Esta semana por fin puidemos retomar as sesións do club de ciencia en Asados. Para esta reinauguración do club María e David quixeron que traballáramos como verdadeiros científicos de laboratorio así que nos trouxeron un microscopio. Este aparello permítenos ver cousas minúsculas que non somos capaces de ver a simple vista.

Aprendemos que o que vemos polo microscopio ás veces non se parece en nada ao que nós pensamos ou ao que coñecemos na realidade, por exemplo sabíades que a pel do tiburón vista ao miscroscopio parece un conxunto de puntas de frechas? ou que a semente do millo ten varias cores?

Esedía puidemos ver e tocar dous animais:un invertebrado: o calamar, e un vertebrado: o xurelo. Nuca os tiveramos así nas nosas mans: puidemos contar as aletas, ver a súa textura, descobrir onde está o famoso saco de tinta do calamar ou contar o número de tentáculos que ten!

Xa vistedes. Fascinante o que se pode descubrir con tan poucas cousas e en só 1 hora eh?? Pois sí, no clube de ciencia facémolo e encántanos!!

Ata a proxima!