Instituto de ensinanza secundaria, bacharelato, ciclos formativos e adultos

Biblioteca

O venres, 23 de abril conmemórase o día internacional do libro. O 23 de abril é a data na que faleceron grandes literatos como William Shakespeare, Miguel de Cervantes ou Garcilaso de la Vega entre outros. Por iso esta data ten moita importancia para a literatura universal e foi elexida pola Conferencia Xeral da UNESCO para facer unha homenaxe mundial ao libro e tamén aos seus autores.

O obxectivo desta conmemoración é alentar aos máis novos a decubrir o pracer da lectura. É importante que o hábito de ler se adquira a idades temperás xa que aporta moitísimos beneficios como por exemplo: facilita a comunicación, aumenta a curiosidade e o coñecemento, desperta a imaxinación, activa a memoria, estimula a concentración….permitíndonos crecer como persoas.

 

Unha das actividades propostas dende o IES Isidro Parga Pondal  foi pegar vinilos co título de libros e os seus autores nos chanzos das escaleiras, dende a entrada ata o segundo andar. O obxectivo desta actividade é estimular a curiosidade do alumnado con diferentes lecturas, e seguramente ao ver os títulos dos libros que xa teñen lido, viranlles á memoria os agradables recordos dos relatos que máis lles impactaron.

 

 

Tamén contamos coa axuda inestimable do alumnado voluntario. Entre todos fixemos unhas recomendacións súper chulas dalgúns dos nosos libros favoritos como se foran pelis ou series de Netflix, mais claro, cambiamos o nome por BOOKFLIX.

Esperemos que vos gusten e que os mergulledes na lectura de calquera libro!

Como xa sabedes, o 8 de marzo celébrase o día internacional da muller. No noso instituto conmemorámolo cunha exposición de poemas de Lola Collazo (3° ESO A) acompañados das preciosas ilustracións de Celia Botana (3° ESO C). Ditos poemas, están inspirados na obra da poeta, ilustradora e autora canadiense de orixe india Rupi Kaur (@rupikaur_).

 

Por outra banda, podedes achegarvos ao panel de exposición para ver os demáis carteis que seleccionamos para vós e tamén podedes ver nas vitrinas unha escolma de libros de todo tipo relacionados co tema.

 

 

 

O alumnado de 4º ESO quixo homenaxear as “mulleres traballadoras da súa vida”. Avoas, nais, amigas … , “brillantes activistas da vida cotiá”, mulleres loitadoras que deixarán unha pegada imborrable na historia da súa vida. Esta é unha pequena selección destes traballos.

 
 
 

 

E para rematar, aquí tendes un pequeno video de rapaces e rapazas que nos contan que pensan do feminismo, machismo ou a violencia machista. Aínda que non é noso, non deixedes de velo!

Na súa loita contra o acoso escolar o IES Isidro Parga Pondal puxo un graíño máis de área, na semana do 1 de marzo, para facer visible este problema tan importante coa colocación de vinilos con mensaxes educativas e motivadoras para o alumnado, como, por exemplo: “A única discriminada debe ser a violencia” ou “Non o permitas. Actúa!”. Esta idea partiu do equipo da biblioteca, que usou como inspiración imaxes atopadas nas redes sociais para facer os diferentes carteis. Os diferentes vinilos foros colocados en espazos comúns do centro como son as escaleiras ou o corredor. que vai á cafetería.

Ademais, quixeron facer un vinilo especial para loitar contra un dos tipos de acoso escolar máis grave que é o acoso pola orientación sexual. Deste xeito, fixeron un vinilo cunhas ás acompañado do texto “Que ninguén che corte nunca as ás” que colocaron no espazo entre o patio e a cafetería para que poida ser usado como photocall por todo o alumnado do centro e que serva de lembranza: NUNCA ninguén ten que ser discriminad@ polo feito de amar e ser amado.

Dende o IES queren agradecer a imprenta Bercom de Carballo polo seu marabilloso traballo que fará que os rapaces teñan esas importantes mensaxes no seu instituto acompañándoos día a día.

O IES ISIDRO PARGA PONDAL, centro moi comprometido co noso idioma, celebrou esta semana o “Día de Rosalía de Castro 2021”. Para iso contou co apoio do alumnado e tamén dun grupo de ex-alumnos moi involucrados que realizaron unha serie de actividades encamiñadas a que toda a Comunidade Educativa puidese coñecer polo miúdo a figura da nosa poeta máis universal.

Todas as actividades estiveron protagonizadas polo propio alumnado e coordinadas polos Departamentos de Lingua Galega, EDLG e a Biblioteca do centro.

Comezouse cunha exposición sobre a homenaxeada que toda a Comunidade Educativa puido ver no taboleiro principal do centro. Nela inclúese unha liña histórica cos momentos relevantes da súa vida. 


 

 

 

Expúxose ademais nunha vitrina da planta baixa unha ampla bibliografía da poeta.  

 

 

 

Durante todos os días, emitiuse un podscat ás 8:45 e pola tarde ás 19:15 onde o alumnado de Bacharelato recitou poemas da autora. Podedes escoitar a versión completa con todos os poemas no seguinte reproductor.

 

O 24 de febreiro, data do nacemento de Rosalía, escoitouse en todo o centro ao inicio das clases unha canción cuxa temática versa sobre a súa obra Rexurdimente do grupo galego De Vacas. Despediuse a xornada cun poema musicado e interpretado por alumnado de 2º de Bacharelato: Negra sombra do compositor galego Xoan Montes.

Tamén o propio día 24, na televisión da entrada do centro estivo posto un vídeo-recital durante os recreos da ESO e Bacharelato, realizado por ex-alumnos onde fan a súa propia e emotiva homenaxe á nosa escritora.

 

Completáronse as actividades coa elaboración dun vídeo gravado no patio do centro recitando o poema Negra sombra que tamén se reproduciu na televisión da entrada nos recreos. O alumnado de cada un dos niveis educativos recitou este fermoso poema en varios idiomas: francés, castelán, galego, inglés, romanés, italiano e árabe, finalizando cunha versión musicada e cantada na que participou o alumnado de 2º de Bacharelato. O profesorado de Lingua galega encargouse de poñer nas súas clases esta gravación. Deste xeito todo o alumnado puido ver este traballo.

O Departamento de Lingua Galega e o EDLG queren dar un agradecemento especial a profesora Leticia Riestra Ainsua por toda a súa colaboración

Novas na prensa:

 - Que pasa na Costa
 - La Voz de Galicia

O xoves 11 de febreiro tivemos unha charla organizada pola iniciativa 11 de febreiro (https://11defebrero.org/) que ten como obxectivo encher as axendas de actividades que conmemoren o Día Internacional da Muller e a Nena na Ciencia promovendo prácticas que favorezan a igualdade de xénero no ámbito científico-tecnolóxico.

Esta tertulia foi guiada pola carballesa Verónica Bolón Canedo, enxeñeira informática e profesora de Ciencia da Computación e Tecnoloxías da Información na Universidade da Coruña, recentemente galardoada cun dos premios Dona TIC na categoría de revelación polo seu traballo no ámbito das tecnoloxías da información e a comunicación outorgados pola Consellería de Políticas Dixitais e Administración Pública da Generalitat de Cataluña, dentro do plan Dona TIC.



Ao rematar, Sara Cotelo e Sergio Amarelle (de 1º de Bacharelato) fixéronlle unha entrevista na radio Rebolondas do centro que podedes escoitar aquí.

 

Ou tamén podedes velo na nosa canle de youtube

O 30 de xaneiro, celebramos o Día da Non Violencia e da Paz con motivo do aniversario da morte de Mathama Gandhi (India, 1869-1948), avogado, político e activista do movemento da independencia da India e líder pacifista que defendeu e promoveu a non violencia e a resistencia pacífica fronte a inxustiza e que foi asesinado por defender estas ideas.

“Non hai camiño para a paz: a paz é o camiño”. Mahatma Gandhi.


Cada 30 de xaneiro lembramos a importancia de vivir nun mundo en paz, un dereito da infancia e de toda a humanidade. A educación na tolerancia, a solidariedade, a concordia e o respecto aos Dereitos Humanos, á non-violencia e a paz son motivos para recordar este día.

Dende o IES Parga Pondal sumámonos á celebración deste día con diferentes actividades para concienciar ao noso alumnado da importancia da paz e dos valores do respecto, a tolerancia e a empatía.

Así gravamos un podcast na nosa radio escolar, Rebolondas no que participaron Xosé Cameán, Lara Rabuñal e Alba Varela (4º ESO) e Lara Sestayo (2º Bacharelato). Neste audio podemos escoitar un decálogo para construír un mundo mellor e un manifesto por unha cultura da paz e da non violencia.

 

Ademais no panel verde da entrada fíxose unha exposición cunha selección de poemas e imaxes alusivas á Paz no que participou alumnado de 1º ESO: Julia García, Alberto Calleja, Xiana Barbeira, Andrea Muñiz, Julia Pose, Brais Pensado, Hugo Aldea e Nerea Bardanca. E tamén un poster feito por Lola Amigo de 2ºESO.

 

Agradecemos a colaboración de todo o alumnado participante nestas actividades.

E lembrade que tod@s podemos contribuír a erradicar diferentes tipos de violencia e convivir nunha cultura da paz!



O 27 de xaneiro é o Día Internacional de Conmemoración en Memoria das Vítimas do Holocausto. O 27 de xaneiro conmemoramos a liberación en 1945 polas tropas soviéticas do campo de concentración e exterminio nazi de Auschwitz-Birkenau. Neste día lembramos o xenocidio ou asasinato en masa de case seis millóns de xudeus e doutras comunidades relixiosas, etnias e grupos minoritarios, como testemuñas de Xehová, xitanos, homosexuais ou persoas con discapacidades durante a 2ª Guerra Mundial. O Holocausto foi o maior xenocidio do século XX, un exterminio étnico levado a cabo polo estado nazi alemán, liderado por Adolf Hitler.


Este xenocidio masivo comezou con políticas discriminatorias e segregación nos guetos das cidades e rematou coa deportación de miles de persoas a campos de exterminio onde foron "eliminados".

É importante coñecer a historia e render homenaxe ás miles de persoas que morreron nos campos de concentración nazi, máis aínda cando estamos asistindo na actualidade a un aumento mundial dos discursos de odio, xenofobia, racismo e outras formas de intolerancia que poden conducir a actos violentos contra determinados grupos humanos.


Entre as actividades realizadas no noso centro para conmemorar este día, gravamos un podcast na nosa radio escolar, Rebolondas. Neste audio podemos escoitar, na voz dos alumnos: Xosé Cameán (4º ESO) e Lola Collazo (3º ESO), a historia de Xulia, Lola e Amparo Touza Domínguez, tres irmás de Ribadavia que axudaron a centos de xudeus que fuxían dos nazis. 
 
 
 
 
Lola e Xosé na radio escolar


 

Ademais no panel verde da entrada fíxose unha exposición con terribles imaxes dos campos de concentración nazis e unha selección de poemas. Tamén aparecen imaxes dalgúns murais que realizaron artistas internacionais de 21 países no muro de Berlín, unha obra de arte única que deixan unha mensaxe para que nas futuras xeracións non se repitan os erros do pasado.
 





 

 

 Nova na prensa:
   - Que pasa na Costa

Música de entrada:

O ano pasado foi o 250 aniversario do nacemento do gran compositor alemán Ludwig Van Beethoven. En conmemoración a dita data, hoxe escoitaremos un breve fragmento, do 1º movemento da súa 5ª Sinfonía, tan coñecida por todos. Tamén é chamada a sinfonía do destino; contan que Beethoven  inspirouse para escribila na forma que tiñan de petar na porta na súa época, iso deu lugar a célula melódico rítmica que  caracteriza esta obra.

 

Música de salida:

Don’t stop me now, da banda de rock británica Queen será que nos leve ao final da xornada deste mércores. É una peza do álbum Jazz do ano 1978. O seu autor foi Freddy Mercury, a alma deste grupo.

Música de entrada:

La Cabalgata de las Valquirias, é un fragmento da ópera “La Valquiria”. O que escoitamos é o inicio do terceiro e último acto, onde nos describen ás guerreiras semidiosas.

Esta ópera, “La Valquiria”, é a segunda da Tetraloxía do “Anillo del Nibelungo”, do compositor alemán, Richard Wagner. Estreouse en Viena en 1870.

Esta peza é usada con frecuencia en películas, como, por exemplo, Apocalypse Now, de Francis Ford Coppola

 

Música se salida:

Para marcharnos, Michael Jackson  interprétanos música disco de los años 70, Don’t stop ‘til you get enough (Non pares ata que teñas suficiente). Michael Jackson escribiu e compuxo esta canción en 1978. A bailar!!

 

Música para la tarde:

Que mellor que John Travolta e Olivia Newton John na película musical  Grease para empezar a tarde do martes, cantando You’re the one that I want.

Empezamos o ano, e con él retomamos as músicas de entrada e saída ó instituto.  O alumnado guiado polo profesorado de música será quen leve a cabo esta tarefa.

Este luns 11 de Xaneiro de 2021 escoitaremos as seguintes audicións:

A música de entrada será a Marcha Radetzky, trátase dunha composción orquestral de Johann Strauss (pai) escrita en 1848. É costume que esta peza sexa a peza que pecha o Concerto de Ano Novo en Viena.

A música de saída será unha peza de folk metal La Costa do silencio, interpretada pola grupo  Mago de Oz