Clube de Ciencia Nautilus
CIENCIA NA ESCOLA 23-24: "RECREANDO O HÁBITAT DOS DINOSAURIOS NA ESCOLA DE PAZO"
@s nos@s compañeir@s da escola de Pazo dentro do proxecto "A Orixe" están investigando sobre os dinosaurios. Aprenderon un montón de cousas e na mesa de experimentación recrearon o hábitat destes animais que dominaron a Terra durante moitísimo tempo.
A verdade e que vos quedou francamente ben. Noraboa compañeir@s!
- APIs de Blogue
12ª SESIÓN DO CLUB DE CIENCIA 23-24: "THE BIG BANG THEORY"
Non pensedes mal, nesta sesión do club de ciencia aínda que o seu título pode levar a confusión non imos ver a tele! Pero utilizando o nome desta famosa serie de televisión que ten como protagonistas a uns científicos moi especiais e divertidos, mergullámonos no estudio das orixes do universo e do noso sistema solar.
Fixemos un montón de cousas de forma lúdica e entretida: xogamos ao memory sobre os compoñentes do universo, construimos galaxias, creamos unha maqueta do sitema solar, investigamos sobre os movementos planetarios de rotación e translación observando o número de voltas ao Sol que da cada planeta e o tempo que tarda en facelo, consultamos libros sobre o universo.... Foi unha tarde xenial! Ata a próxima!
- APIs de Blogue
11ªSESIÓN DO CLUB DE CIENCIA 23-24: "QUE DI CHARLES DARWIN DA ORIXE?
Adicamos esta sesión do club de cienciaa un dos científicos máis importantes e coñecidos da Historia Natural que garda unha estreita relación co proxecto que traballamos este ano no noso cole "A Orixe". Escoitastes algunha vez falar da evolución das especies? O nome de Charles Darwin éche coñecido? Imos aprender sobre a viaxe que realizou ás Illas Galápagos e como anotaba todas as suas ideas, para despois explicar á sociedade cómo ao longo do tempo as especies foron cambiando para adaptarse ao seu entorno. Moitas das súas ideas cambiaron a ciencia para sempre.
Hoxe coñecimos ao señor Darwin e as súas teorías sobre a evolución. Ata a próxima!
- APIs de Blogue
10ª SESIÓN DO CLUB DE CIENCIA 23-24: "COMO NACEMOS?"
Esta semana no club de ciencia investigamos as diferentes formas que teñen os animais de ter fillos, xa que é un dos procesos fundamentais no noso planeta dunha beleza e complexidade tal, que necesita ser explicado e investigado. Aprendemos sobre os tipos de reproducción que existen sexual e axesual e tamén a cerca da clasificación dos animais segundo a súa forma de reproducirse e nacer: ovíparos, vivíparos....
Foi unha xornada moi entretida e fructífera porque nos encantan os animais e nos encanta aprender todo o que podemos sobre eles. Ata a próxima!
- APIs de Blogue
9ª SESIÓN DO CLUB DE CIENCIA 23-24: "ANIMAIS POLO MUNDO"
Esta semana no club de ciencia aprendemos un montón sobre as relacións entre as especies de animais que hai polo mundo: onde viven, en que ecosistemas se desenvolven, os parentescos entre animais de distintos continentes,curiosidades…
Lóxicamente tivemos que traballar co mapamundi e o globo terráqueo. Aprendemos un montón porque nos encanta saber cousas sobre os animais. Ata a próxima!
- APIs de Blogue
CIENCIA NA ESCOLA 23-24: "INICIANDO AS PLANTACIÓNS NA ESCOLA DE CAPELA"
@s nos@s compañeir@s da escola de Capela iniciaron a tempada de plantacións na escola. Os máis maiores axudaron @s peques ensínandolles cal é o proceso correcto para que a planta prenda. Entre outras cousas plantaron framboesas no patio da escola.
Unha vez rematado o traballo, só falta coidar e esperar para recibir estes deliciosos froitos. Sorte compañeir@s! Esperamos degustar pronto desas ricas framboesas. Ata a próxima!
- APIs de Blogue
8ª SESIÓN DO CLB DE CIENCIA 23-24: "FÓSILES"
Na sesión de club de ciencia desta semana aprendemos un montón de cousas a cerca dos dinosaurios e convertémonos e paleóntologos por un día, buscando fósiles e utilizando os mesmos utensilios que usan eles. Para rematar creamos o noso propio fósil que levamos para a casa ao rematar a sesión.
Pasámolo moi ben! Ata a próxima!
- APIs de Blogue
7ª SESIÓN DO CLUB DE CIENCIA 23-24: "COMO SON AS NOSAS PEGADAS"
Esta semana no club traballamos moitas cousas. Aprendimos que as nosas marcas dactilares son únicas, e averiguamos por que. Miramos e comparamos unhas con outras, para saber en que cambian e como se forman. Descubrimos cousas moi interesantes de mulleres científicas e escribimos con pluma!
Foi xenial, pasámolo moi ben! Ata a próxima.
- APIs de Blogue
6ª SESIÓN DO CLUB DE CIENCIA 23-24: "E TI...DE QUEN VES SENDO?"
Esta semana no club aprendimos moitas cousas a cerca de onde veñen os animais que podemos ver hoxe no noso día a dia. Investigamos e coñecemos quenes son os avos dos nosos mexillóns, polvos, nécoras, ourizos…
Pasámolo moi ben e descubrimos un montón de cousas sobre a orixe dos animais. Ata a próxima!
- APIs de Blogue
CIENCIA NA ESCOLA 23-24: SEMANA DA CIENCIA
Ao longo da derradeira semana de xaneiro os nosos amigos Yoli e David de Arenaria visitaron as nosas escolas para levar a cabo a semana da ciencia. Con eles fixemos un percorrido pola historia da vida no noso planeta.
Pasámolo xenial e aprendemos un montón de cousas sobre a orixe da vida, onde xurdiu, cales foron os primeiros animais, por que se extinguiron os dinosaurios, de onde vimos os seres humanos... implementando nas nosas aulas experiencias para enriquecer o proxecto documental integrado que traballamos este ano "A Orixe".
- APIs de Blogue
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »