Skip to Content

idiomas

Síguenos no noso Blog de Intercambios europeos

O Blog de Proxectos Europeos, pretende favorecer o contacto das familias e o resto da comunidade educativa, cos alumnos participantes na actividade a levar a cabo nese momento.
Ao longo destes anos, pretendemos visitar diferentes paises, coñecer distintas culturas, non como meros turistas, senón como invitados. O vivir durante unha, duas ou tres semanas nos fogares de cada un dos nosos "partners", empaparannos, sen querer, dos seus costumes, tradición ou idioma. A visita dos nosos invitados, ao centro, provocará, sen dúbida, un efecto similar. Creemos que o mellor xeito de "facer do mundo a nosa casa" é coñecendo e respectando as súas culturas.

Programa integral de aprendizaxe de linguas estranxeiras (PIALE) 2022

Durante o outono do presente curso escolar cinco membros do profesorado deste centro participaron no programa PIALE 2022, realizando unha estancia de catro semanas nun centro educativo dun país estranxeiro.  

A finalidade deste programa consiste en fomentar a actualización metodolóxica e a mellora do nivel de competencia en comunicación lingüística en linguas estranxeiras do profesorado a través do contacto directo con persoas dos países de fala inglesa, francesa, alemá ou portuguesa. Nesta edición, os docentes Luis Adolfo Couceiro Herrero, César Docanto Vázquez, Sara Domínguez García e Ángela Vázquez Álvarez tiveron como destino a cidade de Ottawa, en Canadá; mentres que a profesora Irene De Concepción Fernández desprazouse ata a cidade do Porto, en Portugal.

Esta actividade, promovida pola Consellería de Cultura, Educación e Universidade, permite ós seus participantes non só actualizar as súas habilidades comunicativas en linguas estranxeiras, senón tamén ter a oportunidade de integrarse no día a día dun sistema educativo diferente do galego. Este encontro cunhas estruturas organizativas e metodoloxías educativas diferentes das nosas posibilita tanto a recollida de ideas innovadoras coma a apertura dun espazo no que reflexionar sobre as vantaxes e inconvenientes das nosas propias circunstancias e formas de traballo.

O profesorado antes citado leva a cabo dende a súa reincorporación no centro un conxunto coordinado de actividades de difusión das aprendizaxes adquiridas dirixidas ós diferentes membros da comunidade educativa.

 

Distribuir contido


by Dr. Radut