Skip to Content

Novas

DÍA MUNDIAL DA AUGA: 22 de marzo

Dom, 22/03/2020 - 13:32

Hoxe celébrase o Día Mundial da Auga!!

Deíxovos datos de interese para reflexionar neste día sobre o noso consumo de auga.

  • A auga é un recurso potencialmente renovable, quere dicir que a auga potable é un ben escaso e que non é accesible a toda a poboación mundial.

 

  • En África subsahariana a poboación ten os niveis máis baixos de acceso a auga potable. O 50% da súa poboación ten que beber auga non potabilizada (de pozos, charcos, auga da choiva,...)

 

  • Considérase auga potable a auga libre de: protozoos  amebas, paramecios, vorticelas, flaxelados,...), libre de algas unicelulares (diatomeas, algas verdes,...), de bacterias. Ademais, debe ser: inodora, incolora e insípida.

 Que podemos facer nós para non desperdiciar a auga?

  • Pecha a billa cando laves os dentes ou as mans (agora hai que lavalas moito!).
  • Usa reguladores da cantidade de auga na cisterna.
  • Non te deas un baño, mellor unha ducha rápida 5-10 minutos máximo!

 

 Aquí tedes un vídeo emitido onte en "La Noche Temática" de Rtve 2, sobre a contaminación das augas.

 

Bo domingo a todos/as!!Sorriso

Entrega de premios Consumópolis 14

Lun, 24/06/2019 - 23:32

O pasado 14 de xuño Laura Sar, Noa Tedín, María García e Andrés Parga tiveron unha cita en Santiago de Compostela, na Escola Galega de Administración Pública, para recibir o 1º premio a nivel autonómico na categoría correspondente ao alumnado de 1º e 2º ESO, que lles foi outorgado no concurso Consumópolis 14: Pola túa seguridade, sabes o que consomes?

O equipo autodenominado "Canicas" fixo unha exposición de calidade, orixinal e chea da naturalidade que tanto caracteriza a esta rapazada. Avogaron polo consumo responsable defendendo a versatilidade do seu produto, a Reverseta, e fixeron fincapé tamén no impacto social e ambiental da prenda.

Acábanse os plásticos dun só uso en 2021!

Xov, 28/03/2019 - 19:04

 

O congreso prohibirá os plásticos dun só uso a partir de 2021.

Para saber máis:  National Geographic, La Vanguardia.

Consumo de azucre en España

Mar, 19/02/2019 - 01:39

O pasado martes 12 de febreiro publicouse en EL PAÍS un artigo de grande interese para a nosa saúde, que afirma que en España consumimos case o triple de azucre que o que recomenda a OMS (25 g ao día). Existe unha relación moi clara entre o elevado consumo deste nutriente e a aparición de enfermidades como a obesidade ou a diabetes tipo II, por iso hai que poñer moita atención á cantidade de azucre que tomamos, incluído o que está presente en moitos alimentos. 

Preme aquí para ler a noticia completa.

Envases plásticos biodegradables creados a partir de mondas de pataca

Ven, 23/11/2018 - 22:13

Nace o PHVB, un novo material desenvolvido polo centro tecnolóxico Ecoembes que tamén se pode reciclar e compostar. Aínda que está en fase de prototipo, está claro que podemos afirmar que nunca as mondas de pataca foran tan útiles!

Preme aquí para ler a noticia publicada hoxe 23 de novembro na Voz de Galicia.

Cambio de tren...

Ven, 21/10/2016 - 21:40

Despedida Xaquín

 

   

Resulta estraño dicir que Xaquín se retira. Parece que estas palabras non soan ben xuntas. Quizáis porque ninguén as cre!. É ben seguro que aínda que se xubilou hai só uns días, este home xa está argallando o xeito de seguir transmitindo o seu entusiasmo pola ciencia. Así que, tomando prestada a idea do ferrocarril, diremos mellor que Xaquín baixa do tren da escola para tomar outro cara a novos destinos.

Boa viaxe, Xaquín!

Distribuir contido


by Dr. Radut