Skip to Content

Actividades

11F: Día internacional da muller e a nena na ciencia

Xov, 10/02/2022 - 15:37

O 11F conmemórase o Día Internacional da Muller e da Nena na Ciencia.

No noso IES celebrámolo proxectando un vídeo no que varias mulleres científicas responden ás preguntas plantexadas polo noso alumnado.

Esperamos que sirva de inspiración!

DON OU DONA, UN MESMO OBXECTIVO

Dom, 21/06/2020 - 15:13

Nesta entrada amósase o traballo realizado polo alumnado de 3ºESO (curso 19/20) dentro do Plan Proxecta: "Salvavidas", sobre a doazón e o transplante de órganos e tecidos.

Aquí tedes acceso ás fotografías realizadas sobre o xogo de rol baseado no rexeitamento dun transplante de pel, sobre a determinación dos grupos sanguíneos e sobre a charla de transplantes. Sorriso

 

Adxúntase tamén a memoria final do traballo realizado.

Observación astronómica no noso instituto

Lun, 03/02/2020 - 15:01

Despois de máis de un mes sen parar de chover, o tempo deu unha tregua para que o alumnado de 1ºESO puidera observar no ceo nocturno de Camariñas unha chea de corpos celestes: os aneis de Saturno, os cráteres de impacto na Lúa, unha nebulosa planetaria… e, incluso, o paso da Estación Espacial Internacional polo horizonte.

Grazas ao programa da USC Todocosmos e ao noso guía, Pedro Pablo Campo, por explicarnos tan ben e resolver tódalas nosas dúbidas. Definitivamente, a espera valeu a pena!

 

Fotografía, con telescopio, da Lúa en fase crecente.

A importancia de lavar as mans

Mar, 02/07/2019 - 21:31

Por fin se viron resultados no noso experimento! A rapazada de 1º ESO participou nesta simple pero ilustrativa experiencia, na que puidemos comprobar a importancia de ter uns bos hábitos de hixiene.

Un acto sinxelo como lavar as mans evita o contaxio de moitas enfermidades, e nesta foto comparativa entre a rebanda de pan control, a que se manipulou coas mans limpas e a que se introduciu na bolsa coas mans sen limpar, podemos comprobar esta afirmación. Así, o pan que pasou polas mans do alumnado que non lavara as mans foi o primeiro en deteriorarse pola presenza de microorganismos que, ao cabo duns días, medraron e estragaron o alimento visiblemente.

Bo traballo!

Volven os almorzos saudables!

Mér, 22/05/2019 - 23:26


Xa están de volta os almorzos saudables. Desta quenda, tócalle ao alumnado de 1º e 4º de ESO gozar destas equilibradas propostas para comezar ben o día desde o punto de vista nutricional.

Lembramos que se trata dunha colaboración interdisciplinar das materias de Bioloxía e Xeoloxía, Tecnoloxía, Hábitos saudables e Educación física, coa implicación dos programas DAFIS (espazo Actívate) e Consumópolis.

Para ver as fotos das xornadas, preme aquí.

Canto sabemos da linguaxe publicitaria?

Sáb, 11/05/2019 - 14:28

O vindeiro luns 13 de maio contaremos coa presenza de tres técnicas do Instituto Galego de Consumo que darán unha charla sobre linguaxe publicitaria, para concienciar á comunidade educativa sobre como nos condiciona este aspecto á hora de consumir.

A actividade forma parte do programa Consumópolis, no que o noso centro participa co proxecto "Repensa a túa despensa" e que ten como obxectivo fomentar o consumo responsable.

Distribuir contido


by Dr. Radut