Tecnoloxía

O pasado día 10 de outubro, un grupo de alumnos de segundo de bacharelato da asignatura Tecnoloxía Industrial, acompañados pola profesora Rosa Fernández Salmonte e o profesor Mario S. García, tiveron a oportunidade de coñecer varios laboratorios que a Escola de Camiños, Canais e Portos  (CITEEC) ten para investigación. Como en ocasións anteriores, poideron desfrutar das explicacións que os anfitrións lles deron sobre hidráulica, dinámica de fluidos e probas de materiais entre outras, incluindo un espectacular ensaio sobre unha barra de aceiro (ver foto).

(Fotos: Mario S. García)

O pasado 21 de marzo o profesor Juan Bello deu unha charla moi interactiva a alumnos de terceiro e cuarto da ESO sobre arquitectura bioclimática. A actividade, organizada polo departamento de Tecnoloxía, deu a oportunidade aos alumnos de examinar varios fornos solares. O profesor contou a súa experiencia con eles, invitando aos alumnos á próxima xornada de cociña solar que celebrarase na universidade coruñesa a finais de abril.

Actualización: O V Encontro Solar celebrouse no campus da UDC. Fai clic para ver unha selección das fotos.

O pasado curso un grupo de alumnos -Javier Enríquez Guerrero, Iago Martínez Edreira, Alberto Rey Ares e Gustavo Vilca Mayta- gañaron unha impresora 3D para o instituto na competición D3Mobile.

Como podedes ver a impresora xa está montada e funcionando no taller de Tecnoloxía.

O seu exemplo ten animado a máis alumnos a voltar á competición este curso. Parabéns!

Invitados pola Agrupación Astronómica Io, os alumnos de 2º ESO Roque Placer e Alfredo Chavert acudiron á XX edición do Día da Ciencia na Rúa co seu Telurio, feito para un proxecto de mecanismos en Tecnoloxía. 

O artello foi admirado especialmente polos cativos, aínda que os adultos amosaban sorpresa ao velo feito con materiais de refugallo na práctica totalidade.

O proxecto empregaba dúas pilas para mover o conxunto Sol-Terra-Lúa a través de varias rodas con correa coma mecanismo de transmisión e reducción da velocidade dun motor eléctrico. Clicando na imaxe poderás ver máis fotos e tamén un video do funcionamento (autores das fotos: Pedro R. Porca e Mario S. García).

O alumno de 2º da ESO Alfredo Chavert Sancho fixo polos seus propios medios estes dous exemplos de sinxelos motores eléctricos. Parabéns!

Aínda podedes ver algúns destes proxectos na Biblioteca do centro. Alí están expostos.

O pasado martes, día 14 de xaneiro, visitamos (seis profesores e máis de cen alumnos de 2º da ESO) o MUNCYT, ese espléndido museo que mira ao mar coruñés. Valoramos a amplitude  de espazos, a riqueza dos contidos, a xentileza no trato, o ben organizado que teñen o tempo para que os rapaces queden prendados e ignoren o aborrecemento. En canto chegamos, distribuíronos por grupos con cadanseu monitor e inmediatamente lles propuxeron un entretido xogo de preguntas e respostas, caderno en man. Así a todos nos voou o tempo. Que destacariamos do que puidemos ver? A sala das maiúsculas, onde hai máquinas dunha beleza pseudo renacentista, dignas de Leonardo, a lanterna que foi do faro brigantino, o acelerador fermosísimo de partículas dos anos 50… Destacamos tamén a sala de robótica, en cuxo frontispicio lemos a famosa frase que coñecemos por Newton, somos case que ananos  levados nos ombros de xigantes. Que grandor o do mundo! Que grandes mulleres e homes deu o mundo! Quedounos clara unha idea na mente: HAI QUE VOLVER VISITAR O MUNCYT.

Feito no primeiro trimestre deste curso 2011/12, aquí tes unha selección das fotografías tomadas.

Movendo os discos do artefacto, poderás averiguar a fase da Lúa nunha data do ano, nun gran rango de anos, máis ou menos desde o nacemento dos alumnos ata hoxe.

O enlace ao video tamén está en Capitán Nemo.

Podes ver o video cos deseños feitos por moitos rapaces na páxina do blog "Capitán Nemo", pero por si prefires ir directamente ao grao, aca o tes