IES Isidro Parga Pondal

O instituto IES Isidro Parga Pondal de Carballo participa na rede de centros nacionais de capacitación dixital do Plan de Recuperación, Transformación e Resiliencia que está financiado polo Ministerio de Educación e Formación Profesional e pola Unión Europea - NextGenerationEU.

Pode acceder a estas aulas de capacitación calquera persoa que non estea cursando estudos dentro do sistema educativo e están dirixidas principalmente aos seguintes colectivos:

• Mulleres.

• Traballadores de baixa cualificación.

• Traballadores maiores de 45 años.

• Traballadores con discapacidade.

• Persoas pertencentes a fogares monoparentais.

• Traballadores desempregados.

Os contidos son

• Atopar información e contidos en contornas dixitais.

• Conectar e colaborar con outras persoas a través de ferramentas dixitais.

• Interactuar e participar en comunidades e redes.

• Compartir recursos en Internet empregando as ferramentas apropiadas.

• Crear contidos dixitais propios.

• Empregar medios dixitais para a resolución de problemas.

• Protexer a información e os datos persoais.

O horario deste curso será de desde o luns 11 de marzo ata o venres 22 de marzo en horario:

- Luns, martes, xoves e venres de 16:00 a 19:00

- Mércores de 18:00 a 21:00

Pode apuntarse chamando aos teléfonos 881 880 371, ou enviando un correo ao enderezo ies.parga.pondal@edu.xunta.gal coa seguinte información:

• Nome completo.

• DNI

• Número de teléfono.

Descargar o formulario de matrícula desde aquí

Xa está aberto o período de inscrición de equipos para o torneo de Street Basket que terá lugar durante os recreos dos luns e venres no pavillón do centro para equipos da ESO e de 1º de Bacharelato.
Podedes recoller as follas de inscrición na conserxaría do centro e consultar aquí as bases do mesmo.
O torneo comezará a segunda semana de marzo, quedando o resto de días (excepto o mércores) aberto o pavillón para actividades deportivas libre controlada (os martes para 3º e 4º ESO o os xoves para 1º e 2º ESO.

Dende a escola de nais e pais do centro levarase a cabo o día 26 de febreiro de 18:30 a 20:30 unha ponencia de Juan Ramos, psicólogo da asociación ANHIDA (@anhidacoruna, asociación de nenos con Trastorno por déficit de atención e hiperactividade), para tratar a desmotivación na adolescencia. Está dirixida tanta a familiares como a docentes.
Nesta charla, Juan, explicará por que parece que na adolescencia non lles motiva nada, xa sexa no instituto, nas tarefas de casa, nas súas responsabilidades... parece que nada funciona se non estamos todo o tempo detrás.
Así, grazas ás súas explicacións, entenderemos como funciona a motivación nos adolescentes, que é o que provoca a súa desmotivación e indagaremos como pais e nais se hai algo que estea ao noso alcance para motivalos cara esas tarefas que se lles resisten.

Xa temos o alumnado premiado no Concurso de cartas de amor convocado polo EDLG en colaboración coa Biblioteca e co Departamento de Lingua Galega.

CATEGORÍA A:

1º premio: MARÍA LOBERA LISTA. 2º ESO D.

2º premio: HUGO BARDANCA VILLAVERDE. 2º ESO D.

3º premio: ARANCHA COTELO MUÍÑO. 2º ESO C.

CATEGORÍA B:

1º premio: NOA FRAGA SANDE. 4º ESO A.

2º premio: JULIA GARCÍA VILAR. 4º ESO A.

3º premio: CELIA QUEIJO CAMBÓN. 4º ESO A.

Parabéns aos gañadores!

Graciñas a todo o alumnado que participou e un agradecemento especial ao xurado que tivo unha ardua tarefa na lectura das numerosas cartas e na decisión dos gañadores.

Podedes ler aquí as cartas gañadoras:

Co eido da celebración en Decembro do día Internacional dos Dereitos Humanos, e en Xaneiro do Día Internacional pola paz, as alumnas do obradoiro de radio de 1° da ESO traballaron na elaboración dun podcast que vos invitamos a escoitar. Parabéns polo traballo a Adela, Celtia, Dafne, Laura, Nerea e á nosa técnica de son, Carla.

Podedes escoitar aquí: https://go.ivoox.com/rf/123515028

Dentro do plan proxecta+, continuamos cunha charla sobre sexismo no publicidade dirixido ao alumando de 2 da ESO.

O departamento de economía organiza o 29 de xaneiro unha charla que se encadra dentro do programa de educación cívico-tributaria (PECT) dirixido ao alumnado de 4º ESO que cursa as materias de economía e emprendemento.

É un programa no que de forma amena, e cunha charla dunha hora e cuarto de duración, un funcionario ou funcionaria da AEAT conta aos alumnos a importancia de que todos contribuamos a pagar os impostos. Explícaselles que fan na Axencia Tributaria, para que serven os impostos, que servizos páganse cos mesmos…

É unha actividade na que se fai fincapé nos valores que deben presidir toda sociedade democrática moderna, desde o respecto polo común ao principio de solidariedade no pago dos impostos. Por tanto, é unha actividade transversal que pretende salientar na educación en valores e dar a coñecer aos contribuíntes de mañá a importancia de contribuír polo ben común.

#educacionvalores #aeat #agenciatributaria

Algúns alumnos e alumnas do noso centro están a pasar uns días na estación de Astún, desfrutando dunha semana branca para aprender a esquiar e facer snow. Organiza o departamento de educación física.

Desde o EDLG, o Departamento de Galego e a Biblioteca convocamos por cuarto ano consecutivo o Concurso de cantigas de Entroido.
Gustaríanos que o alumnado do IES Parga Pondal demostrase a súa creatividade e enxeño escribindo cantigas relacionadas co Entroido e coplas satíricas sobre personaxes e temas actuais.
Anímate e participa!
Podes consultar as bases do concurso na imaxe

Novembro é tempo de preparalo todo e poñelo a punto para comezar de novo.
Pero é tamén momento de INVESTIGAR, de coñecer como son as plantas e as súas flores cando as observamos na lupa binocular, de saber que moitos polinizadores ven en ultravioleta, e que favorecer a fauna útil non só axuda na polinización senón que tamén permite o control das pragas.
Saber para conservar toda a nosa biodiversidade.
#RetoInvestigamos  #novembro  #voznatura #accionVozNatura #iesisidropargapondal #youtubeiras

Música de fondo libre de dereitos (CC) extraída de:
https://pixabay.com/users/the_mountain-3616498/
Tema: Emotional piano
Autor: Dmitrii Kolesnikov