Ligazón á noticia no Boletín da Consellería.
Un grupo de alumnos e alumnas de 4º da ESO do IES A Sangriña proclamouse campión de España da "d3mobile.es metrology league", unha competición de modelado en 3D de precisión co móbil para estudantes de 4º da ESO e bacharelato, neste curso 2012-2013.
A competición está organizada pola Universidade de Santiago de Compostela a través do grupo de investigación USCAN3D, pola FECYT (Fundación Española para la Ciencia y la Tecnología), polo CEM (Centro Español de Metrología) e polo Instituto Geográfico Nacional.
O obxectivo desta competición é espertar no alumnado a súa capacidade investigadora á vez que aprenden a usar novas técnicas e ferramentas relacionadas coas novas tecnoloxías.
