O 15 de Maio conmemorouse o Día Internacional da Familia.

Para festexalo elaboramos uns portafotos

que achegamos ata casa con moita ilusión

e a intención de completalos con fotografías de toda a familia.

Quedáronnos así de bonitos:

O Venres festexamos os aniversarios do mes:

Álex e Gabi cumpriron 5 anos

e Laura xa ten 8!!!

A profe María tamén cumpriu en Abril!

Tendo en conta o bo tempo dos días anteriores,

fixemos o intento para que este fora o primeiro

picnic - aniversario do curso, pero o vento decidiu

non colaborar e tivemos que resgardarnos no centro socio- cultural.

Alí dentro hai moito eco polo que nesta ocasión suprimimos

a sesión de artisteos varios.

Non cantamos nin bailamos,

pero rematamos a festa organizando carreiras no exterior.

A emoción estivo presente tanto na pista como nas gradas.

Informamos ás familias que con isto damos por inaugurados

os entrenos para a carreira das letras galegas en Campo Maneiro!

Supoñemos que a indirecta é bastante directa

e non é preciso recordar que nese día,

ademáis das carreiras infantís,

haberá....

CARREIRA DE ADULTOS!!!

Con motivo do día do libro quixemos escribir contos

para incluir no noso traballo dos castelos.

Fixemos a actividade en pequenos grupos.

Ao inicio houbo as típicas dificultades

para tomar decisións sobre

o que poñemos e o que non.

Pero finalmente houbo acordo e

incorporamos a nosa biblioteca tres novos exemplares.

Co traballo rematado quixemos compartilo cos compañeiros

nunha sesión de contacontos que imos a deixar subtitulada

porque aínda que normalmente non temos dificultades para berrar

(incluso máis da conta!) 

xa postos en escea, ás veces a vergonza fai das súas.

Aínda así fixémolo moi ben!!!

Félix, Uxía Lorenzo, Iker T., Xoel, Uxía Lojo e Marta

contáronnos:

"O AMOR"

Gabriel, Álex, Cristian, Xiana, Nerea e Kiara

contáronnos:

"OS PEIXES E O TIBURÓN"

Os máis pequenos, cunha pouquiña de axuda,

contaron:

"O CONTO DO CASTELO"

versionando o seu propio conto sobre a marcha,

empeñados en comezalo constantemente.

E é que como todo o mundo sabe:

Había unha vez...

Fotocopiados en formato mini, metemos os nosos contos

nunha caixa-castelo e achegámolos a casa

para compartir coas familias nun día tan especial:

O Mércores 17 de Abril visitamos o Castelo de Soutomaior.

Levábamos taaaaaanto tempo agardando!!!

Coa visita xa programada informáronnos de que

actualmente o Castelo non conta con monitores

que guíen as visitas.

Sen dúbida, esta foi unha moi mala nova,

pois somos moitos e a organización por parte

de guías ou monitores facilita o desenvovemento

das actividades nas que participamos.

Nese momento pensamos que xa non sería viable,

pero a profe Celia

(coordenadora de actividades complementarias)

non se desanimou e ofreceuse a preparar a visita

e xunto co profe Rubén facer de guías

para que a actividade puidera sair adiante.

Nós, que levamos tanto tempo traballando

sobre os castelos, queremos agradecerllo moi especialmente!!!

Co problema dos guías solucionado,

a choiva tivo que facer das súas

e obrigarnos a agardar unha semana máis.

Superados todos os contratempos,

finalmente realizamos a visita:

ENCANTOUNOS!!!

e volvemos a Capela

cun montón de fotos para o noso libro dos castelos.

En Semana Santa Beltrán e Kiara visitaron ao seu avó en Suíza

e aproveitando a viaxe achegáronse novamente a Disneyland Paris.

Coma sempre acordáronse de nós e volveron con moito que contar,

fotos para ensinar e bombóns para compartir!!!

Moitas grazas chicos!

Aproveitamos a ocasión para saudar ao seu avó

e agradecerlle que sempre se acorde de nós enviándonos bombóns

(que por certo, están boísimos!).

O Martes 19 de Marzo visitamos o Salón do libro en Pontevedra.

Primeiro percorremos a exposición "A toda máquina"

e despois asistimos á obra de teatro "Os seis barbudos".

O Mércores 13 de Marzo achegámonos ata o polideportivo de Rianxo

para participar na sesión de educación física correspondente ao segundo trimestre.

Aproveitamos o desprazamento para visitar a Biblioteca do Concello

e fixemos moito deporte!

O Xoves 7 de Marzo achegámonos ata a biblioteca do CRA

para participar na sesión correspondente ao segundo trimestre.

Nesta ocasión chegamos ata alí convidados por OQO Editora:

unha fábrica de contos!!!

Álex e Patricia foron os esncargados de contar, cantar, tocar,...

historias que saen da súa fábrica.

MOITAS GRAZAS!

"Castillo y Sol" Paul klee 1928.