IES Isidro Parga Pondal

Instituto de ensinanza secundaria, bacharelato, ciclos formativos e adultos

O director do IES Isidro Parga Pondal lembra ás nais/pais e titores/as legais que na matrícula de 1º ou 2º da ESO dos vosos fillos/as tivestes ocasión de elixir un seguro voluntario.

Se estades interesados/as aínda nel, tedes que pasar urxentemente polo centro para pagar a cota de 9.00€ en concepto de seguro escolar voluntario.

Se non estades interesados chamade ao centro (881880371) indicando os nomes dos vosos fillos/as e que non estades interesados no seguro voluntario.


En caso de non ter o seguro voluntario ou de non pagalo, os vosos fillos/as non estarán cubertos por este seguro mentres estean no centro ou fóra del realizando actividades extraescolares.

Este ano o FIOT presentou o FIOTEEN, unha canle para sair á procura de novo público nos centros educativos.

A través desa canle mantiveron informado ao alumnado de todo o que acontecía no FIOT, graciñas á interpretación de Alba Bermúdez e Tone Martínez, da compañía carballesa Galeatro, que visitaron os centros con píldoras informativas presentando os diferentes espectáculos. Tamén se representou no centro educativo a obra “Por unha peseta” da compañía Apatacón.

Ademais do anterior ofrecéronse de xeito gratuíto ao alumnado diversas representacións no Pazo da Cultura, podendo dese xeito acudir á preestrea de algunhas das obras do FIOT. Así, o alumnado de 3º de ESO puido disfrutar da obra “Medida x medida”, de PT Excéntricas, o alumnado de 4º de ESO da obra “O electo” de Contraproducións e Focus e o alumnado de bacharelato da obra “Dados” de Ventrículo Veloz.

Agradecemos ao FIOT a colaboración cos centros educativos.


Podedes consultar unha galería cos imaxes das saídas premendo aquí.

Achégase o calendario de exames de pendentes para o curso 2019/2020.

Proximamente esta listaxe, e os calendarios coas datas, estarán dispoñibles nas aulas e nas vitrinas de información do centro.

O listado pode sufrir cambios o longo do curso. Neste caso avisarase con tempo por este medio e no centro.

 

 

Segundo a ORDE do 20 de xuño de 2019 pola que se aproba o calendario escolar para o curso 2019/20 nos centros docentes sostidos con fondos públicos na Comunidade Autónoma de Galicia; no seu artigo 7 punto 2. O IES Isidro Parga Pondal elixiu como días non lectivos:

O 5 de decembro, xoves.

O 20 de marzo, venres.

Así mesmo os períodos de vacacións son:

1. Nadal: desde o día 21 de decembro de 2019 ata o día 7 de xaneiro de 2020, ambos inclusive.

2. Entroido: días 24, 25 e 26 de febreiro de 2020.

3. Semana Santa: desde o día 4 ata o 13 de abril de 2020, ambos inclusive.

Ademais dos anteriores, sen prexuízo do establecido no artigo 8.3 da citada ORDE e co fin de unificar a celebración dos patróns de cada nivel educativo, establécese o Día do Ensino coa consideración de non lectivo para efectos académicos e que no curso 2019/20 se celebrará o 31 de outubro de 2019.

Achégase uns esquema das sesións de avaliación do curso e dos días das reunións das nais/pais cas titoras/titores.

Reunión/avaliación Data (*)
Avaliación inicial 7 e 9 de outubro
 Reunión nais/pais cas titoras/es 
 ESO xoves 17 de outubro ás 18.30h 
 Reunión nais/pais cas titoras/es 
 Bacharelato martes 15 de outubro ás 18.00h 
1º avaliación 18 e 19 de decembro
2º avaliación 2º bacharelato 9 de marzo
2º avaliación (resto) 25 e 26 de marzo
3º avaliación 2º bacharelato 18 de maio (**)
Avaliación extraordinaria 2º bach. 19 xuño
3º avaliación (resto) 22 e 23 de xuño

 

 

 

 

 

 

 

 

 

(*) As datas poden cambiar por motivos de organización interna do centro. Neste caso avisarase con suficente antelación.

(**) A data e estimada a espera da confirmación das datas das ABAU en xaneiro (aprox.).

Some of our 1º Bach students did a great job reading one of the best stories by Edgar Allan Poe: "The Masque of the Red Death".

They were working with the Music, Galician language, Library and ICT Departments on a special day dedicated to Halloween-Samaín.  It was a fantastic introduction to Samhain, the old Celtic tradition, brought to the USA by Irish immigrants and spread around the world.  Never forget that it is also part of our culture = Samaín!!

O alumnado de 1º de ESO e 2º de Bacharelato do noso centro participou na actividade programada polo FIOT (Festival Internacional de Outono de Carballo) coas seguintes obras :
  • 1º ESO    
    • Título da obra: Saltimbanqui 
    • Grupo: Xa era hora! 
    • Integrantes:  Xulia, Fran, Kiara, Miguel Alejandro e Mario 
  • 2º Bacharelato 
    • Título da obra:  Un berro na escuridade. 
    • Grupo: Espartanas 
    • Integrantes: Juan, Andrea, Aida, Uxía, Saray, Irene e Elena.
           
A actividade foi organizada polo EDLG e o Departamento de Lingua galega.  Todos eles fixérono xenial. Tiveron a oportunidade de visitar as instalación de Radio Voz onde se realizaron as gravacións  que escoitaremos o día 10 de decembro. Contamos coa axuda inestimable da nosa compañeira Leticia Riestra, profesora de Informática.
 
PARABÉNS e moita SORTE!!!!!!!!!!!! Agora só falta o veredicto do xurado.   Moitas grazas pola vosa colaboración!!!!!!!!
 

Este curso escolar 2019/20 algunhas rutas de transporte escolar teñen menos prazas que alumnos solicitantes das mesmas. Neses casos estase a aplicar a orde de preferencia indicada pola Secretaría Xeral Técnica da Consellería de Educación.

Engádese a continuación información sobre a asignación e uso do transporte escolar:

  • O instituto non é o encargado de contratar os servizos de transporte escolar. Ese cometido é función da Consellería de Educación, Universidade e Formación Profesional a través da Xefatura Territorial da Coruña - Servizo de Recursos Educativos Complementarios.
  • O instituto só asigna ao alumnado ás prazas dispoñibles en cada un dos contratos realizados entre a Xefatura Territorial arriba indicada e as empresas de transporte. Non contrata nin da de baixa buses en ningunha das rutas.
  • A asignación das prazas do bus faise seguindo as instrucións remitidas ao centro pola Xefatura Territorial (a través do Servizo de Recursos Educativos Complementarios) no documento: Instrución anual da Secretaría Xeral Técnica da Consellería de Educación, Universidade e Formación Profesional, correspondente ao curso 2019-2020, sobre a xestión do transporte escolar.

As rapazas e rapaces da optativa Tecnoloxía Informática e Comunicacións II (TICS II)  de 2 bacharelato guiados pola súa profesora Leticia comezaron a traballar nun concurso a nivel internacional chamado "Wisibilízalas" organizado pola Univeridade Pompeu Fabra de Barcelona cos obxectivos de:

  • Romper estereotipos de xénero asociados a carreiras STEM
  • Potenciar referentes femeninos actuais que sirvan de inspiración ás máis xóvenes
  • Promocionar o uso da tecnoloxía e o traballo en grupo mediante a creación de páxinas web

Para isto, farán entrevistas a diferentes mulleres do ámbito STEM (ciencia, Tecnoloxía, Enxeñería e Matemáticas) e crearán unha páxina web con vídeos, fotos e texto con ditas entrevistas.
Podedes seguir a súa andadura con este proxecto a través das canles sociais da Biblioteca Rebolo:

  • Twitter: @bibliorebolo
  • Instagram: @bibliorebolo
  • Facebook: Biblioteca rebolo

Agradecemos a máxima difusión seguindo e compartiendo nas vosas redes sociais.