Chegou o final de curso e con él, o momento de analizar todo o que aprendemos ao longo do curso e tamén, das despedidas.

Como ben sabedes, a mín, o profe Álex (como me dicides a maioría de vós), déronme destino máis preto da miña casa no CEIP Mesón do Vento e para o ano xa non vou a formar parte da famila do CRA de Rianxo. Co cal, gustaríame despedirme de vós agasallándovos cun vídeo cheo de momentos marabillosos onde vemos a nosa evolución en Educación Fisica, momentos todos eles, que sempre ocuparán un lugar moi especial no meu corazón.

Ademais das propias clases de Educación Física, tratouse de artellar un conxunto de actividades que promoveran estilos de vida saudables relacionados co exercicio físico, a alimentación equilibrada e o emprego saudable do tempo libre.

Quérovos agradecer tanto a compañeir@s, nais/pais/familias, alumn@s e a toda a comunidade do CRA de Rianxo por involucrarvos tanto en todas e cada unha das actividades que se propoxeron dende a miña área, e sobre todo, por facerme sentir tan querido, mellor mestre e, por suposto, mellor persoa.

Sodes xeniais, non cambiedes nunca!

Mil grazas por todo, saúde e terra irmáns!

Podedes descargar o vídeo na seguinte ligazón: https://dl.dropboxusercontent.com/u/168280162/Recordos%20CRA%20de%20Rianxo%203.mp4