Skip to Content

Extraescolares

Actividades que se realizan fora do ambito académico

Visita ao observatorio astronómico de Forcarei

30/01/2017 08:20
30/01/2017 17:40
Etc/GMT+1

 

O pasado 30 de xaneiro o alumnado de 1º e 2º dos Bacharelatos científico e tecnolóxico visitou o observatorio astronómico de Forcarei. A visita fíxose moi amena grazas a Ricardo e Alberto, que foron os encargados de explicarlles o funcionamento do observatorio, cales son as tarefas que se realizan nas instalacións e como é o material que empregan. Sen dúbida, o telescopio de enormes dimensións do que dispoñen (51 cm de diámetro) foi o que máis lles chamou a atención.

Dado que as condicións climáticas non permitiron levar a cabo ningunha actividade, a visita rematou coa proxección de imaxes obtidas desde o observatorio, nas cales se podían ver diferentes obxectos astronómicos como nebulosas, supernovas ou galaxias.

Unha vez finalizada a visita ao Observatorio, continuouse rumbo ao campus universitario de Vigo para coñecer as facultades correspondentes ás Enxeñarías de Minas, Industrial e de Telecomunicacións.

Mágoa que o tempo non nos acompañase nesta saída! Malia isto, hai que agradecer a Ricardo e a Alberto as súas explicacións tan entusiastas que nos recordan, unha vez máis, o grande que é o universo que nos rodea.

Gallaecia Gallaeciños

15/02/2017 08:20
15/02/2017 14:00
Etc/GMT+1

imaxe do concerto

O pasado día 15 de febreiro, alumnado de Música de 2º e 3º de ESO acompañado polos profesores Alfredo Garrido, Nuria vazquéz e Xoana Alonso asistiron a un concerto didáctico celebrado no Auditorio de Galicia en Santiago de Compostela.

"Gallaecia-Gallaeciños" é un proxecto musical - teatral educativo que pretende ensinar, dun xeito moi divertido e entretido, a HISTORIA DO JAZZ, narrando como nace cada estilo do mesmo. Explicando os diferentes estilos musicais, instrumentos, ritmos e épocas do Jazz dun xeito cronolóxico: Gospel, Blues, Ragtime, Dixieland, Swing, Bebop, Cool Jazz, Funky, Soul...
O alumnado gozou moito e tivo a oportunidade de participar e escoitar as diferentes intervencións musicais e explicacións sobre o contexto histórico, os instrumentos, así como comprender a principal fonte da que bebe a música no Jazz "A improvisación", tanto vocal coma instrumental.

A continuación, amosámosvos un vídeo explicativo realizado polos autores da actividade.

Visita ás instalacións de pádel

31/01/2017 10:00
01/02/2017 14:00
Etc/GMT+1
Dentro dun programa de visitas ás instalacións deportivas da contorna co obxecto de coñecer a oferta coa que contamos na Guarda, esta semana o alumndo de 4° de ESO visitou as instalacións de pádel, situadas na Gándara, acompañados do profesorado de Educación Física, Susana Salvador e Amalio Verd. Rapazas e rapaces aproveitaron para pasalo ben practicando pádel e fútbol de interior.
Fotos durante a visita Fotos durante a visita

Un pleno municipal

27/01/2017 10:00
Etc/GMT+1

Diferentes momentos do pleno.O concello da Guarda propúxonos participar co alumnado de 1º e 2º de ESO na simulación dun pleno municipal, actividade que levamos a cabo o pasado venres no salón de plenos do concello.

Formáronse grupos de alumnas e alumnos, de xeito que cada grupo representase un partido político ficticio, (Equipo Vermello, Amarelo, Azul etc.). Por sorteo decidiuse o grupo gobernante, mentres que o resto dos grupos serían a oposición. Cada grupo político elixiu, á súa vez, representantes de catro concellarías. Deste xeito, representaron a realidade do noso concello. Cada grupo da oposición presentou unha moción cunha proposta de mellora dalgún servizo municipal e dúas preguntas respecto do funcionamento doutras dúas actividades xa en funcionamento. A actividade foi presentada polo alcalde, Antonio Lomba, e moderada polo propio secretario do concello.

Foi unha experiencia moi enriquecedora, axudou ao alumnado a comprender o funcionamento dun concello e dos órganos de goberno e de representación cidadá, e contribuiu en boa medida a conectar a escola ao mundo.

Distribuir contido


by Dr. Radut