Premios ou recoñecementos

Premios recibidos polo centro

No Faro de Vigo

Xov, 08/12/2016 - 23:00 — IES A Sangriña

Start: 06/12/2016 00:00

End: 08/12/2016 00:00

Timezone: Etc/GMT+1

Esta semana o noso centro estivo presente na prensa.

O pasado martes Faro de Vigo publicaba unha noticia sobre a participación do centro no proxecto EpDLab, proxecto centrado na educación en valores e novas tecnoloxías, e no que participamos desde o curso pasado. Podedes ler a noticia aquí.

O xoves, de novo no Faro, unha referencia ao éxito do noso alumnado no Rally Matemático e Científico Sen Fronteiras (rally que ganaron tres anos seguidos) e a visión que ten ao respecto o director do centro, dentro dunha reportaxe máis ampla sobre a excelencia no ensino galego, en relación aos resultados do informe PISA. Tendes dispoñible a reportaxe completa aquí, e a referencia ao noso centro aquí.

Calendario

Campións do Rally matemático europeo 2016

Mar, 17/05/2016 - 22:07 — IES A Sangriña

Start: 19/05/2016 00:00

End: 23/05/2016 00:00

Timezone: Etc/GMT+1

O pasado 13 de maio, alumnos e alumnas de 1º e 4º de ESO participaron na final europea do Rally Matemático e Científico Sen Fronteiras 2016 que se celebrou na Universidade Paul Sabatier de Toulouse ( Francia) e resultaron os campións do Rally, nas súas respectivas categorías.

O alumnado ganador son Raquel, Noela, Álvaro, Carlos, David, Diego, Miguel e Víctor, de 1º de ESO, e Elsa, María, Diego, Gabriel, Manuel Ángel, Miguel, Néstor e Santiago, de 4º de ESO. Todo o proxecto estivo coordinado polos profesores de matemáticas Carmen López e Antonio Benito.

O exame constaba de dúas partes, unha primira que consistía na resolución de tres problemas en 20 minutos, e unha segunda parte cun só problema a contrarreloxo, cun tempo de 10 minutos. No caso de empate, o ganador sería o equipo que o resolvese en menos tempo.
Tanto o noso alumnado de 1º como lo de 4º realizaron ben todos os problemas e foron os primeiros en entregar o exercicio a contrarreloxo, así que foron os ganadores absolutos.

As probas realizáronse desde as nove da mañá ata as catro da tarde, e participaron centros de ensino de moitas nacionalidades como Francia, Túnez o Suiza, entre outros.

Ganadores do Rally matemático galego

Xov, 14/04/2016 - 22:34 — IES A Sangriña

Start: 08/04/2016 10:00

Timezone: Etc/GMT+1

En marzo comenzou o Rally Matemático e Científico sen Fronteiras 2016 que terá a superfinal en Toulouse o 13 de maio.
A primeira fase levouse a cabo o día 15 de marzo en cada centro educativo. A participación en liña superou o centenar de centros en toda Galicia. Desta fase foron seleccionados dous dos nosos grupos de alumnos e alumnas, de 1º ESO e 4º ESO respectivamente.

O día 8 de abril realizouse na Facultade de Química a final da fase galega, á que acudiron os 15 grupos finalistas seleccionados. Para a final europea resultaron clasificados para representar a Galicia nos niveis de 1º e 4º de ESO o alumnado participante do IES A Sangriña. Son dous grupos de oito alumnas e alumnos que traballan en grupo, para o cal discorren e gozan das matemáticas unindo as súas destrezas e capacidades para resolver problemas de elevada dificultade.

Estes rapaces e rapazas son Raquel, Noela, Álvaro, Carlos, David, Diego, Miguel e Víctor, de 1º de ESo, e Elsa, María, Diego, Gabriel, Manuel Ángel, Miguel, Néstor e Santiago, de 4º de ESO. Todo o proxecto estivo coordinado polos profesores de matemáticas Carmen López Fernández e Antonio Benito García.

Xa en dúas ocasións o noso alumnado ganou o Rally europeo. Esperemos que co seu esforzo e dedicación repitan este logro!

O IES A Sangriña recibe o premio Star Project ao proxecto My Community and My History in Openstreetmap

Ven, 18/03/2016 - 14:48 — IES A Sangriña

O noso centro acaba de recibir o Premio Star Project, un recoñecemento de calidade outorgado pola realización do Proxecto My Community and Openstreetmap incluído dentro dos Programas de Aprendizaxe Permanente (PAP) (actualmente Erasmus+) e que foi realizado por un grupo de alumnas e alumnos do noso centro.
O premio Star Project valora tanto o deseño do proxecto como o seu desenvolvemento, os valores e o impacto dos resultados.

O programa My community and my History in OpenStreetMap desenvolveuse entre setembro de 2013 e xuño de 2015. Baixo a coordinación de Alemaña, participaron como socios a Archbishop Sentamu Academy de Hull (UK), o noso IES A Sangriña e o Liceo Sair Abay Konanbay de Estambul.

OpenStreetMap (OSM) é unha base de datos colaborativa que permite a achega libre e altruísta de calquera persoa habilitando a posibilidade de cartografar calquera zona do planeta. O obxectivo era utilizar OSM para que o alumnado implicados cartografase puntos históricos e arqueolóxicos especialmente importantes das súas comunidades, introducíndose, asemade, no coñecemento sobre o manexo de dispositivos de xeolocalización e familiarizándose co uso de editores cartográficos utilizados en OSM.