Skip to Content

Actividades

Reutilización sen ruídos

Xov, 31/01/2019 - 00:23

Un bo exemplo das boas prácticas dun dos 3 R: a  reutilización. Grazas á doazón de pelotas de tenis deterioradas, consideradas xa refugos, por parte do Círculo Cultural Deportivo Sanxenxo, puidemos completar varias aulas con "cadeiras silenciosas".

Paralelamente, e dado que o obxectivo desta iniciativa é reducir o nivel de ruído no centro, contribuímos así a concienciar sobre a problemática da exposición a ambientes pouco saudables acusticamente.

Para saber máis sobre o impacto na audición, na saúde en xeral, na calidade de vida e no medio ambiente, preme en: Sociedade Española Acústica, "Escoitar sen riscos" (artigo da OMS).

Progresando na 2ª fase do concurso Consumópolis

Dom, 27/01/2019 - 23:18

Imos progresando na 2ª fase do concurso de Consumópolis no que participa o noso proxecto, "Repensa a túa despensa".

Tras finalizar o percorrido pola cidade virtual, os tres equipos de rapazas e rapaces terán que deseñar un produto novidoso, orixinal, sostible, responsable e solidario, que cumpra os requisitos defendidos polo consumo responsable. Non o teñen fácil, pero intentarán poñer todo o seu empeño para conseguir este obxectivo.

Ánimo rapazada! Para ver máis fotos desta xuntanza na biblio, preme aquí.

Continúa o concurso de recollida de pilas Pilabot

Lun, 14/01/2019 - 00:02

Comezamos este ano 2019 animando ao alumnado do noso centro a seguir participando na iniciativa proposta pola Xunta de Galicia, xunto a Ecopilas, ERP e Ecolec, baixo o nome de Pilabot para a recollida selectiva de pilas.

Ademais, esta semana abriuse o prazo para inscribirse, de forma individual, no concurso de fotografía creativa #eusonpilabot. Todos os alumnos e alumnas interesados serán informados dos requisitos que ha de cumprir a súa fotografía para optar a algún dos premios.

Concurso de recollida de pilas Pilabot

Lun, 10/12/2018 - 00:49

Dende a última semana de novembro contamos no noso IES cun bidón facilitado pola campaña de recollida selectiva de pilas e acumuladores portátiles nos centros educativos de primaria e secundaria de Galicia, promovida pola Xunta de Galicia xunto a Ecopilas, ERP e Ecolec: "Recicla con enerxía".

Así nace o Concurso Pilabot, no que se repartirán catro premios entre os centros educativos que máis pilas recollan.

A por todas!

Contido de azucre en diferentes alimentos

Xov, 15/11/2018 - 13:14

Aproveitando que se están a celebrar as xornadas de almorzos saudables, recuperamos o traballo que fixeran Laura Sar e Noa Tedín para mostrar a cantidade de azucre presente en distintos alimentos. Á rapazada chámalle a atención que certos produtos coma os refrescos, os zumes de brick ou os iogures de sabores conteñan tanta cantidade desta substancia.

Preme aquí para ver algunhas fotos de como se elaborou este cartel.

Para reflexionar... repensa a túa despensa!

Almorzos saudables

Ven, 09/11/2018 - 00:24

Hoxe púxose en marcha unha novidosa experiencia gastronómica no noso IES. Baixo o lema “Repensa a túa despensa”, ofreceremos ao alumnado de 2º e 3º ESO (1º e 4º en próximos trimestres) distintas propostas de almorzos saudables, é dicir, equilibrados, completos e variados. Coñecerán a importancia de comezar o día cunha achega nutriticional adecuada ás actividades que desenvolven, desmitificarán crenzas obsoletas e poderán incorporar (esperemos!) o aprendido aos seus hábitos alimentarios.

Distribuir contido


by Dr. Radut