Exposición A CASA DE GALICIA. 50 ANOS DA CASA DE ROSALÍA

Exposición A CASA DE GALICIA. 50 ANOS DA CASA DE ROSALÍA

Cúmprense 150 anos desde que Rosalía De Castro chegou en 1871 á cidade, con este motivo estreouse onte nos xardíns de Méndez Núñez a exposición A casa de Galicia.50 anos da casa de Rosalía.

A mostra fai un repaso polo fito que supuxo mercar e restaurar a casa da Matanza, na que a escritora viviu e morreu, para convertela na Casa-Museo de Rosalía de Castro en pleno franquismo. Algo que foi posible grazas á colaboración dos galegos asentados en Galicia e dos galegos da emigración. Tamén de concellos, xornais, clubs deportivos e asociacións.

A exposición dá a benvida a través dunha fiestra, que simboliza a frase que a escritora pronunciou no seu leito de morte na casa da Matanza en 1885:”Abride esa fiestra, que quero ver o mar”. “A historia da casa de Rosalía de Castro é a do traballo constante por abrir unha fiestra de liberdade na negra sombra de pedra franquista”, reza o primeiro mural que abre a exposición.

O alumnado de 3ºV en compañía da profesora Beni Vidal do Ámbito Lingüístico-Social percorreu a exposición tomando nota da información dos murais.

Departamento de Lingua Galega e Literatura