Actividades complementarias
Visita do CEE Ntra. Sñra. de Lourdes
O día 23 de xaneiro visitaron o noso centro o alumnado e docentes do CEE Ntra. Sñra. de Lourdes.
Contarónnos como son as súas clases e amosáronnos os proxectos nos que traballan e algúns produtos elaborados por eles.
Charla sobre epilepsia
O día 4 de decembro visitaron o noso centro membros da Unión Galega de Epilepsia ( UGADE ) para explicarnos en que consiste a epilepsia e como debemos actuar se nos atopamos ante unha crise epiléptica.
TÉCNICAS DE ESTUDO
E COMO SE ESTUDA...?
Busca un lugar cómodo, ben iluminado e lonxe de distraccións.
- Fíxate no título e nos subtítulos (os títulos máis pequenos).
- Le en voz alta o tema (máis dunha vez).
- Estuda cun papel e lapis/bolígrafo ao lado e escribe o que che resulte máis difícil de lembrar.
- Fíxate nos exemplos e trata de pensar nalgún máis.
- Os debuxos serven tamén para fixar contido: non os perdas de vista!
- Fai un esquema (e/ou revisa o xa feito).
- Fai un resumo en voz alta.
Visita da Asociación Aloumiños
Estes días recibimos a visita da Asociación Aloumiños, que se ocupa das persoas con necesidades específicas da Costa da Morte. Os rapaces e rapazas da escola desfrutaron dunha demostración a cargo de Nuba , unha cadela da raza Golden Retriever da asociación Cadelar , que presta servizo nas sesións de terapia.