Conferencia sobre Astronomía no Muncyt dun profesor do Eusebio

O pasado 25 de febreiro o profesor Mario S. García deu, ante un ateigado salón de actos do MUNCYT A Coruña - O Museo Nacional de Ciencia e Tecnoloxía- , unha conferencia co título "É necesaria a auga para a vida nos planetas extrasolares?".

Ao acto asistiron numerosos interesados pola Astronomía e, coma podedes ver, houbo unha nutrida asistencia de compañeiros, que agasallaron ao relator coas súas verbas ao remate do acto.

(Fotos de Pedro R. Porca)

É importante dicir que tamén asistiron tres alumnos do club de lectura e que no blog Cazatesouros podedes ler a crónica do acto de Charo Soto Arias así coma unha entrevista para ampliar o alí explicado.