Laura Calvo e María Vilas, estudantes de 4º ESO do CPI Plurilingüe dos Dices, Rois (A Coruña) gañaron o concurso "Youtube Space Lab" cofinanciado pola Axencia Espacial Europea (ESA).

Estas estudantes propoñen un experimento chamado "Surfactants in microgravity" (Surfactantes en microgravidade), que estudia qué ocurre cando auga, xabón e aceite  mézclanse en condicións de falta de gravidade, como na Estación Espacial Internacional (ISS).

O concurso consiste en diseñar experimentos que poderían ser realizados a bordo da ISS. Este equipo gañou na categoría de 14-16 anos en Europa, Oriente Medio e África, e agora competirán con outros dous equipos para converterse no gañador absoluto.

Este concurso, a escala mundial, é una colaboración de YouTube, Lenovo, e Space Adventures coa ESA, a NASA e a axencia espacial xaponesa. O premio para os gañadores absolutos será a realización dos seus experimentos a bordo do complexo orbital. Ademáis, o traballo dos astronautas cos experimentos retransmitirase globalmente vía YouTube.

Viaxe a Washington

Os seis gañadores rexionais viaxarán a Washington en marzo para participar nunha serie de actividades e eventos destinados a dar a coñecer os seus logros. As actividades inclúen a participación nun vo parabólico -no que experiméntase a falta de gravidade-; unha visita especial ao Museo Aeroespacial Udvar-Hazy en Dulles, onde tamén cearán; e a ceremonia de entrega de premios en Newseum -un innovador museo interactivo- o 22 de marzo.

Os gañadores das fases rexionais son seis equipos de España (Laura e María), Exipto, India, Nova Celandia e Estados Unidos. O xurado debe escoller agora entre eles a un gañador absoluto para cada unha das dúas categorías de idade, de 14-16 anos e de 17-18.

A Embaixada dos Estados Unidos en España selecciona un/unha estudante español ou residente en España, para participar no Instituto de Verán Benjamin Franklin 2012, programa financiado polo Departamento de Estado dos Estados Unidos para promover as relacións entre as novas xeracións de europeos, asiáticos e norteamericanos.

O/a estudante seleccionado/a participará nun programa intensivo enfocado nos asuntos globais aos que se enfrontan os/as mozos/as a ambos os dous lados do Atlántico.

O Instituto terá lugar nunha localidade norteamericana - aínda por determinar -durante catro semanas en xuño-xullo de 2012 e reunirá aproximadamente a 45 estudantes de distintos países de Europa e Asia Central con 10 estudantes norteamericanos/as. Os/as participantes levarán a cabo unha gran variedade de actividades: seminarios, programas de apoio comunitario e voluntariado, viaxes de estudo e eventos culturais. Traballarán nun proxecto conxunto e explorarán como os/as mozos/as de hoxe interactúan cos medios de comunicación, tanto na súa faceta de consumidores como de produtores de información. Abordarán tamén como a liberdade de expresión impón ás persoas cidadás tanto dereitos como responsabilidades.

Dotación: Todos os gastos (viaxe, aloxamento, manutención, seguro médico e de accidentes e visado) correrán por conta do Departamento de Estado dos Estados Unidos de América.

Requisitos e criterios de selección:

•       Excelente coñecemento do inglés. É imprescindible achegar un certificado do centro de ensino, Escola Oficial de Idiomas ou academia acreditando unha cualificación de “Sobresaliente” ou equivalente (C1 ) na materia de inglés.

•       Excelencia académica. Os candidatos deberán achegar un certificado do seu centro de ensino que reflicta unha nota media mínima de “Notable” (7.5) no seu expediente académico.

•       Deberá tamén achegarse á solicitude polo menos unha carta de referencia.

•       Non se considerarán solicitudes de candidatos/as que participen previamente en viaxes de estudo aos Estados Unidos.

•       Valorarase moi positivamente a participación en actividades de voluntariado e/ou proxectos de servizo comunitario.

Envío de solicitudes: Cumprimentar este formulario, achegar unha ou varias cartas de referencia segundo o modelo achegado, certificados de notas en inglés e remitilos por correo postal, correo electrónico ou por fax a:

Embaixada dos Estados Unidos de América -  Sección Cultural

          Serrano, 75 – 28006 Madrid - Fax: 91 576 8464 – embusacultural@state.gov

Data límite de recepción de solicitudes: Mércores, 15 de febreiro de 2012 – 18:00h

Resolución da beca: Prevista para finais de marzo 2012

Para consultas sobre esta convocatoria, contactar con:

Macarena Moreno

Asesora Asuntos Culturales y Educativos

Embajada de los Estados Unidos

Tel: +34 91 587 2506 - Fax: +34 91 576 8464

E-Mail: morenoma@state.gov

No arquivo adxunto atópase o Plan Galego de Potenciación das Linguas Estranxeiras, que poden consultar en formato papel en todos os centros galegos sostidos con fondos públicos.

“GOAL! Go Outside And Learn”

Seis países, 22 clases, 24 profesores e 420 estudantes protagonizan un proxecto baseado nas matemáticas. Os problemas presentados nos libros de texto foron substituídos por retos con datos reais que obrigaron aos estudantes a medir, analizar, resolver e compartir e comparar as súas solucións coas dos seus compañeiros europeos. Os socios demostraron unha excelente colaboración desde a proposta de traballo inicial; optando por unha planificación aberta e permisiva coas diferentes posibilidades dos centros participantes, conseguiron presentar os resultados froito do traballo común, perfectamente organizados tanto no TwinSpace como na web creada para o proxecto. Ademais, un conxunto de titoriais das diversas ferramentas TIC utilizadas no traballo facilitaron o seu uso por parte dos estudantes e aumentado así o seu interese por elas, tal e como mostra a súa avaliación final.

Convócanse prazas de Auxiliares de Conversa de lingua española para o curso escolar 2012-2013 en centros docentes de Alemaña, Australia, Austria, Bélxica, Canadá, Estados Unidos, Francia, Irlanda, Italia, Malta, Nova Zelandia, Portugal e Reino Unido.

O premio nacional Comenius Erasmus Junior (MAC) foi este ano para o IES Monte Castelo de Burela (Lugo). O centro participa nesta iniciativa europea dende o curso 2009-2010 en asociación co Gymnazium Praha 10 da capital da República Checa.
A acción Comenius de mobilidade de alumnado iniciouse no curso 2009-2010 e permite a escolarización nun país estranxeiro do alumnado maior de 14 anos durante un prazo mínimo de 3 meses.
A entrega do galardón tivo lugar na V Feira de Valorización que se celebrou en Madrid o pasado 1 de decembro. No evento participaron o director do centro, Marcelino Luna, a profesora coordinadora de proxectos europeos, Irene Paredes, e unha das alumnas participantes no programa de intercambio, Cristina González Maseda.

Convocanse prazas de Auxiliares de Conversa en España e comunícase que está aberto en Profex o prazo de inscrición de solicitudes de auxiliares de conversa estranxeiros/as para o curso 2012-13, que finalizará o día 31 de marzo de 2012. Así mesmo, infórmase que as persoas auxiliares de conversa, destinadas en centros públicos de primaria e secundaria e escolas oficiais de idiomas da Comunidade Autónoma de Galicia (curso 2011-12), poden solicitar a súa renovación no devandito Programa no mesmo tempo.

Resolución de 23 de novembro de 2011, da Secretaría de Estado de Educación e Formación Profesional, pola que se convocan prazas para profesores visitantes en centros escolares dos Estados Unidos de América e Canadá para o curso académico 2012/2013.