

PERO ADEMÁIS, APROVEITAMOS A OCASIÓN PARA DAR INICIO AO PROXECTO ANUAL DA BIBLIOTECA: A EDUCACIÓN DA CONCIENCIA MEDIOAMBIENTAL.

 

A MODO DE EXPERIMENTO, ESTRAMOS ENVASES, PAPEIS, PLÁSTICOS... POLO CHAN (iso si, todo estaba limpo), PARA VER CAL ERA A REACCIÓN DOS NOSOS NENOS E NENAS: SE RECOLLÍAN E TIRABAN SEPARANDO PARA RECICLAR, SE NON RECOLLÍAN, SE LLES PRESTABA ESTAR NUN SITIO ASÍ OU NON...

 

OUTRAS NOTICIAS: CONTAMOS CON NOVOS ESPAZOS, QUE AÍNDA ESTÁN BALEIROS. PERO XA OS NENOS SE ESTÁN AFACENDO A ESTAR NELES: UN XARDÍN EXTERIOR E UNHA NOVA SALA PARA DIVERSAS ACTIVIDADES.

 

GRUPOS INTERACTIVOS E FORMACIÓN DE USUARIOS

Iniciamos o curso escolar programando as actividades de formación do alumnado como usuarios da biblioteca escolar do centro.

Os espazos da biblioteca, a organización dos fondos, a variedade de recursos a empregar, as normas de uso, o préstamo de libros...son algúns dos aspectos que se abordan nestas primeiras sesións.

Durante o desenvolvemento das actividades, o alumnado organízase a modo de grupos interactivos. Nesta forma de organización ten un valor engadido a presenza dun adulto voluntario en cada un dos subgrupos, favorecendo a interacción, participación e resolución das tarefas por parte do alumnado.

 

Todas as familias quedades convidadas a participar nestas actividades de formación de usuarios, actuando como adultos voluntarios.

As datas e horarios das sesións son as seguintes:

Podedes colaborar en calquera das sesións.

Teremos unha reunión informativa/formativa en data acordada previamente entre as familias participantes.

Animádevos a participar! Precisamos que anotedes os vosos datos a continuación.

  

VISITAS DOS GRUPOS

OS DISTINTOS GRUPOS VISITARON A BIBLIOTECA DURANTE O MES DE SETEMBRO PARA FORMARSE COMO USUARIOS.

APRENDERON E RECORDARON AS NORMAS, OS ESPAZOS, O USO DE MARCADORES CANDO VEÑEN LER Á BIBLIOTECA, COMO LEVAR LIBROS OU PELÍCULAS EN PRÉSTITO PARA A CASA...

 

TAMÉN VISITAMOS A BIBLIOTECA PÚBLICA MUNICIPAL DE CEDEIRA "LÓPEZ CORTÓN"

Distribuir contido