Tal e como se recolle no Artigo 8.3.3 da Orde do 7 de xaneiro de 2026, faise pública a Resolución Provisional de solicitudes admitidas e excluídas do programa PIALE 2026.

O prazo para a presentación de reclamacións ou renuncias será de 5 días hábiles.

Máis información en https://www.edu.xunta.gal/piale/

Resolución do 23 de marzo de 2026, da Dirección Xeral de Ordenación e Innovación Educativa, pola que se convoca a proba externa do programa de dobre titulación de Bacharel e Baccalauréat para o curso académico 2025/2026 e se ditan instrucións para o seu desenvolvemento.

Achégase proposta de Resolución provisional de centros docentes privados concertados seleccionados para participar no programa de inmersión lingüística Spring Week, dirixido ao alumnado de sexto curso de educación primaria e de educación secundaria obrigatoria durante o curso 2025/26.

Logo da publicación da proposta de resolución provisional, as persoas interesadas disporán dun prazo de dez días para efectuar reclamacións ou renuncias. No mesmo prazo, os centros seleccionados provisionalmente deberán confirmar o número de alumnado participante, que non poderá exceder en ningún caso o indicado na solicitude inicial.

Achégase Resolución definitiva de centros públicos seleccionados para participar no programa de inmersión lingüística Spring Week,dirixido ao alumnado de sexto curso de educación primaria e de educación secundaria obrigatoria durante o curso 2025/26.

Ábrese un prazo de dez días naturais para efectuar reclamacións ou renuncias, que se dirixirán á Dirección Xeral de Ordenación e Innovación Educativa da Consellería de Educación, Ciencia, Universidades e Formación Profesional e presentaranse, obrigatoriamente, por medios electrónicos na sede electrónica da Xunta de Galicia (http://sede.xunta.gal) accedendo á Carpeta cidadá como un trámite posterior á presentación da solicitude.

Achégase RESOLUCIÓN do 4 de marzo de 2026, da Dirección Xeral de Ordenación e Innovación Educativa, pola que se formaliza a participación de centros públicos de ensino non universitario da Comunidade Autónoma de Galicia no Programa Global Classroom Galicia, con carácter experimental, durante o curso 2025/2026.

Achégase Resolución provisional da ORDE do 16 de decembro de 2025 pola que se regula o réxime de axudas a centros docentes privados concertados da Comunidade Autónoma de Galicia para a contratación de auxiliares de conversa durante o curso 2025/26 coa finalidade de mellorar a competencia lingüística do alumnado en linguas estranxeiras (código de procedemento ED504E).

Ábrese un prazo de dez días hábiles para efectuar reclamacións ou renuncias á concesión das axudas, que se dirixirán á Dirección Xeral de Ordenación e Innovación Educativa da Consellería de Educación, Ciencia, Universidades e Formación Profesional, e presentaranse, obrigatoriamente, por medios electrónicos na sede electrónica da Xunta de Galicia (http://sede.xunta.gal) accedendo á Carpeta cidadá como un trámite posterior á presentación da solicitude.

Para unha maior axilidade na xestión, prégase adiantar as posibles alegacións por correo electrónico ao enderezo auxiliaresgalicia@edu.xunta.gal. Non obstante, é preciso entregar a reclamación igualmente por rexistro electrónico.

Convocada a selección de centros docentes privados concertados da Comunidade Autónoma de Galicia para participar no programa de inmersión lingüística activa en lingua inglesa, Spring Week, dirixido ao alumnado de sexto curso de educación primaria e de educación secundaria obrigatoria durante o curso 2025/26 (código de procedemento ED531F)

• O prazo de presentación de solicitudes será dun mes, contado a partir do día seguinte ao da publicación desta orde no Diario Oficial de Galicia. 
• As solicitudes presentaranse obrigatoriamente por medios electrónicos a través do formulario normalizado (anexo I) dispoñible na sede electrónica da Xunta de Galicia, https://sede.xunta.gal

Así mesmo,os centros educativos participantes nesta convocatoria deberán rexistrar os datos de participación no aplicativo https://www.edu.xunta.gal/programaseducativos, seleccionando Programas de éxito educativo e a continuación o programa Spring Week-centros concertados.

Publicada a convocatoria de axudas para a realización de actividades de formación en linguas estranxeiras no ano 2026, destinadas ao alumnado de 1º e 2º de bacharelato que cursa en centros docentes sostidos con fondos públicos. (DOG do 03/02/2026).

A solicitude destas axudas presentarase obrigatoriamente a través do formulario normalizado dispoñible na sede electrónica da Xunta de Galicia, https://sede.xunta.gal, código de procedemento ED504B.

O prazo de presentación de solicitudes abrangue dende o 4 de febreiro ata o 3 de marzo de 2026.